#Mema

By: Christian Yuson of Grade 11 - Srugi

[annoyinglygalaxy-blog]

Captain America: Civil War

          Ang pelikulang Captain America: Civil War ay isang napakagandang pelikula in terms of cinematics at sa mensahe na iparating nito. Ang istorya ng pelikulang ito ay meron dalawang mag kaibigan na superhero kung saan ay ang kaibigan ni Captain America ay nabrainwash ng isang organisasyon ng mga masasamang tao na tinatawag na Hydra. Ang kaibigan ni Captain America ay pinangalanang “Bucky Barnes”, si Bucky ay isang notorious na kriminal sa pangalawang palabas ni Captain America. Ang Avengers naman ay nais kontrolin ng gobyerno nung panahon na iyon dahil madami daw ang nadadamay na mga inosenteng mamamayan sa mga laban nila. Kaya’t gumawa ng batas ang United Nations upang maayos na maisauri ang mga misyon ng mga avengers.

          Ngunit nung araw ng pag sasabatas, sumabog ang conference room na punong puno ng mga presidente ng iba’t-ibang bansa at ang sinisisi nila ay si Bucky. Pagkatapos ay pinuntahan ng gobyerno si Bucky upang hulihin, ngunit nahirapan sila dahil tinulungan siya nila Captain America at ng mga kaibigan niya, pero nahuli parin sila. Nangg nakakulong na si Bucky, may lumapit sakanyang nagpanggap na psychologist upang tulungan siya, ngunit hindi iyon ang nais ng taong ito, siya pala ang may pakana ng lahat at biglaan niyang nasabi ang misyon tungkol sa iba pang mga sundalo na katulad niya pero mas malakas. Kaya’t pinuntahan ng masamang tao na iyon ang sinabing lugar ng mga ito.

          Biglaang nagkagulo sa base nila at biglang tumakas narin sina Captain America. Ngunit may bagong problema dahil doon sa lalaki na nagpasimuno ng kaguluhan kaya nais siyang sundan nila Captain America. Nang paalis na sila sa airport biglang dumating sina Iron Man na ngayon ay kaaway na nila dahil sa di pagkakaunawaan, at sumulpot din si Spiderman. Doon nag away-away sila hanggang sila Captain America at si Bucky nalang ang nakatakas upang puntahan ang kontrabida. Nang pag dating nila sa isang lugar na malamig, mayroong bunker na bukas kaya’t pinasok nila iyon dahil alam nila na nandoon ang kontrabida, di tumagal sumunod si Iron Man sa pinuntahan nila. At doon sila ay nagtagpo at muntikan na mag away pero biglang sinabi na ni Iron Man na alam na niya ang katotohanan at tutulong siya sakanila.

          Nang natagpuan na nila ang kontrabida, may pinakita siyang video na nagpapatunay na si Bucky ang pumatay sa mga magulang ni Iron Man, kaya bigalang nagalit siya at inatake ang magkaibigan na sina Bucky at si Captain America, hanggang sa tumigil sila nung natanggal ni Iron Man ang robot na kamay ni Bucky.

           Sa kabuuan, ang Captain America Civil War ay isang napakagandang pelikula. Lalo na sa mga katulad kong mahilig sa “action movies” dahil ang palabas na ito ay punong - puno ng labanan, hinding hindi ka mabibitin. Hindi lamang sa mga labanan ika’y hindi mabibitin kundi sa istorya rin mismo nitong palabas na ito. Mayroon din itong isang elemento ng mga palabas na nagiging rason kung bakit nagugustuhan ng isang manunuod ang isang pelikula, ito ay ang tinatawag na “Plot Twist”. Nirerekomenda ko ang pelikulang ito sa lahat ng tao dahil ang palabas na ito ay bagay para sa lahat.

[annoyinglygalaxy-blog]

Hobbies: PAGLARO NG GAMES

          Dati, halos araw-araw ay naglalaro ako ng games kasama ang aking mga kaibigan. Kung saan kami ay nag sasaya ng todo sa mga iba’t-ibang laro katulad ng LOL o tinatawag na League of Legends, Trove, Dota 2, CS:GO, Warframe, at iba pa. Ang mga larong ito ay mga larong sikat hindi lamang dito sa Pilipinas kundi sa ibang bansa din. Nagsasagawa ng mga tournaments ang mga larong ito upang mapaunlad ang kanilang mga laro. Naenganyo ako maglaro ng games dahil nakakanuod ako ng mga tournaments na isinasagawa ng mga developers.

