@isosgeles - Tumblr Blog

Uchafbwynt 'Steddfod 2014- Ysgol Sul

Gofynnon ni i un o gyfrannwyr cyson Isosgeles Sam Rhys, be oedd ei uchafbwynt e o Eisteddfod Genedlaethol 2014? Ysgol Sul oedd ei ateb.

Roedd llawer o bethau yn yr Eisteddfod wnaeth fy llenwi gyda llawenydd eleni megis Gwenno Saunders yn Faes B, Plu yng Nghaffi Maes b (oedd yn orlawn gyda llaw) a arddangosfa ‘cloriau’ Rhys Aneurin. Ond, yr uchafbwynt i mi yn bersonol oedd gweld Ysgol Sul yn ennill brwydr y bandiau… yn hawdd. I fi, roedd gweld y bobl wnes i feddwl bod ganddyn nhw’r potensial i fod yn fand anhygoel dod yn realiti, yn deimlad allai ddim esbonio. Dwi di abod nhw ers i mi fod y babi ac rwyf wastad wedi dweud bydde nhw’n gallu creu un o’r bandiau gore yng Nghymru. Roedd gweld hyn yn dod yn fyw, mwy neu lai yn freuddwyd, ac mae’r gorllewin wedi cynhyrchu band addawol iawn am y dyfodol unwaith eto. Dwi’n 100% siŵr bydd Ysgol Sul yn dod yn fwy ac yn fwy poblogaidd dros y blynyddoedd nesa ac yn dod yn adnabyddus fel un o’r bandiau gorau, mwyaf cŵl Cymru. Llew, Cian ac Iolo, pob lwc bois a diolch am rannu eich cerddoriaeth gyda’r byd. Sam Rhys

ddeleh13

Cowbois Rhos Botwnnog #maesb

Isosgeles yn cyflwyno...ELFENNAU

Isosgeles yn cyflwyno...

E L F E N N A U

Ar hyn o bryd gallech gyfri nifer o gynhyrchwyr electronig/dawns Cymraeg ar un llaw, sydd yn dorcalonnus. OND ar nodyn positif penderfynom ni i gwrdd ag un o gynhyrchwyr mwyaf newydd y sin cerddorol Gymraeg, Elfennau er mwyn ffeindio mas mwy amdano fe a'i gerddoriaeth.

(Wrth ddarllen, be am wrando ar hon ar yr un pryd: 'Ti a Fi' trac ecscliwsif i Isosgeles fydd ar ei EP gyntaf 'Heddiw' fydd mas hwyrach yn y flwyddyn.)

Helo Elfennau, diolch am gytuno i wneud cyfweliad gyda Isosgeles. Cwestiwn amlwg a diflas i agor (sori) ond un sydd yn bwysig...Pwy yw Elfennau?

Elfennau ydy'r project newydd gan fi, Martyn Kinnear. Dwi wedi cyfansoddi cerddoriaeth ar gyfer nifer o flynyddoedd. Ar gyfer y dwy flynedd ddiwethaf dysgais i Cymraeg yn y gwaith, felly fi eisiau estyn allan i gynulleidfa Gymraeg.

Sôn wrthym ni am dy gerddoriaeth! Wrth wrando ar dy EP rydyn ni'n clywed amryw o arddulliau a synau gwahanol o fyd dawns. Lle mae'r ysbrydoliaeth a'r awydd yma wedi dod o i greu cerddoriaeth ddawns?

Dechreuais ysgrifennu cerddoriaeth electronig pan roeddwn yn y coleg (gyda help o fy fiancé Emma). Gwrandawais ar gymaint o steiliau gwahanol o gerddoriaeth a roeddwn yn awyddus i ddysgu sut i greu gwahanol genres. Cariodd hwna ymlaen ym Mhrifysgol wedyn lle roedd cerddoriaeth dawns yn dechrau dod yn fwy boblogaidd, fel y roc ‘n rol newydd. Dechreuais DJio ym Mhrifysgol wedyn gyda fy ffrind Koncept a cyflwynodd e gwhahanol fathau o gerddoriaeth dawns i fi fel Dubstep, Moombahton, Deep House, Drumstep Glitch Hop a mwy. Ysgrifennom ni llwyth o diwns Dubstep, a gyda’n gilydd a cynhyrchom ni lot fawr o mashups roedd yn cael ei ddefnyddio yn ein set byw. Dwi’n caru DJio y fath yna o gerddoriaeth felly roedd symud at gynhyrchu cerddoriaeth yn cam hawdd i gymryd.

