Ang relasyon mo ba ay... Kisapmata –Good for days lang. Usually, ganyan ang klase ng relasyon ng mga kabataan ngayon na nasa edad labingdalawa hanggang labing-anim (o minsan nga mas bata pa). Nagkakakilala sila dahil sa chat at text at pagkatapos ay magiging “sila” in an instant. `Tapos biglang maaalala ni nene na magsasaing pa pala siya o `di niya pa nalalabhan ang baby bra niya kaya break na sila. Isang linggong Pag-ibig –Relasyong lumagpas nga sa tatlong araw, nagtapos naman sa isang linggo. Applicable para sa mga may jowa na lumandi lang saglit at humanap ng temporary number two, pagkatapos ay bumalik din agad sa number one nila. FuBu –short for fuck buddy. Walang formal na kayo pero may sexual intercourse na nagaganap. Magkikita lang kayo at/o mag-uusap sa chat at text with one topic: sex. Isa sa mga pinakanakakapanindig-balahibong klase ng relasyon. Minsan, ang isa ay nagpapaubaya ng sarili niya sa pag-aakalang mamahalin siya ng fubu niya kapag isinuko niya ang Perlas ng Silangan. Tsk, tsk. M.U. –Minsan “mutual understanding” ang ibigsabihin niyan, pero madalas ay “malanding usapan.” Pwede rin namang “mag-isang umibig” kapag medyo alam mong `di naman seryoso ang isa. Ito ang tawag sa relasyon ng dalawang taong walang formal relationship. Walang “sila” pero may feelings sa isa’t isa. Minsan sincere talaga ang M.U. relationship ng iba. May feelings na sila pero iniiwasan muna ang relasyon dahil may iba pa silang priority sa buhay gaya ng pag-aaral at pamilya. Pero may mga pagkakataon din na kaya M.U. lang ang status ay dahil gusto pa niyang lumandi sa iba at malamang pa sa alamang ay option ka lang kaya hindi ka niya pwedeng ligawan. Ouch? Ouch. Pang-flavor of the Month –relasyong pang-isang buwan lang ang itinatagal. Kadalasang may isang nasasaktan at may isang nananakit at pagkatapos ay mang-iiwan. Kadalasang naglalaho ang “predator” pagkatapos ng isang buwang pangloloko. Optional na lang sa kanya kung magdadahilan pa siya o hindi na. For Display Only –Hindi lang `to uso sa mga tindahan. Uso rin sa relasyon ang FDO. `Yung feeling na kaya lang nila jowa `yung tao ay dahil gwapo o maganda `yon at pwedeng ipangrampa. Sa society kasi natin, kapag ang gwapo at maganda ang mag-on, tinatawag daw `yong “tadhana.” Pero kapag parehong pangit naman daw ang nagkatuluyan, ang tawag do’n ay sumpa. So Complicated, as always –Relasyong biglang maglalaho at biglang babalik. Kaya pati relationship status mo sa Facebook, magulo rin. Minsan engaged (kapag feel na feel mong mahal ka niya), then after two hours single naman. And then kapag nagkabalikan kayo, in a relationship na ulit. Madalas, oo mas madalas pa sa traffic sa EDSA, hindi nagiging successful ang ganyang klase ng relasyon. iCkaWlhuAnsuafpAtnUah –Relasyong medyo madugo at hindi mo alam kung talagang nagmamahalan dahil masyadong maraming murang lumalabas sa mga bibig nila. `Yan `yung relasyon ng mga, uhhh, jejekids na hindi pa nagma-mature hanggang sa mga oras na `to. (Hoy magbago ka na!) Kakaiba rin ang mga tawagan nila. Pwedeng-pwede kang pumili sa mga sumusunod: phrinsezzacoh, bHeybiiCooo, cRimeLoccaKo, bhoZsxcOuh, mHineKoh, hOneyy, LhaBs, yHats, tAbsco, buKothArt. Ajeje. Wrath of the Titans Ver. 2.0 –Ito `yung relasyong mas madalas pa ang pag-aaway kesa sa paghinga nilang mag-partner. Walang araw na hindi nagtatalo sa mga maliliit na bagay na hindi naman kailangang pagtalunan pa. Nagmumurahan. Nagbabatuhan ng gamit. Kung minsan ay nagkakasakitan pa. Kapag may nakita talaga akong ganyan bukas pagpunta ko sa mall, aabutan ko sila ng kutsilyo para matapos na. God’s Gift –Relasyong nasa tamang panahon, tamang lugar, at sa piling ng tamang tao. Hindi perpekto pero higit na maayos kesa sa mga naunang klase ng relasyon. Ito `yung relasyong binibigyang-tibay ng Diyos dahil siya ang ginagawang sentro ng pagmamahalan ng dalawang tao. Hindi nagtataksil. Hindi naninisi. Hindi naglilihim. Hindi nananakal. Hindi nangloloko. Ang problema, hindi na rin madaling magkaroon ng relasyong ganito.
kianamaiart
origamiaround
yousharknotpass
discoholicmusic
pixelskylines