Unang Aklat. (Hugot Planting Series)
HPS #006
Uyyy, naaalala n'yo pa ba? Ang mga panahon na nasa loob pa lamang tayo ng Calamansi, sama-sama na tayo, hanggang sa nagbago ang ating kapalaran at tayo'y nalipat sa isang paso upang tayo ay lumaki ng husto. Alam ko lahat tayo'y nabigla, nanibago at nahirapan pa sa una. Hirap pa rin tayo na pagtagpi-tagpiin ang mga pahina na ating susulatan. Tanda ko pa nga na ang hirap ng pinagdaanan natin noon. Sinubok na rin tayo ng ulan at araw na dapat ay sisira sa atin, bagkus ang siyang titibay sa atin dahil sama-sama tayo na nagtutulungan at nagdadamayan, narito na tayo ngayon. Matayog na tayong tumitindig baon ang mga karanasan sa nagdaang kabanata ng buhay sa isang librong dugo't pawis natin ang naging tinta. Maraming pahina na rin ang ating nasulatan at tila patapos na ang kabanatang ito. Sa nalalapit na pagtatapos, nabibilang na rin ang araw na magkakasama tayo. Malapit na rin maubos ang tinta ng pluma. Ilang talata na lang ay matutuldukan na ang huling pangungusap ng ating libro. Hangad ko na sana magkaroon tayo ng mga susunod na libro ngunit makapagsusulat pa ba tayo kung gagawa na rin tayo ng sari-sarili nating libro dahil sa ating paghihiwalay? Nawa'y maging masaya kayo sa kalalagyan ninyo na itinadhana para sainyo at maging makabuluhan pa ang maisusulat niyong libro dahil sa mga bagong karakter at mga pangyayari sa bagong istorya ninyo. Dala ko lahat ng alaala, kasiyahan, pagod at drama ng ating mga araw sa librong malapit nang isara.
05 July 2017
The calamansi plants continues to grow a few centimeters a day and our group are looking forward for transplanting the calamansi plants for them to grow bigger and longer, and also to avoid competition to sunlight and water.
