#newsmarathi

[publicmarathi]

कारमधील 6 एअरबॅग्जबाबत मोठी घोषणा!

Nitin Gadkari On 6 Airbags : गेल्या वर्षी, केंद्र सरकारने ऑक्टोबर 2023 पासून प्रवासी वाहनांमध्ये 6 एअरबॅग ()अनिवार्य करण्याचा प्रस्ताव ठेवला होता. रस्ते अपघातातील मृत्यूचे प्रमाण कमी करण्यासाठी हे संरक्षणात्मक पाऊल उचलण्यात आले आहे. मात्र, आता सरकारने (government of india ) यातून हात काढून घेतला आहे. केंद्रीय रस्ते वाहतूक आणि महामार्ग मंत्री नितीन गडकरी यांनी बुधवारी सांगितले की, सरकार प्रवासी कारमध्ये सहा एअरबॅग अनिवार्य करणार नाही. वास्तविक, वाहन उत्पादक कंपन्या कारमध्ये 6 एअरबॅग अनिवार्य करण्याच्या बाजूने नव्हत्या. ते म्हणाले की, 6 एअरबॅग अनिवार्य केल्याने विशेषत: छोट्या कारच्या किमती वाढतील. auto news : आता नितीन गडकरी यांनी एका कार्यक्रमात एअरबॅग्जबाबत सरकारची भूमिका स्पष्ट करताना, 'आम्हाला कारसाठी 6 एअरबॅग्ज अनिवार्य करण्याचा नियम करायचा नाही.' अपघात झाल्यास वाहनाच्या भक्कम भागांशी थेट टक्कर होण्यापासून प्रवाशांचे संरक्षण करण्यात एअरबॅग्ज महत्त्वाची भूमिका बजावतात. अपघात झाल्यास, ते फुग्यासारखे उघडतात आणि प्रवाशाला गाडीच्या घन भागांवर आदळण्यापासून रोखतात. त्यामुळे गंभीर दुखापत टळते आणि प्रवासी सुरक्षित राहतात. जितक्या जास्त एअरबॅग असतील तितकी तुम्हाला अधिक सुरक्षितता मिळेल. कारमधील प्रवाशांच्या सुरक्षेचा विचार करून याआधीच दोन एअरबॅग अनिवार्य करण्यात आल्या आहेत. 1 एप्रिल 2021 पासून कारच्या पुढील दोन सीटसाठी एअरबॅग्ज अनिवार्य करण्यात आल्या आहेत. सध्या, सर्व कारमध्ये किमान दोन एअरबॅग्ज (समोरच्या दोन सीटसाठी) पुरविल्या जातात. दोन एअरबॅग नसलेली कोणतीही नवीन कार भारतात लॉन्च होत नाही.

Read the full article

[publicmarathi]

ISRO ने सुरू केली आदित्य-L1 मिशन, सूर्याची रहस्ये शोधणार!