Dw i ddim wedi clywed llawer o cerddoriaeth dawns yn Cymru, ac ers i fi ddysgu Cymraeg yn y gwaith, dwi wedi clywed lot o gerddoriaeth pop, indie a gwerin felly roeddwn yn awyddus i ddechrau ailgymysgu cerddoriaeth Cymraeg.

Sut mae Elfennau yn mynd ati i gynhyrchu trac newydd?

Mae pob trac yn gwahanol. Os ydw i wedi bod yn gwrando ar lot o artistiaid tebyg, dwi’n dechrau tynnu arddulliau a synnau o’r artistiaid yna. Dwi fel arfer gyda rhywfath o curiad neu alaw yn fy mhen a dwi’n canu hi mewn i fy iphone a pan gai’r cyfle nai drio eistedd lawr am gwpwl o oriau a cyfansoddi hi yn iawn ar Logic ar fy Macbook. Os na allai cyfansoddi hi o fewn un sesiwn cyfansoddi dwi fel arfer yn scrapio’r syniad. Dwi rili angen mwynhau’r trac os ydy hi am fynd ym mhellach a does dim byd gwaeth na dod nol i drac sydd hanner gorffen.

Nid jyst cynhyrchu cerddoriaeth dy hun wyt ti ond rwyt ti'n ailgymysgu hefyd. Oes well gen ti gynhyrchu gwaith dy hun? Neu ailgymysgu cerddoriaeth pobl eraill?

Dwi'n caru'r ddau. Os dwi'n ailgymysgu trac dwi erioed 'di clywed o'r blaen dwi'n hoffi cael y tracs lleisiau yn unig achos dwi'n cael neud be bynnag dwi moyn i'r gerddoriaeth wedyn a trin hi fel cyfansoddiad fy hun. A fydden ni'n gweld Elfennau yn fyw rhyw ddydd?

Gobeithio, Dwi'n gweithio fel DJ ar pob penwythnos yn Caerfyrddin a dwi'n dysgu llawer mwy o Gymraeg felly efallai blwyddyn nesa nai chwarae cwpwl o wyliau gerddorol, efallai Maes B?

Pa gynlluniau sydd gen ti ar gyfer y dyfodol? Lle bydd Elfennau amser yma blwyddyn nesaf?

Gobeithio fyddai'n rhugl yn y Gymraeg amser yma blwyddyn nesaf. Hoffwn greu albwm a cysylltu gyda rhagor o artistiaid er mwyn creu rhagor o ailgymysgiadau. Dwi'n sicr moyn bod yn rhan o gigs a gwyliau cerddorol Cymraeg. Dwi'n caru gwylio Y Stiwdio Gefn felly falle perfformiadau teledu?

Un peth sydd yn sicr yw bod Elfennau yn llenwi gwagle mawr yn y sin cerddorol Gymraeg ar hyn o bryd. Gydag arddulliau dawns ryngwladol efallai welwn Elfennau yn mynd tu hwnt i'r ffin a theithio i wledydd eraill i ddilyn yn ôl traed rhai o gewri dawns fodern fel Calvin Harris, Avicii a Tiesto. Mae ei gerddoriaeth wir yn gweddi i dorf o filoedd felly, peidiwch chi a synnu i weld Elfennau ar dop boster gŵyl gerddorol Cymraeg yn y dyfodol.

Cai Morgan

#newyddion

Amrywiol | CAM1 (2014)

Amhosib fyddai son am yr albwm hwn heb roi sylw i Cam O'r Tywyllwch sef llwyfan wreiddiol criw Peski i'r gerddoriaeth angenrheidiol yma. Fel mae'r label yn ei ddweud, 'palwch yn ddyfnach na Gareth Bale, Shirley Bassey a chorau meibion, a darganfyddwch drysorau lu o gerddoriaeth anturus o Gymru'; a dyna'n wir y mae CAM 1 yn ei gynnig - ongl wahanol i weld Cymru.

