Aao tumko sunati hu, Aaj main ek kahani
Thodi si anokhi, Aur thodi si anjani
Chalo aaj jhaake, Us purani kitab me
Aaj jaa kar jeete hai, Hum firse us khwaab me
Jannat si pyaari us duniya me hai chalte
Jahaan koi bhi ho ritu bas phul hi the khilte
Na koi dukh, na koi dard, sirf thi khushi
Vahaan rehene vala har koi tha sukhi
Jahaan koi bhi nhi reheta tha akelaa
Jahaan har waqt reheta tha savera
Jahaan sabko tha ek dusre par naaz
College ke vo din the bade hi khaas
Vo sath me padna, sath me khana, Sath milkar bahaane banana
Ek dusre ka hi mazaak udana, Fir paas bulaakar khud hi manana
Jeevan ka paath sikhna or sikhana, Baaton baaton me har gum bhul jana
Jahaan doston ke liye na din dekhi na raat
Bas puri krni hoti thi unki har baat
Jahaan jashan me udta tha sbka dhan
Aur gaaliyon me bhi lgta tha apnapan
Jahaan sath rehene me hoti thi har jeet
Fir sath milkar gaate the sab ek hi geet
"Ye dosti hum nhi todenge...Todenge hum magar tera sath na chodenge"
Jab rehe nhi sakte the hum dosto ke bin
Kaash vapis aa sakte vo college ke din