ISRO ने आज सकाळी 11.50 वाजता भारताचे पहिले सौर मिशन आदित्य-L1 यशस्वीरित्या प्रक्षेपित केले. आदित्य-L1 PSLV-C57 रॉकेटमधून प्रक्षेपित करण्यात आले. PSLV आदित्य-L1 पृथ्वीच्या कक्षेत ठेवेल. जिथून आदित्य-L1 अंतराळयान त्याच्या शक्तिशाली लिक्विड अपोजी मोटर्स (LAM) इंजिनांचा वापर करून आपली कक्षा अनेक वेळा वाढवेल. जे आदित्य-L1 ला त्याच्या गंतव्यस्थानापर्यंत घेऊन जाईल - अंदाजे 15 लाख किमी. दूरच्या लॅग्रेंज पॉइंट-1 (L1) पर्यंत पोहोचण्यात मोठी भूमिका बजावेल. हे पृथ्वी आणि सूर्यामधील अंतराच्या 1/100 वा आहे. इस्रोच्या मते, सूर्य आणि पृथ्वी यांच्यामध्ये पाच लॅग्रॅन्जियन बिंदू आहेत. L1 पॉइंट सूर्याचे सतत पाहण्यासाठी एक मोठा फायदा देईल. इस्रोने सांगितले की सूर्य हा पृथ्वीच्या सर्वात जवळचा तारा आहे आणि त्यामुळे इतरांपेक्षा त्याचा अधिक तपशीलवार अभ्यास केला जाऊ शकतो. इस्रोने सांगितले की सूर्याविषयी, आकाशगंगेबद्दल आणि इतर आकाशगंगांच्या ताऱ्यांबद्दल बरेच काही शिकता येईल. सूर्यामध्ये अनेक स्फोटक घटना घडतात आणि ते सूर्यमालेत मोठ्या प्रमाणात ऊर्जा सोडते. अशा स्फोटक सौर घडामोडी पृथ्वीच्या दिशेने गेल्यास पृथ्वीजवळील अवकाशातील वातावरणात अनेक विघ्न निर्माण होऊ शकतात. अशा गडबडीमुळे अंतराळयान आणि दळणवळण यंत्रणा खराब होत असल्याचे इस्रोने म्हटले आहे. त्यामुळे अशा घटनांबाबत लवकरात लवकर चेतावणी मिळाल्याने सुधारात्मक उपाययोजना करण्यास वेळ मिळू शकतो. यावेळी देखील, इस्रोने PSLV चे अधिक शक्तिशाली प्रकार वापरले आहे, 'XL', जे सात पेलोडसह अंतराळ यान घेऊन जाईल. 2008 मध्ये चांद्रयान-1 आणि 2013 मध्ये मार्स ऑर्बिटर मिशनमध्ये तत्सम PSLV-XL प्रकारांचा वापर करण्यात आला होता. सौर मोहिमेच्या एकूण सात पेलोड्सपैकी चार अंतराळयाना थेट सूर्याकडे पाहतील तर उर्वरित तीन एल1 बिंदूवर कण आणि भूभागाचा अभ्यास करतील. Read the full article

[publicmarathi]

माजी सैनिक : विशेष गौरव पुरस्कारासाठी 15 सप्टेंबर पर्यंत अर्ज करा

सिंधुदुर्ग जिल्ह्यात विविध क्षेत्रात अति उत्कृष्ट कार्य करणाऱ्या माजी सैनिक, पत्नी, पाल्य यांनी विशेष गौरव पुरस्कारासाठी 15 सप्टेंबर 2023 पर्यंत जिल्हा सैनिक कल्याण कार्यालयात अर्ज सादर करण्याचे आवाहन जिल्हा सैनिक कल्याण अधिकारी यांनी केले आहे. जिल्ह्यातील सर्व माजी सैनिक, माजी सैनिक विधवा पत्नी यांना कळविण्यात येते की, विविध क्षेत्रांमध्ये राष्ट्रीय, आंतरराष्ट्रीय पातळीवर खेळातील पुरस्कार प्राप्त खेळाडु, साहीत्य, संगीत, गायन, नृत्य, वादन इ. क्षेत्रातील पुरस्कार विजेते,यशस्वी उद्योजकांचा पुरस्कार मिळवणारे, संगणक क्षेत्रात अतिउत्कृष्ट कामगिरी करणारे, पुर, जळीत, दरोडा, अपघात अगर इतर नैसर्गिक आपत्ती मध्ये बहुमोल कामगिरी करणारे, शैक्षणिक क्षेत्रामध्ये इयत्ता 10 वी तसेच 12 वी च्या परीक्षेमध्ये 90 टक्के पेक्षा जास्त गुण मिळवुन उत्तीर्ण माजी सैनिक, माजी सैनिक विधवा पत्नी, पाल्य यांना त्यांच्या कार्याबद्दल धनराशी व प्रशस्तीपत्र देऊन सन्मानित करण्यात येणार आहे. तरी पात्र माजी सैनिक, माजी सैनिक विधवा पत्नी यांनी संबंधित कार्याबाबतची प्रमाणपत्रे, गुणपत्रे, सैन्यसेवा पुस्तक, ओळखपत्र या कागदपत्रासह जिल्हा सैनिक कल्याण कार्यालय सिंधुदुर्ग येथे सादर करावेत. अधिक माहितीसाठी दूरध्वनी क्र. 02362 228820 वर संपर्क साधावा. Read the full article