Dwi'n ffyddiog na fydd y gerddoriaeth at ddant pawb, fel y mae natur chwaeth, ond mae'r albwm hwn yr un mor eang ac y mae wych. Gall Keffylau gan HORSES sefyll yn falch, fel y gall Corwen gan Recordiau. Mae fersiwn Carcharorion Riddim o Beth yw'r Haf yn odidog, ac R.Seiliog yn cynnig mwy o berffeithrwydd mecanyddol gyda'i gyfraniad ef, Pysgod.

Pwrpas CAM 1 yw i danlinellu'r tanddaearol sydd yn fyw ac yn iach yng Nghymru - cerddoriaeth sy'n darganfod trywydd ei hun ac yn gwthio'r ffiniau (maddeuwch i mi'r ystrydebau), ac yn hyn mae'n lwyddiant mawr. Ond penllanw yw hyn - blas o'r hyn sydd i'w glywed yn wythnosol ar y rhaglen, a diferyn bach ym myd cyffrous cerddoriaeth arbrofol Cymraeg ar hyn o bryd.

4.5 |5

Nico Dafydd

#adolygiad

#newyddion

E W C H . E W C H . E W C H . E W C H .E W C H

#newyddion

GWYLLT | AFLONYDD (ADOLYGIAD GAN SAM RHYS)

Dwi heb wrando ar 'Gwyllt' yn iawn cyn yr albwm yma, ac roedd fy rhagfarn bron yn berffaith.

Ni’n dechrau gyda’r un llinell mae pob band pop Cymraeg yn ei ddefnyddio, yr ‘aaaa’s. Gyda’r gitâr meddal a’r llais sy’n sibrwd i’r clust- mae ‘Hunan Bicil’ yn gan hyfryd. Ysgafn, ond nid yw’n ddiflas. Perffaith ar gyfer taith hir yn y car neu wrth drio mynd off gyda merch yn dy ystafell wely- dechreuad da i’r albwm.

Ni’n symud ymlaen i’r ail darn, ‘Nerth’, ac yn syth o’r dechrau rwy’n credo bod fy ffon wedi mynd ar ‘shuffle’ ar ddamwain a chwarae’r Super Furry Animals! Ond yna, mae’r pennill yn dechrau gyda’r ‘www’s a’r ‘aaaa’s eto.. Mae’r un naws yn y gan yma a’r un a dechreuwyd yr albwm, ond mae yna ddatblygiad amlwg yn y gan gyda llawer o agweddau pop ynddi. Mae melodi sy’n aros yn y cof gyda bits a bobs post-psychadelic yn y cefndir- dwi’n sicr bydd hwn yn boblogaidd o flaen cynulleidfa feddw Gymreig.

Erbyn ‘Dorothea’ dwi’n dechrau cael llond bol o’r naws yma o golled, tristwch neu annhegwch. Ond, wrth ddweud hynny, mae’r gan yn datblygu eto ac yn adleisio llawer o Nick Cave and the Badseeds yn y cytgan (sydd hefyd gyda’r un naws). Mae mor hawdd ceisio ymestyn y gan yma i greu’n ‘balâd’ ond dydyn nhw ddim yn gwneud hyn, parch.

Yna ni’n cyrraedd y gan dyle nhw di gadael o'r yr albwm. Fi’n deall pam roedden nhw eisiau ychwanegu fe, ond nid yw’n gweithio. Ar ôl tair gan oedd mwy neu lai'r un peth oeddwn i eisiau rhywbeth gwahanol- ond nid hwn oedd gen i yn fy meddwl. Yn fyr, mae’n swnio fel cymysgiad Derwyddon Dr.Gonzo, Pitbul a D’banj. Dim diolch, it’s a no from me.

