Pasioni im për kuzhinën filloi që në moshë të vogël, kur isha kureshtare dhe i përcillja me shumë përkushtim prindërit e mi duke gatuar. Nga nëna mësova përgatitjen e ushqimeve tona tradicionale ndërsa nga babai, cili e kishte edhe profesion, ushqimet më të veçanta dhe mënyrën e të servuarit të këtyre ushqimeve. I jam mirënjohës tim atë për durimin dhe kujdesin e tij për pyetjet e mia rreth ushqimeve. Ai më jepte vazhdimisht zemër dhe kështu që në moshë të vogël fillova nga pak të përgatitja apo të ‘përzieja’, gjithmonë nën vëzhgimin e kujdesshëm të babait. Në fillim isha shumë e ndruajtur dhe kisha shumë kujdes. Ndërsa im atë duke qeshur më thoshte se asgjë nuk do të dështojë dhe se gatimet e mia do të dalin edhe më të mira. Dhe bëhej mirë apo keq, prindërit e mi e hanin kinse më shijen më të mirë, vetëm e vetëm që unë të mos e humbja vetëbesimin. Më duhet të them se për të qenë një kuzhiniere e mirë duhet të duash të gatuarit. Por, a mjafton vetëm të duash? Jo, natyrisht. Duhet të ndiesh kënaqësi duke gatuar, të kesh guximin e kombinimit të shijeve të ndryshme, të kesh imagjinatë dhe t’i kushtosh kohë. Tani ekziston mundësia të kërkosh në internet të gjitha llojet e gatimeve. Por për ushqimet e ndryshme tradicionale duhet t’i pyesim nënat, gjyshet tona, të cilat kanë gatuar ushqime gjatë gjithë jetës së tyre. E vërtetë është që tani kaloj shumë kohë duke i shikuar emisionet për gatime, por gjithmonë duke i ndryshuar dhe shtuar diçka nga idetë e mia. Megjithëse që e vogël, te unë ekzistonte dëshira për të gatuar, në kohën kur u bëra nënë dëshirës sime iu bashkëngjit edhe obligimi. Tashmë nuk ishte me rëndësi të kryerit e një vakti të ngrënies, por çfarë kishte në shujtat. A është e mjaftueshme marrja ditore e vitaminave. Dhe kjo më bëri të lexoj gjithnjë e më tepër për ushqimet. Edhe sot e kësaj dite çdo ditë gatimi, gjithmonë i pyes anëtarët e familjes sime, tim shoq dhe fëmijët, për shijen e gatimit, pranoj me shumë dashamirësi kritikat, sugjerimet dhe propozimet që më japin! Shpresoj që faqja ime të jetë një ndihmesë për kuzhinat e familjeve tuaja! Valdete GJANA - MORINA
Kërpudhat duhet te jenë më të mëdha. Mirëpo nëse janë të trasha, atëherë duhet t’i presim në shtresa të holla.
Spinaq
Djathë të grirë
Gjizë
Mish të thatë të prerë hollë
Miell
Vezë
Vaj (për fërgesë)
Kripë Piper të zi
3 vezë të ziera (përdorim vetëm të verdhat e vezëve)
Fara susami (farat e susami i pjekim pak sa ta marrin një ngjyrë kafe të çelët)
Erëza sipas dëshirës
Përgatitja
Së pari kërpudhat i vendosim në një tepsi i spërkasim pak me vaj ulliri, kripë dhe piper të zi. I vendosim ne furrën e paranxehur 200 C derisa të zbuten pak ( 10 -15 min.) apo mund t’i fërgojmë. Pasi të jetë kryer kjo pjesë, i lëmë të ftohen pak, në anën tjetër fillojmë të përgatisim mbushjen.
Spinaqi lahet dhe grihet hollë, pastaj e fërgojmë me pak vaj, për rreth 3-4 min. Më pas shtojmë gjizën, kripën, dhe piperin. Këtë masë të përzier e fërgojmë edhe 3-4 min. Mbasi të jetë përgatitur mbushja, fillojmë përgatitjen e mbushjes së kërpudhave.
Për një person renditen tre kërpudha. Fillim vendoset kërpudha mbi të vendosim mbushjen, ndërsa mbi mbushje vendosim një copë shumë të hollë të mishit të thatë. Pastaj prapë shtrojmë kërpudha, mbushje, mish dhe djathë të grirë dhe si mbyllje në fund kërpudha. Në fund i përmiellim nga të gjitha anët dhe më pas i zhytim në vezët e rrahura mirë. Në fund fërgojmë vetëm disa minuta duke i kthyer përmbys kohë mbas kohe për t’u pjekur veza nga të gjitha anët.
Zbukurimi
Marrim të verdhat e vezëve të ziera, i përziejmë mirë e mirë me djathë të bardhë të shkrirë dhe mbi kërpudhë bëjmë zbukurimin (shih foto 1). Mund ta zbukurojmë edhe me fara susami (shih foto 2).