[publicmarathi]

शिक्षक दिनानिमित्त विशेष कार्यक्रम : 800 विद्यार्थ्यांचा सहभाग

शिक्षक दिनाचे औचित्‍य साधून ५ सष्‍टेंबर २०२३ रोजी "लोकशाही जीवनप्रणाली आणि शिक्षण" या विषयावर भोंसले नॉलेज सिटी चराठे, ता. सावंतवाडी येथे मुख्‍य निवडणूक अधिकारी श्रीकांत देशपांडे यांच्‍या प्रमुख उपस्थितीत सकाळी ११ वाजता परिसंवादाचे आयोजन करण्‍यात आले आहेत. या परिसंवादामध्ये भाषा अभ्यासक डॉ. प्रकाश परब, अभिनेत्री संपदा जोगळेकर, मनोविकारतज्ज्ञ डॉ. रुपेश पाटकर, सामाजिक कार्यकर्त्या वंदना करंबळेकर, छायाचित्रकार इंद्रजीत खांबे, तसेच संवादक डॉ. दीपक पवार सहभागी होणार आहेत. मुख्य निवडणूक अधिकारी , महाराष्ट्र शासन, भोसले नॉलेज सिटी, सावंतवाडी आणि जिल्हा निवडणूक अधिकारी कार्यालय, सिंधुदुर्ग यांच्या संयुक्त विद्यमाने शिक्षक दिनानिमित्त या परिसंवादाचे आयोजन करण्यात आलेले आहे. या परिसंवादामध्ये जिल्ह्यातील विविध महाविद्यालयातील 800 विद्यार्थी उपस्थित राहणार आहेत. यामध्ये भोसले पॉलिटेक्‍नीक, चराठे, ता. सावंतवाडी ४००, बी. एस. बांदेकर, फाईन आर्ट कॉलेज, सावंतवाडी 50, श्री पंचम खेमराज लॉ कॉलेज सावंतवाडी 100, व्हिक्‍टर डान्‍टस लॉ कॉलेज कुडाळ 50, भाई साहेब सावंत आयुर्वेदिक महाविद्यालय, सावंतवाडी 100, श्री पंचम खेमराज महाविद्यालय, सावंतवाडी 100 विद्यार्थ्यांचा समावेश आहे. या कार्यक्रमाच्‍या अनुषंगाने पोस्‍टर्स व रांगोळी स्‍पर्धा आयोजित करण्‍यात आलेल्‍या आहेत. ही स्पर्धा युवा वर्ग आणि मताधिकार, मताधिकार लोकशाहीचा स्‍तंभ , एका मताचे सामर्थ्‍य , सक्षम लोकशहीतील मतदाराची भूमिका / जबाबदारी , लोकशाहीतील सर्वसमावेषकता आणि मताधिकार या विषयांवर घेतली जाणार आहे. तसेच भित्तिपत्रक सादरीकरण स्पर्धा, रांगोळी स्पर्धा व पथनाट्य सादरीकरण अशा विविध कार्यक्रमांचे आयोजन देखील करण्यात आलेले आहे. नव मतदारांना त्‍यांचे नांव मतदार यादीत समाविष्‍ट करता यावे यासाठी भोसले नॉलेज सिटी परिसरात एस स्‍टॉल उभारण्‍यात येणार आहे. त्‍यामध्‍ये सर्व प्रकारचे फॉर्म्‍स उपलब्‍ध करुन दिले जातील. वरील कार्यक्रमाचे Web Streaming (Youtube Live, Facebook Live) व्‍दारे करण्‍यात येणार असून सर्व मतदार सदर कार्यक्रम ऑनलाईन DEO Sindhudurg या लिंकवर पाहू शकणार आहेत. तरी सर्व नागरीकांनी ह्या परिसवांदाचा लाभ घेण्याचे आवाहन जिल्हाधिकारी किशोर तावडे यांनी केले आहे. Read the full article