Ar ôl cyrraedd y gan nesa (o’r diwedd) mae'n teimlo fel bo fi’n gwrando ar 'Gwyllt' eto. Ni nol i’r arfer ac ar ôl gwrando ar y gan ddiwethaf mae croeso enfawr iddi. Mae’r un naws o dristwch a cholled yn parhau tan i ni gyrraedd ‘Effaith Trwsus Lledar’. Mae hyn yn gam ymlaen. Mae hyn yn wal enfawr o sŵn annisgwyl- ond pleserus. Pwerus, cryf a chyffrous. Mae’r gynulleidfa yn yfed ei ‘peints’ yn y clwb rygbi ac yn mynd yn wallgof i’r gan yma. Hwn yw anthem yr albwm- hwn sy’n achub yr albwm o fod yn albwm ‘alright’. Hwn yw’r gan mae pawb yn adnabod a hwn yw’r rheswm mae pawb yn mynd i weld nhw’n fyw. Mae’n dod gyda chymaint o lawenydd- teimlaf fod y gan yn gorffen yn rhy gynnar! Galle cytgan arall ar ôl y solo wir neud y gan yn anthem- ond mae’n rhaid bo nhw’n cadw hwnna i’r set fyw.

Yna, ni’n cyrraedd y diweddglo ‘Dyffryn Nunlle’. Can sy’n dod a ni nol lawr o’r nenfwd i’r Ddaear ac sy’n cloi’r albwm yn brydferth. Dewis arbennig o drefn y caneuon dwi’n teimlo- mae llawer o fandiau’n ceisio adeiladu’r albwm ac yna gorffen gyda ‘bang’ ond mae Gwyllt, yn amlwg, yn fwy clyfar na hwnna. Ond mae’r caneuon tywyll Nick Cave-esque ar y dechrau, yna ‘rhywbeth gwahanol’ gyda’r pedwerydd gan (bydde ni wedi dewis can gwahanol yn lle- ond mae’n rhaid bod rhywyn yn hoffi fe) nol lawr i’r naws tywyll, yna bloedd mawr Effaith Trowsus Lledar a Dyffryn Nunlle i gloi. Hyfryd.

Felly, yn fyr, albwm sy’n tywys chi un lle- ac yn gwthio chi rhywle arall. Adolygiad un gair? Decent.

6/10

Sam Rhys

#adolygiad

MERCHED MUMBAI / GWENA - BROMAS

Merched Mumbai / Gwena:

Yn yr wythnosau dwythaf ‘ma, mae Bromas, un o fandiau mwyaf ffrwythlon a chyffrous y sîn, wedi rhoi rhagflas I ni ar ei halbwm newydd sydd ar y gweill yn yr haf. Mi fydd yr albwm yn gweld y band yn cymryd un cam I ffwrdd o’r elfen seicadelig, arbrofol sydd yn bodoli mewn caneuon oddi ar ei halbwm gyntaf, Byr Dymor, megis Sal Paradise ac Alaw, ac yn camu tuag at gytganau bachog a cherddoriaeth “get the fuck up and dance” Grimaldi a Byth di bod I Japan.

Merched Mumbai:

Mae’r ail stop ar y Bromas World Tour, yn gweld Bromas yn mynd o Japan I India. Os da chi’n licio Grimaldi neu Hollow Men, mi fedra i warantu bydd hon yn eich plesio. Mae’r gân yn rhedeg ar synau traddodiadol indiaidd, mae’n wahanol ofnadwy I unrhywbeth ar y sîn ar y funud, yn “Oriental Celto-Pop” (fel ma hi’n cael ei disgrifio ar soundcloud) iawn… ond gyda’r atseiniau cefndirol fel yr “Hei”s a’r “Ho”s a’r “Fi di clywed...” mae’r pedwarawd o Sir Gaerfyrddin sydd wedi ysbarduno chwyldro bandiau ifanc De-Orllewin Cymru, yn cadw at be mae nhw’n gallu neud yn dda, sef ysgrifennu caneuon sy’n catchy as fuck.

