﷼

@ryyaall

318 posts

أحدٍ يجي مع باقي الناس محسوب

وأحد يجي فوق الخلايق لحاله ..

علموه اني لو ابعد وتلهيني الظروف

‏ماحدٍ غيره من الناس في بالي طرا

وإن قفّت الناس عنا ما لحقناها

‏ما نرخص النفس للي ما يقدّرها ..

بعض العرب لو ترفعه للثريا

‏كنه يقول الله خلقنا للقاع

كانك تحسب ان المفارق ضرني

‏ قد راح غالي وانت ماتسوى ثراه !

العيب خلّه لا تجازيه بالعيب

‏راعي الردى يلقى له ردي يعلّه ..

الحسافه كانت على صدقّ الشعور

‏ولا انت من رخصك ما عليك حسوفَه

‏لا جازلك غيري

‏عسى الله يهنيك

‏الحُب من خاطر

‏ولا هو غصيبه

‏مابغيتك من فراغ ولا تمنيتك عبث

‏ولا ابي لك نهاية ولا ادور لك بديل

نعم لعيونك اللي مايصير يصير

اجيب النجمه لو بالك تصورها

وحتى النجمه لو جاتك بها تقصير

اسافر للسما لجلك واغيرها

‏مدري أواسي حلمي اللي تمناك

‏ولا أواسي قلبي اللي خيبت ظنه

عليه أخاف حتى من مغزّ إبرة

وعليه أغار من ظلي وهو ظلالي

‏يوم حاوطني الحزن بأربع جهاته

‏سولفوا لي عن عيونك وابتسمت

‏اللي خذلنا ما نعيد الرجا فيه

‏لو هو جنب اكتافنا ما نشوفه

‏كل شيٍ بالطلب ينقص مقامه

‏العطايا بعد ماتطلّب رخيصه ..

مكانه بقلبي مامر عليه احد

‏وطاريه عن كل الناس يلهيني

‏احبه وببقى له حبيب وسند

‏من كثر ما احبه قليله لجله سنيني

ليه احسك غيم عابر خلالي

‏يمطر بروحي حنين ما كتمته

وليه اهيم لاعبر طيفك خيالي

‏وليه اسافر في سكوتي لا لمحته

﷼ @ryyaall - Tumblr Blog | Tumgag