[publicmarathi]

चंद्राच्या दक्षिण ध्रुवावर तापमान किती? चांद्रयान-3 च्या विक्रम लँडरने दिली माहिती

भारताचे चांद्रयान-3 चंद्राच्या दक्षिण ध्रुवावर उतरले आणि त्याच्या पृष्ठभागाच्या संरचनेची माहिती पाठवण्यास सुरुवात केली. दक्षिण ध्रुवावरील विक्रम लँडर आणि रोव्हर प्रग्यानवरील सर्व उपकरणे व्यवस्थित काम करत आहेत. तेथील माती आणि तापमानाची माहिती इस्रोला पाठवली जात आहे. विक्रमच्या ChaSTE पेलोडने प्रारंभिक डेटा देखील पाठविला आहे. इंडियन स्पेस रिसर्च ऑर्गनायझेशन (ISRO) ने हे अपडेट X (पूर्वी ट्विटर) वर शेअर केले होते. विक्रम लँडरवरील ChaSTE (चंद्र पृष्ठभाग थर्मोफिजिकल प्रयोग) ध्रुवाभोवती वरच्या चंद्राच्या मातीचे तापमान मोजते. त्याच्या मदतीने चंद्राच्या पृष्ठभागाच्या तापमानाविषयी महत्त्वाची माहिती मिळू शकते. ChaSTE मध्ये तापमान तपासणी आहे जी नियंत्रित एंट्री सिस्टमच्या मदतीने पृष्ठभागाच्या 10 सेमी खोलीपर्यंत पोहोचू शकते. प्रोबमध्ये 10 भिन्न तापमान सेन्सर आहेत. इस्रोने सांगितले की, चांद्रयान-३ मिशन विक्रम लँडरवरील CHSTE (चंद्र सरफेस थर्मोफिजिकल एक्सपेरिमेंट) पेलोडवरून पहिले निरीक्षण केले गेले आहे. इस्रोने शेअर केलेल्या आलेखानुसार चंद्राच्या पृष्ठभागाचे तापमान ५० अंश सेल्सिअस आहे. खोलवर गेल्यावर तापमान झपाट्याने घसरते. 80 मिमीच्या आत गेल्यानंतर, तापमान -10 अंशांपर्यंत खाली येते. असे दिसते की चंद्राचा पृष्ठभाग उष्णता टिकवून ठेवण्यास सक्षम नाही. Read the full article

[publicmarathi]

मंत्रालयाजवळील महात्मा गांधी उद्यानात मूक मोर्चा

मणिपूर सह देशभरात झालेल्या महिलांवरील अत्याचाराच्या विरोधात मुंबईत उद्धव बाळासाहेब ठाकरे पक्षाच्यावतीने तसेच युवती सेनेच्या माध्यमातून मंत्रालयाजवळील महात्मा गांधी उद्यानात मूक मोर्चा काढत या घटनांचा निषेध केला. तसेच केंद्र शासनाच्या विरोधात याप्रसंगी तीव्र भावना देखील व्यक्त केल्या. या मूक मोर्चा मध्ये कुडाळ मालवण विधानसभा मतदारसंघाचे आमदार वैभव नाईक यांनी देखील सहभाग घेत महिलांवरील अत्याचाराचा निषेध केला. तसेच शासनाच्या विरोधात तीव्र भावना व्यक्त केल्या. या केंद्र शासना कडून मदतीची काय अपेक्षा करणार? असा सवाल नाईक यांनी केला. याप्रसंगी ठाकरे गटाचे आमदार, युवतीसेना पदाधिकारी, कार्यकर्ते आदी उपस्थित होते.