4/5

Gwena:

Dwi’n sgwennu bob cyfraniad i’r blog yma yn onest, ac felly mae rhaid i mi gyfaddef mod i wedi meddwl “O na” pan glywais i hon am y tro cyntaf. Ond, yn wir i chi mae’r gan yma wedi tyfu arna i fel Athlete’s Foot drwg, ac fel Merched Mumbai, yn catchy fel Gonorrhoea... Efallai mod i wedi eich rhoi chi mewn sefyllfa reit afiach yn feddyliol, ond gadewch i mi basio’r rose tinteds yn ôl atoch: Anthem ar gyfer yr haf ydy Gwena, ac mae’r piano salŵn ffilm Western yn gweddu’n berffaith ac yn wahanol i’r synau synth sy’n ymddangos yn fwy cyson yn eu caneuon. Mae’r geiriau yn syml ac yn gofiadwy, ac yn cael eu canu’n dda gan brif leisydd y band ac y lleisiau cefndirol yn hyd yn oed gwell eto... Ond wrth i mi dynnu’r rose tinted spectacles i ffwrdd eto, mae rhywbeth dal ar goll, allai'm rhoi fy mys arni, ond efallai na dim ond mater o arfer gyda’r newid i ddeunydd fwy syml bydd hynny. Fel ddwedais i, anthem yr haf.

3/5

Ianto Gruffydd

#adolygiad

MAES B - 2014!

Nos Fercher yma mi fydd Lisa Gwilym a Guto Brychan yn cyhoeddi'r bandiau ag artistiaid bydd yn perfformio yn Maes B 2014.

Felly i dalu teyrnged i'r ŵyl wyllt a gwallgof, mae C2 BBC Radio Cymru ar ôl eich Atgofion Maes B. Oes gynnoch chi atgof pe bai'n orffwyll neu beidio, mae C2 moyn eu clywed nhw, felly anfonwch neges Trydar draw i @c2bbcradiocymru #atgofionmaesb .

Welwn ni chi yno!

#newyddion

horizons-gorwelion

Press, Print & Blogs – Where to publicise your music in Wales?

Teleri Jones from Juxtaposed blog lets us in on a few blogging secrets.

Getting your music noticed, has in many ways, never been easier. Online music libraries like soundcloud and bandcamp, as well as the people power of social media, make getting your music into people’s ears relatively straightforward. However, going that step further, and getting your music on the radar of people that can spread the word for you takes a little more initiative.

We all know that the internet is a great way of connecting to fans and promoting your music. It was around a decade ago that Arctic Monkeys started putting their music online for free, eventually graduating from “I’ve found this great band on myspace” to, “fastest selling debut album EVER”. One thing that has changed is that now, every artist, band, bedroom DJ has a soundcloud page and a youtube channel. It serves as a shop window or portfolio which is easy for fans, journalists, bloggers and radio producers to access. You have control over what appears on your page so you can give away free downloads to some or all users, limit access to older material, and crucially, analyse your statistics.

Making it easy for people to hear your work is a good place to start, so build up a comprehensive online presence. Start a facebook page, a twitter account, put music on soundcloud and bandcamp, make films and put them online. If someone mentions your band to a friend, and they want to find you, it’s important to be easy to discover. Many people prefer gigs to listening online, so pointing people towards a gig you have, however small, can be a fantastic way to reach them. It also gives you a bit of credibility, if someone has decided to give you a gig, you can’t be that bad.

I am often surprised and impressed by the extent some artists will go to to publicise their music to blogs. Last week I received an email from an artist I had never heard of saying that they had a gig in Cardiff that night. They had researched local blogs and wanted to put my name on the guest list. Incidentally, I wasn’t able to make it, but I was so impressed by the attention to detail and determination of the artist that I took some time to listen to her soundcloud. It’s important to remember that behind the blogs, the articles and the radio programmes, there are real music fans, and going that extra step to put your name on their radar can be very effective.

In Wales there isn’t a huge amount of radio air time available for Welsh music in any language. However there are some DJs and producers that are real champions of the cause. Find out who they are (twitter is a good place to start) and how to get in touch with them. Follow people like Adam Walton, Bethan Elfyn from Radio Wales and Huw Stephens, Georgia Ruth, Lisa Gwilym and Gareth Iwan from Radio Cymru. These people can play you on the radio and that’s only ever a good thing.

