#showman'sthoughts

[mahmoud-showman]

ابتديت دلوقتي بس افهم ليه وازاي ابويا افنى عمره في سبيل تربيتنا ولم اسمعه في يوم بيشتكي من ضيق حا ولا من ضغط مسؤوليات كانت السنه بفضله في عيوننا كلها خط على خط واحد تلاجه ممتلئه بالطعام و ملابس جديده و كتب جديده و مصروف يومي مش بينقطع

ايام و شهور و سنين كان بيكد من صحته و عافيته علينا بدون اي تذمر او تافف كانت فرحته بينا وهو شايفنا حواليه عنده اهم انجازاته في الحياه

الساعات القليه اللي كان بيقضيها معانا في البيت في نهاية اليوم كانت كافيه ليه انه يشحن طاقته و يرجع تاني يكمل في نفس الدايره اللي كان بيجري فيها

فرحته بنظرة الرضا مننا عن حياتنا و عن عيشتنا في بيته و تحت سقفه كانت غايته و فرحته

النهارده وانا عندي عاليه لما برجع من الشغل واشوفها بنسى كل اليوم لما تضحكلي ولما تحضني بنسى اي تعب او مشقه طوال اليوم او في الطريق و الوقت الحقيقي بقيت اقيسه بالوقت اللي بقضيه في البيت مع عالية و ام عالية الوقت الحقيقي للي بكون عايش فيه.

[mahmoud-showman]

في الدنيا دي بتعبش باعتقادات مختلفه في الحياه عن نفسك و عن الناس و الدنيا بالوقت و المواقف هتغير قناعاتك و مفاهيمك و هتعرف ان انت لا جامد ولا حاجه و ان الدنيا بتمشي بس بتوفيق ربنا و لو مشت معاك قبل كده دا بركة دعاء مش اكتر .

[mahmoud-showman]

زمان لما كان الواحد صغير و مش فاهم في الدنيا كان بيبص للناس الكبيره انها نماذج ينفع تتقلد و حياتها ماشيه باحسن ما يكون و مكنش فاهم ان الكل ماشي على فيض الكريم بيخبط باللي يجود بيه العقل و النصيب في المواقف .

دلوقتي بقى كل اللي شاغلني ان بصمتي تكون نضيفه في التعامل مع غيري و لا اظلم حد ولا اجي على حق حد و اني حتى ولو بخبط في الدنيا و المواقف مبقاش لا ظالم ولا جاي على حق غيري .

[mahmoud-showman]

كنت طير و صبحت مراكبي

من كام سنه كنت قرات مقال لعمر طاهر و هو بيحلل اغنيه من اغاني أحمد منيب " أه و أه و يا فرحة قلبي كنت طير و صبحت مراكبي " و كان ببقول عمر طاهر ان عمنا منيب كان يقصد انه كان طير لما كان سنجل خفيف و بيروح و بييجي وقت ما بيحب و يطير و يحط زي الحمام بدون معاد ولا رابط و انه اتغير و اتبدل حاله لما اصبح مسؤول عن اسره و عيله و ناس بقت متعلقه في رقبته بصوره تعبر عن المسؤليه فاصبح هو المسؤل عن توجيه السفينه في البحر و نجاتها.

كلام كنت مستوعبه بس مكنتش حاسه اوي يعني اه الجواز بيغير كتير من الواحد مننا و ان الحياه بعد الجواز غير قبلها و لكن حسيته النهارده و انا راجع وواحد استفذني و انا سايق و كنت هشد معاه و اقفل عليه بس رجعت فكرت اني معايا "بنتي " و انه خلاص ملوش لزمه و اني مش هينفع اعمل دا تاني لاني بقيت " أب " و دا كان اجمل شعور ملا قلبي بالرضا و الشكر لله اني بقيت مراكبي لأسره جميله و اني مسؤول عنهم فلله الحمد دايما و ابدا .

[mahmoud-showman]

أَيَّامَ كُنَّا نَغْفُو وَنَحْلُمُ بِالعُلَى

وَنَرُوضُ بِالآمَالِ قَلْبًا طَائِشًا

عَصَفَ الزَّمَانُ بِكُلِّ مَا كَانَ فِينَا

فَتَقَطَّعَتْ أَسْبَابُنَا وَاتَّصَلَ البَيْنُ

[mahmoud-showman]

رأيت في مسرح الليل - حين يسحر النوم أجفان الخلائق - نفسي كريشة نسر تهوي من علياء السماء، أمشي على حبال من ضباب، أدنو من الأرض وأنا أرفل برداء الهواء، لا ارتطام يفضي إلى سقوط، ولكن الريح حملتني إلى شوارع ألفتها كأنها خطوط كفي.

أمشي وقدماي تغازلان الأرض، كانهما قلمان يرسمان سير الماضي على رمال الزمن. ألفت يمينا فأرى ظلي يتلثم بضباب الذكرى، وألتف يسارا فيلتف حولي ضجيج الامس ، يدثرني معطف الجوخ، كصديق أمين يحميني من لسعات البرد التي تختلس أنفاس العابرين.

أمر بأماكن اعرفها فتنفتح لي خزائن الذكرى و تنفض عن رفها غبار حكايات مطوية. فجأة، ينطوي الزمن على نفسه كالورقه ، وأرى انعكاسي على زجاج السيارات المسرعه

شاب منتصب القامه متساوي الكتفين يداعب الريح شعره الطويل ، وتزين وجهه لحية منمقه مرسومة يمشي يضرب الارض بخطى ثابته لم تعرف الهموم طريق لقلبه وعيناه في السماء.

أتساءل: ألعلي عدت إلى زمن كان الحلم فيه جنة بلا حراس؟

ينجرف عقلي في ذكرياتي و يجوب في الايام يبعثر الالدقائق و الساعات حولي صور ناطقه ودت لو اني غوص فيها و اعود لتلك اللحظات .

لكن صوت المنبه ينقض على الحلم كصقر يفترس .

أستيقظ وفي صدري رضا عن نفس خاضت غمار الأيام، فصنعت من كل جرح شعلة، ومن كل عثرة سلما.

أمسك خيوط الوقت الآن، وأدرك أن الحلم لم يكن سوى مرآة ترسل لي سلام وداع من ماض رحل، بقيت أصابعه تلوح لي كالنسيم.

[mahmoud-showman]

فيه طريقه صايعه تدور بيها على شغل باستخدام Chat Gpt

طبعا بتكلم عن النسخه المدفوعه.

مبدايا انت هتفهمه طبيعة شغلك و مهامك الوظيفيه و تعمل سي في محترم

بعدها تطلب منه يبحث عن كل الشركات اللي بتطلب وظيفتك و مهاراتك و يدخل على لينكد ان يبحث عن مسؤول التوظيف او يجيبلك الايميل المعلن للتوظيف و يكتبلك cover letter محترم و تديله access على Gmail يدخل يجهزلك الايميلات و يكتبها

انت بس تراجعها و تدوس send

[mahmoud-showman]

فيه طريقه صايعه تدور بيها على شغل باستخدام Chat Gpt

طبعا بتكلم عن النسخه المدفوعه.

مبدايا انت هتفهمه طبيعة شغلك و مهامك الوظيفيه و تعمل سي في محترم

بعدها تطلب منه يبحث عن كل الشركات اللي بتطلب وظيفتك و مهاراتك و يدخل على لينكد ان يبحث عن مسؤول التوظيف او يجيبلك الايميل المعلن للتوظيف و يكتبلك cover letter محترم و تديله access على Gmail يدخل يجهزلك الايميلات و يكتبها

انت بس تراجعها و تدوس send