Read the full article

[publicmarathi]

पालकमंत्र्यांनी घेतला पूरपरिस्थितीचा आढावा

जिल्ह्यात सातत्याने पाऊस सुरू आहे. सध्याची परिस्थिती प्रशासनाने उत्तमरित्या सांभाळली आहे. पावसाचा वाढता जोर लक्षात घेता संभाव्य परिस्थिती हाताळण्यासाठी सर्व यंत्रणांनी अलर्ट मोडवर राहून समन्वयाने परिस्थिती हाताळण्याचे निर्देश पालकमंत्री रविंद्र चव्हाण यांनी दिले. जिल्ह्यात निर्माण झालेली पूरपरिस्थिती व उपाययोजना संदर्भात जिल्हाधिकारी कार्यालयात आढावा बैठक पार पडली त्यावेळी ते बोलत होते. यावेळी जिल्हाधिकारी के. मंजुलक्ष्मी, मुख्य कार्यकारी अधिकारी प्रजित नायर, पोलीस अधीक्षक सौरभ कुमार अग्रवाल आदी उपस्थित होते. श्री. चव्हाण म्हणाले, पावसाचा जोर वाढत आहे त्यामुळे नद्यांच्या पाणी पातळीत मोठी वाढ झालेली आहे. तरी नागरिकांनी नदीच्या तसेच लहान लहान ओढ्याच्या पात्रात जाऊ नये. प्रशासनाने दिलेल्या सुचनांचे पालन करावे. पुलावरून पाणी जात असल्यास तेथील वाहतूक वळवावी आणि तशा सूचना नागरिकांना द्याव्यात. पावसानंतर निर्माण होणाऱ्या साथींच्या रोगांचा विचार करता आवश्यक औषधांचा पुरवठा करुन साथींच्या रोगांवर नियंत्रण मिळवा तसेच पिण्याच्या पाण्याच्या स्त्रोतांची देखील तपासणी करावी. तिलारी धरणाच्या परिसरातील गावांमध्ये यंत्रणा अलर्ट मोडवर ठेवा तसेच नागरिकांना नेहमी सूचना देत रहा. आंबोली परिसरात अनेक ठिकाणांहून पर्यटक येत असतात त्यांना खबरदारी विषयी जागृत करा. डोंगरी भागात राहणाऱ्या नागरिकांनी दक्ष राहावे. काही अडचण आल्यास तात्काळ प्रशासनाशी संपर्क करावा व प्रशासनाने देखील कायम अलर्ट मोडवर राहुन पूरस्थितीचा मुकाबला करण्याचे निर्देशही त्यांनी यावेळी दिले. सध्याची परिस्थिती हाताळण्यामध्ये सर्व यंत्रणांची भूमिका महत्वाची आहे. सर्वांनी मुख्यालयातच राहावे. आपत्ती लक्षात घेता कोणीही आपल्या कामात निष्काळजीपणा करु नये अन्यथा कठोर कारवाई करण्यात येईल, असेही पालकमंत्री म्हणाले. बैठकीच्या सुरूवातीला जिल्हाधिकारी के. मंजूलक्ष्मी यांनी पूरस्थिती आणि करण्यात आलेल्या उपाययोजनांविषयी सविस्तर माहिती दिली. तिलारी धरणातून पाणी पातळीचा अंदाज घेऊन विसर्ग सुरू आहे. परिसरातील 8 गावांना अधिक धोका असल्याने त्यांच्या सुरक्षेसाठी प्रशासन सज्ज आहे. धरणातून विसर्ग सुरू होण्यापूर्वी संवेदनशील गावांमध्ये ग्रामस्थ व शेतकऱ्यांना सतर्कतेचा इशारा देण्यात येतो. दरडप्रवण क्षेत्रात विशेष दक्षता घेण्यात येत आहे. तसे सूचना फलक देखील लावण्यात आले आहेत. नुकसान भरपाई बाबत अनुदानाचे वाटप करण्‍यात आले असून परिस्थितीचा मुकाबला करण्यासाठी प्रशासन सज्ज असल्याचेही त्या म्हणाल्या. Read the full article

[publicmarathi]

उत्कृष्ट सार्वजनिक गणेशोत्सव स्पर्धा : सहभागी व्हा!