Ultimately, publicising your music is down to you. Sending links to your music to as many people as possible, and tailoring any message you send to that particular person is the most important thing you can do. If you’re proactive and committed people will be impressed, and soon people will start publicising your music for you.

http://juxtapozedblog.com

Which are your favourite Welsh music blogs?

Sesiwn C2 - I Fight Lions

&amp;lt;a href="http://ifightlions.com/album/sesiwn-c2" data-mce-href="http://ifightlions.com/album/sesiwn-c2"&amp;gt;Sesiwn C2 by I Fight Lions&amp;lt;/a&amp;gt;

Neithiwr glywodd gwrandawyr C2 y sesiwn wych yma gan y pedwarawd roc o Eryri 'I Fight Lions', ar raglen Huw Stephens. Cafodd y sesiwn tri thrac yma ei gynhyrchu gan gyn cynhyrchydd Motorhead, Twin Atlantic a Kids in Glass Houses, Romesh Dodangoda.

Rydyn ni yn rhagweld pethau mawr yn digwydd i I Fight Lions yn 2014!

Ewch i ddilyn nhw ar Twitter @ifightlions !

#newyddion

GWENA - BROMAS

AMERICAN INTERIOR (ALBWM) | GRUFF RHYS

AMERICAN INTERIOR (ALBWM) - Adolygiad

OK. Ma pawb yn gwybod erbyn hyn bod Gruff Rhys yn meddwl yn wahanol i bawb arall. Mae’n edrych ar y byd mewn ffordd wahanol i bawb arall. Dwi wastad yn dychmygu sut mae Gruff Rhys yn gweld y byd, rwy’n disgwyl llawer o liwiau ac ungyrn (unicorns- mwy nag un ungorn) yn hedfan yn yr awyr gyda Pete Fowler yn ceisio paentio dros unrhywbeth sy’ gyda dau liw arni. Gyda Gruff yn hedfan ar ei allweddellau (-allweddol, cheap joke) yn saethu lasers allan o’i sbectol haul, yn cynllunio sut i greu albwm hollol anhygoel arall, heb hyd yn oed edrych fel mae’n rhoi llawer o ymdrech mewn iddo fe.

Beth bynnag, ‘American Interior’ yw’r albwm, app, llyfr a’r ffilm, diweddaraf Gruff Rhys ac mae wedi bod yn cael adolygiadau anhygoel gan bron pawb sydd wedi gwrando arni, ac mae un arall ar y ffordd.

Dechreuir yr albwm gyda ‘American Exterior’ sy’n gwneud i chi teimlo fel chi’n cael ei llusgo i mewn i fyd Gruff gan atyniad gofodol sydd yn amhosib rheoli, chi’n neidio i mewn i’r llong ofod a cyn i chi cael dwy goes ar y llawr mae ‘American Interior’ yn dechrau. Mae’r gan yma yn anthem roc wrth yn ailadrodd ‘Your visions carry me / to where you were / your dreams will carry me / to when you were.’ Yn argoelus, gyda’r harmonïau adleisiol mae’n dangos yr ymroddiad roedd gan Gruff I ddarganfod breuddwyd ei pherthyn. Fel llawer o waith Gruff, mae’r cydbwysedd rhwng y seicadelig, yr hyfryd a’r gwallgof yn wych. Gyda’r country-folk o ‘100 unread messages’, ‘the Whether (or Not)’ neu’r ‘the Last Conquistador’ mae cymysgedd o synths, peiriannau dryms, classic rock, a bach o deimlad disgo llwythol o’r 80’au ar ‘Allweddellau Allweddol’ (y cheap joke gine).