Dy vezë të ziera (marrim vetëm të verdhat e vezëve dhe i përziejmë me kos të kulluar apo djathë të butë)
Kos i kulluar apo djathë i butë
Pak kripë (marrim me majën e lugës së vogël, apo, nuk i shtojmë fare)
Përgatitja:
Së pari përgatitim tërshërën me rrepë të kuqe 50 gr tërshërë 100 mil ujë (nga kjo marrim dy pjesë lëng rrepë të kuqe dhe dy pjesë ujë të ftohtë)
Ujin dhe lëngun e rrepës së kuqe bashkë më tërshërën dhe kripën i lëmë të ziejnë në temperaturë të ulët derisa të trashet masa, kjo përafërsisht zihet për 10 min. Kështu, në mënyrë të njëjtë, veprojmë edhe më pjesën tjetër të tërshërës me lëng spinaqi.
Përgatitja e pjesës së fundit të zbukurimit, e cila i jep një shije edhe më të mirë.
Ziejmë mirë vezët, nga kjo marrim vetëm të verdhat e vezëve dhe i rrahim me dy lugë gjelle kos të kulluar apo me djathë të butë.
Mënyra e të servuarit:
Në një pjatë të thellë, (shih foton 1), nëse nuk keni kallëpe të posaçme unazore (shih foton 2). Së pari vendosim tërshërën e zier me lëngun e rrepës së kuqe, e lëmë për disa minuta të ftohet, pastaj shtojmë një shtresë te gjizës Mbi të vendosim tërshërën e zier me lëngun e spinaqit. Pasi të kryhet shtresimi I dy brumërave dhe gjizës e lëmë në pjatë apo në kallëp vetëm për disa minuta sa të ftohet, dhe pastaj e heqim nga kallëpi unazor (apo pjatëza), e përmbysim pjatëzën në një pjatë të rrafshët dhe në fund fare e zbukurojmë më të verdhat e vezëve dhe djathin e butë. Mbi të, sipas dëshirës, mund të qesim far. Unë zakonisht përdor fara të bluara të lirit (flaxseed) pasi që është shumë e shëndetshme (përmban Omega-3).
Në gjë është me rëndësi të theksohet: sapo të ziejmë njërën pjesë, qoftë më lëngun e rrepës së kuqe apo të spinaqit, menjëherë e vendosim në pjatëz apo në kallëpin në të cilën do t'i japim formë. Pasi të shtojmë edhe gjizën, atëherë fillojmë përgatitjen e pjesës tjetër me lëngun e spinaqit, sepse në qoftë se nuk e vendosim në kallëp, sapo të përfundojë zierja (sa është e nxehtë) dhe presim tjetra që të zihet, atëherë kjo pjesë e parë fillon e formon një cipë e cila na vështirëson dhënien e formës së duhur apo shtrirjen në kallëp.
Një lugë gjelle mjaltë (Simbas shijes mund t'i shtohet më shumë mjaltë)
Dy molla të grira me erende
Një lugë e vogël me kanellë
Arra
Përgatitja
Ujin dhe tërshërën e lëmë të zihen. Sa të fillojë lëngu të trashet e marrim dhe e kullojmë lëngun (ndërsa pjesën tjetër të dendur nuk e hedhim por mund ta përdorim për një vakt mëngjesi apo darke mirëpo kësaj mase të dendur duhet t’i shtojmë edhe pak ujë që të bëhet më e lëngshme. Mund ta shoqërojmë me fruta apo edhe perime).
Në një enë tjetër lëmë mollat, kanellën dhe mjaltin të zihen. Vazhdimisht i përziejmë derisa mollat të fillojnë të zbuten. Shtojmë lëngun e kulluar të tërshërës dhe ashtu, në temperaturë të ulët, e përziejmë për disa minuta. Mbasi të jetë fituar një përbërje e trashë e zbrazim në pjata të vogla dhe sipër qesim kanellë dhe arra. Kjo masë përgatitet për dy persona.
Së pari fërgojmë mishin, të prerë paraprakisht në thela katrore të vogla (shih foton 1).
E fërgojmë për 10 min. e pastaj shtojmë kërpudhat, (shih foton 2).
I fërgojmë edhe 5-6 minuta dhe mbas kësaj shtojmë edhe spinaqin e grirë (shih foton 3).I fërgojmë vetëm 2 min.
to fërgesa i qesim në tepsi,(shih foton 4).
Fillojmë e përgatisim pjesën tjetër të lëngshme që do ta përziejmë me fërgesën të cilën e kemi shtruar në tepsi.
Fërgojmë një lugë miell me hudhra dhe dy lugë vaj për dy apo tre minuta. Pastaj kësaj I shtojmë dy gota të lëngut të mishit.
Në një enë tjetër thyejmë 4 vezë, 4 lugë gjizë dhe katër lugë kos dhe kripë.
I rrahim derisa masa te përzihet mirë. Këtë përzierje e bashkojmë me qullin e përgatitur (miell të fërguar dhe lëng mishi). Pastaj tërë këtë masë e shtrojmë mbi mishin e fërguar, kërpudhat dhe spinaqin, (shih foton 4).
Në fund fare, vendosim brokolin dhe koprën (shih foton 5) dhe e spërkasim me pak vaj ulliri.
E pjekim në furrë në 200 gradë Celsius për 25 minuta apo derisa gjella të mpikset.
snowghoul
theartofmadeline
gummygunk
blakekathryn
jacobvanloon
titsay
baratheonpilled
izzy806
annaxmalina
dededos
romaincrisis