          Ngunit ang paglalaro ng games araw-araw ay may naidudulot din na mga masasamang epekto. Isang ehemplo ng epekto ng araw-araw kong paglalaro ng games ay naaapektohan ang aking pagaaral, bumababa ang aking grades dahil mas inuuna ko ang aking paglalaro kesa sa pag-aaral. Di ko nagagawa ang aking mga requirements na ibinigay ng aking mga guro dahil maspinipili ko maglaro kaysa ang paggawa ng aking takdang aralin. Ngunit madami rin ako natutunan na mga kakayahan sa pag lalaro ng mga ito dahil kailangan upang gumaling ka sa isang laro katulad ng LOL kailangan mo ng talino para makagawa ng stratehiya upang manalo sa mga kalaban. Kaya hindi naman lahat talaga ng epekto ng paglalaro ng kompyuter games ay nakakasama dapat lang talaga marunong tayo mamahala ng ating oras.

          Oo, masaya maglaro ng games, ngunit masama ang sobrang pag laro, kaya dapat pag nag lalaro tayo ng games dapat kontrolin natin ang ating mga sarili upang hindi ito maka dulot ng mga masasamang epekto sa ating katawan. Napupuyat tayo dahil sa mga games. Nalilinlang ang ating utak dahil sa brightness ng ating monitor kaya ang naiisip ng ating utak ay umaga parin. Kaya dapat makinig tayo saating mga magulang, di naman masama mag laro basta wag lang natin abusuhin.

[annoyinglygalaxy-blog]

Paglalakbay: RETREAT

         Kada taon, nagsasagawa ang aming eskwelahan ng pagpunta ng mga estudyante sa isang lugar na malayo sa siyudad kung saan kami ay magdadasal at makikipag-usap lamang sa Panginoong Diyos sa loob ng dalawa hanggang tatlong araw. Ang tawag sa ganitong gawain ay “Retreat”.

         Ngayong taon kami ay nagpunta sa Oasis House of Prayer, Cavite. Maganda ang retreat house at napakatahimik doon. Ramdam mo ang presensya ng Panginoong Diyos tuwing ikaw ay magdadasal, at ramdam mo rin ang kapayapaan sa buong lugar. Nagsimula kami noong paalis kami nang school kung saan ayaw umandar ng bus namin, dahil doon kinailangan pa namin itulak ito, pero kahit sa pag tulak pa lamang ay nagenjoy na ang lahat, kung saan lahat ay nagtatawanan at naka ngiti. Nagtawanan kami nun dahil inaasar namin ang mga kaklase naming nagtutulak ng bus.

         Pagdating namin sa Oasis ay kumain muna kami ng pansit bihon dahil oras na ng merienda. Pag katapos nun pumunta kami sa session hall kung saan kami nagbabahagi ng mga karanasan sa buhay kasama ang mga speaker na galing Live Pure Movement, isang organisasyon na nag propromote ng chastity sa mga kabataan na gabay at patnubay ng panginoon. Sunod nun ay pumunta kami sa aming dorm kung saan nag ayos kami ng aming mga gamit at naghanda para sa mga susunod na sessions. Pagsapit ng hapunan ay pumunta kami sa food hall kung saan kami ay kumain ng crispylicious na fish fillet at lumpiang tokwa na may cheese sa gitna o loob ng tokwa, na napaka sarap na crispylicious rin.

         Kinabukasan ay gumising kami ng walang tubig dahil dun ay hindi kami makaligo, pero nag saya parin kami dahil sa mga pangyayari ito. Pagkatapos nun ay nag sipuntahan ulit ang lahat sa food hall para kumain ng umagahan. Sunod ay nagkaroon kami ng huling session sa hall, kung saan kami ay nag misa sa chapel kasama ang mga speaker. Kami ay nag balik ulit sa food hall upang kumain ng tanghalian at pagkatapos nun ay nag ayos na kami ng aming mga gamit upang mag handa sa aming pag alis. At nang pag balik namin sa session hall lahat kami ay nag paalam at nakipag picture sa aming mga speaker. At nang pag alis namin kami ay napaka-banal at mababait na namin pag uwi, naruroon nag tatapos ang aming retreat na punong puno ng pagmamahalan at mga makabuluhang mga gawain.