Yna, yng nghanol yr holl samplau gorffwyll ond perffaith, mae’r anthem drist ‘The Swamp’. ‘I’m not scared of dying / I’m only scared of making you cry / I’m not one for trying / I’m just a visitor passing you by / I’m just a passenger leaving, goodbye.’ Fanyn gellir clywed sŵn eithaf Gorillaz gyda’r synth melancholy(-hill, jôc wael arall). Gyda ‘Iolo’ mae’n gan sydd yn berffaith i’r ffilm. Teimlad o chwilio, yr angen i ddarganfod y gwir, er, bod chwedlau yn bwysicach na gwir fedd Gruff ei hun. Gyda’r teimlad ‘stop-start’ yn yr albwm chi byth yn gallu gweithio allan beth yn union sy’n dod nesa, ac mae hyn yn cadw chi gwrando tan ‘Tiger’s Tale’ sy’n cloi’r albwm gyda naws classic western rock, gyda phiano ar ei ben, ac yna’r gitâr rhythm yn adeiladu ac yn mynd yn fwy fuzzy(-logic, sori ma rhaid fi stopio gwneud hyn) wrth i’r gan gario mlaen. Mae hyn yn ddiweddglo hyfryd i albwm hyfryd.

Beth bynnag yw’r gwir gyda John Evans, beth bynnag yw’r gwir gyda’r llwyth o siaradwyr Cymraeg, mae stori John Evans wedi creu albwm anhygoel arall I Gruff Rhys. Yn sicr, mae hon yn albwm dylsai pawb berchen. Os chi heb weld e eto, ewch, os chi heb brynu/llawrlwytho’r albwm, plîs, gwnewch.

Diolch, Gruff, Diolch.

Sam Rhys

5 | 5

www.gruffrhys.com / www.turnstilemusic.net / @gruffingtonpost / @turnstilemusic

#adolygiad

welshmusic-cerddoriaethcymraeg

ESGLIWSIF! EXCLUSIVE!

Merched Mumbaiyw’r sengl gyntaf oddi ar ail albwm Bromas – cân am ddyheu, am gariad ac am bopeth arall cyn belled ei bod yn achos i ddawnsio. Bydd modd lawrlwytho’r sengl oddi ar wefannau iTunes, Amazon a Google Play ar Fai 1af er mwyn cychwyn yr antur hafaidd tuag at ryddhau’r casgliad cyfan, Codi’n Fore, ym mis Awst ar label Rasp.

Ers rhyddhau deunydd yn 2013 mae Bromas wedi mynd o nerth i nerth, ac yn ystod y daith, wedi trawsffurfio steil eu cerddoriaeth. Erbyn hyn maen nhw wedi darganfod eu rôl fel gweithredwyr parti yn eu hardal leol, sef cordior Castell-nedd – Caerfyrddin, ac yn ôl aelodau’r band, dyma’r cysyniad sydd y tu ôl i’w halbwm diweddaraf.

Yn ôl Llewelyn Hopwood, allweddellwr y band “Ni ’di cymryd ein hunain yn gymharol o ddifrif yn y gorffennol drwy ysgrifennu caneuon trwm a dwys, ond erbyn hyn ni ’di penderfynu rhoi’r gorau i hynny er mwyn creu cerddoriaeth sy’n eich cywilyddio os nad y’ch chi’n codi o’ch eistedd a dechrau dawnsio.”

Bydd Bromas yn chwarae gig yng Nghlwb Ifor Bach yng Nghaerdydd am 8 o’r gloch ar y nos Iau, y 1af o Fai ac yno bydd nifer cyfyngedig o fathodynnau ‘Merched Mwmbai’ ar gael!

_____________

Merched Mumbai (Mumbai Girls) is the brand spanking new single from the second album by Bromas - a song about yearning, love, and everything in between - so long as it is a reason to dance! The single will be available to download at iTunes, Amazon and Google Play on May the 1st and it will be the start of a summer adventure towards the release of the complete collection - the second album, Codi’n Fore (Morning Riser) in August on the label Rasp.

Since releasing music in 2013, Bromas have gone from strength to strength, and during their journey have transformed their musical style. By now they have found their role as party operators in their local area - Castell-nedd corrdior Caerfyrddin (Carmarthen) and according to the band, this is the concept behind their latest offering.

According to Llewelyn Hopwood,the band’s keyboardist “We’ve taken ourselves fairly seriously in the past by writing heavy and deep songs, but by now we’ve decided to give that up in order to create music that will put you to shame if you don’t get up and start to dance.”