सिंधुदुर्ग जिल्ह्यातील उत्कृष्ट सार्वजनिक गणेशात्सव मंडळांची निवड करण्यासाठी स्पर्धेचे आयोजन करण्यात येणार आहे. या उपक्रमामध्ये सार्वजनिक गणेशात्सव मंडळांनी सहभागी व्हावे, असे आवाहन जिल्हाधिकारी के. मंजुलक्ष्मी यांनी केले आहे. सार्वजनिक गणेशोत्सव मंडळाने करावयाच्या अर्जाचा नमुना संदर्भिय शासन निर्णयासोबतच्या परिशिष्ट "अ" येथे आहे. इच्छुक सार्वजनिक गणेशोत्सव मंडळाने, पु.ल. देशपांडे महाराष्ट्र कला अकादमी, मुंबई यांच्या [email protected] या इमेलवर दि. 10 जुलै ते 5 सप्टेंबर 2023 पुर्वी ऑनलाईन अर्ज करावेत. विजेत्यांची निवड करण्यासाठी जिल्हास्तरीय समिती गठीत करण्यात आलेली आहे. ही निवड समिती प्रत्यक्ष उत्सव स्थळी भेट देतील तसेच मंडळांकडुन व्हीडीओग्राफी व कागदपत्र जमा करुन घेतील. जिल्हास्तरीय समिती कडुन प्रत्येक गणेशोत्सव मंडळाबाबत अभिप्रायासह गुणांकन करण्यात येईल. जिल्हास्तरीय निवड समिती जिल्हयातून प्रत्येकी 1 उत्कृष्ट गणेशोत्सव मंडळाची शिफारस करुन त्याचे नावे सर्व कागदपत्र, व्हीडीओसह राज्य समितीकडे देण्यासाठी जिल्हाधिकाऱ्यामार्फत दि. 1 ऑक्टोंबर 2023 पर्यंत सादर करण्यात येतील. राज्यातील पहील्या 3 विजेत्या सार्वजनिक गणेशोत्सव मंडळांना राज्य शासनाकडून पुढीलप्रमाणे पारितोषिकं व प्रमाणपत्र देऊन गौरव करण्यात येईल. प्रथम क्रामांक 5 लाख रुपये, व्दितीय क्रमांक - 2 लाख 50 हजार रुपये , तृतीय क्रमांक- 1 लाख रुपये अशा स्वरुपाची पारितोषिक व प्रमाणपत्र देण्यात येईल. सर्व जिल्ह्यातून प्राप्त राज्य समितीकडे जिल्हास्तरीय समितीने निवड केलेल्या 44 सार्वजनिक गणेशोत्सव मंडळापैकी वरीलप्रमाणे 3 विजेत्या गणेशोत्सव मंडळांना वगळून उर्वरित 41 सार्वजनिक गणेशोत्सव मंडळांस राज्य शासनाकडून प्रत्येकी 25 हजार रुपये चे पारितोषिक व प्रमाणपत्र देऊन गौरविण्यात येईल. निकालाचा दिनांक, सर्व विजेत्या सार्वजनिक गणेशोत्सव मंडळाचा बक्षीस वितरणाचा समारंभ कोठे व कसा करायचा याबाबत स्वतंत्र सूचना देण्यात येतील. तसेच अधिक माहितीसाठी जिल्हा नियोजन समिती कार्यालय, सिंधुदुर्ग येथे संपर्क साधावा. Read the full article