Bromas will be playing a gig at Clwb Ifor Bach in Cardiff on the 1st of May at 8 o’ clock and a limited number of ‘Merched Mumbai’ badges will be available.

ochr1

Heno // 10pm // Tonight Y Ffug // 9Bach // The Gentle Good

Gruff Rhys- Acapela, Pentyrch 02/05/13

Gruff Rhys - Acapela, Pentyrch 2/5/13

Nawr, dwi ddim yn gwybod amdanoch chi ond dwi wir o dan hud a lledrith creadigol Gruff Rhys ar y funud, a does dim byd gallai a neud amdani. Felly pan welais tweet Turnstile yn cyhoeddi gig G.R. yn Acapela, Pentyrch neidiais ar y cyfle, ac o fewn dwy awr mi oedd y ticedi I GYD wedi mynd. Mae lleoli gig mewn hen gapel hardd ar gyrion Caerdydd yn un peth, ond wedyn mae taflu prif leisydd y SFA i mewn i ddiddanu'r dorf am ddwy awr ar ben hynny, yn rhywbeth arbennig iawn.

'American Interior' yw enw prosiect diweddara Gruff Rhys, ac nid dim ond albwm y mae G.R. wrthi'n hyrwyddo ar hyn o bryd, o na. Mae Gruff unwaith eto wedi mynd tu hwnt i'r alwad er mwyn ein diddanu, trwy greu prosiect aml-blatfform gyda Llyfr, Albwm, App a Ffilm yn cael ei rhyddhau. Stori John Evans (Don Juan Evans) yw canolbwynt 'American Interior', stori am was ffarm gadawodd ei fywyd yn Waunfawr er mwyn darganfod llwyth frodorol o siaradwyr Cymraeg yng Ngogledd America.

Felly, toc ar ôl 8:30yh cymrodd Gruff ei le ym mhwlpit Acapela o flaen 150 o wylwyr gyda het blaidd ar ei ben a John Evans yn eistedd wrth ei ochr. Cychwynodd y perfformiad gyda fersiwn o un o'i ganeuon fwyaf poblogaidd oddi ar ei albwm 'Hotel Shampoo' - 'Honey All Over'. Pa ffordd well o gynhesu'r gynulleidfa. Cafom ein tywys wedyn gan ganeuon 'American Interior' trwy stori liwgar a gwallgof John Evans.

Yn rhedeg yn baralel gyda pherfformiadau byw Gruff mi oedd na sioe sleidiau oedd yn cael ei lliwio gan hiwmor a ffordd unigryw Gruff o adrodd stori oedd yn amlwg yn boblogaidd gyda'r gynulleidfa. Wrth i'r set mynd ymlaen roedd Gruff yn galw ar ei fyddin o offerynnau a teclynnau unigryw i'w helpu gyda'r caneuon newydd, a phob hyn a hyn yn mynd nol i draciau Hotel Shampoo, Yr Atal Genhedlaeth a Candylion roedd rhywsut yn ffitio yn berffaith i mewn i stori John Evans. Mi oedd na hyd yn oed perfformiad acwstig o drac Neon Neon, Hammer and Sickle.

Llwyddodd Gruff, heb os nag oni bai i lusgo'r 150 o wrandawyr i mewn i fyd cyffrous yr arloeswr Cymreig o'r 16eg ganrif am ddwy awr o adloniant hudol.

Unwaith eto mae Gruff Rhys wedi rhagori eu hunain- ddim dim ond yn ei waith fel cerddor ond yn ei waith fel 'creative' aml-blatfform sydd o hyd yn cyflwyno cynnyrch 'Pop' o safon. Mae ganddo'r gallu i gynhyrchu gwaith llwyddiannus ym mhob maes, pe bai'n ffilm, cerddoriaeth, llenyddiaeth neu berfformiadau a digwyddiadau byw. Gruff Rhys, arloeswr y cyfryngau cerddorol modern.

Prynwch yr albwm, prynwch y llyfr, ewch i weld y ffilm a bwciwch docynnau i weld yr athrylith Gruff Rhys yn theatr neu clwb yn agos i chi, mi wnewch ddim ei ddifaru.

5/5

Cai Morgan

#newyddion #adolygiad

Trending Blogs

Recently Viewed Blogs