PHILIPPINE HISTORY & NATIONALISM @sbge-107 - Tumblr Blog

Rizal Park

Rizal Park o kilala rin sa tawag na Luneta Park. Noong panahon ng Kastila kilala ang lugar na ito bilang Bagumbayan. Dito din ginaganap ang mga pagpatay sa mga rebeldeng Pilipino. Noong 1902, plano ng architect na si Daniel Burnham na gawing sentro ng gobyerno ang Luneta at dito itinayo ang Executive House, Kagawaran ng Turismo at Department of Finance. Tinawag itong Rizal Park bilang pagalala at parangal kay Dr. Jose Rizal na binaril dito noong Disyembre 30, 1896 at inilibing ang mga labi niya dito noong 1912. Ngayon ang Luneta park ay sikat na pasyalan ng mga pamilya at magkakabarkada.

Mula sa QCPU ay sumakay kami ng jeep na byaheng blumentritt (P15.00). Pagdating sa blumentritt ay sumakay ulit kaming jeep na pamuntang Luneta. (P10.00)

#historicalsite

Unang tapak sa Luneta

Sa Luneta ang una naming desinasyon para sa historical visitation namin at masaya kami na makarating sa isa sa mga pinaka sikat na pasyalan sa bansa. (Mula sa kaliwa ay sina Jessica,Maydelyn,Almera,Roelyn,Jeniel,Erica at Vincent)

Japan japan pose ^__^v

Ang mapa ng Pilipinas na napapalibutan ng tubig Oras na para pumunta sa pangalawang destinasyon.

National Museum

Ang Pambansang Museo ng Pilipinas ay ang insitutusyong itinatag ng pamahalaan ng Pilipinas bilang taga-konserba ng kayamanang likas at kultural ng Pilipinas. Kasama sa koleksiyon nito ang Tapayan sa Manunggul, ang Spoliarium ni Juan Luna at ang mga bagay na nakuha mula sa naanod na galyong San Diego. Ang pakay ng Museo ay ipalago ang kaalaman ukol sa sariling kultura at ang nasyonalismo ng bawat Pilipino sa pamamagitan ng koleksyon at proyekto nitong ukol sa agham, edukasyon, at kultura. Itinatag ito noong 1901 bilang museo ng etnograpiya at ng pag-aaral sa kalikasan, at sa pagdaan ng taon ay nilagay sa gusaling idinesenyo noong 1918 ni Daniel Burnham (ang dating Old Congress Building) na hanggang ngayon ay ang sentral na gusali ng Museo. Lumawak ang mga kaugnayan ng Museo sa mga sining at agham sa pagdaan ng taon, kaya ngayon ang mga koleksiyon at opisina ng Sining at ng Agham ay nasa lumang gusali habang ang mga koleksiyon at opisina ng Arkeolohiya at Antropolohiya ay nasa ibang gusali na malapit, ang dating Finance Building sa Agrifina Circle ng Rizal Park, na ngayon ay tinatawag na Pambansang Museo ng mga Pilipino. Ang National Museum ay bukas mula Martes hanggang Linggo. LIBRE ANG PAGBISITA DITO TUWING ARAW NG LINGGO. Entrance Fees: Individual Fee (PHP) Student 50.00 Senior Citizen 120.00 Adult1 50.00 Groups of 51 or more Students 40.00 Adult/Senior Citizen 120.00 Para sa karagdagang impormasyon tungkol sa National Museum maaring bumisita sa www.nationalmuseum.gov.ph

#historicalsite

....

Ang likod ng National Museum. Ng mga oras na to pinaguusap namin kung papasok pa kami sa loob ng museum dahil nalaman namin na may entrance fee pala at si Vincent ang nag-iisang lalaki sa grupo namin ay wala ng pera pang-entrance. Sa huli, pinagambag-ambagan nalang namin ang entrance fee ni Vincent para lahat kami ay makapasok. :)

Mga Artifacts sa loob ng National Museum

Mga Sinaunang gamit pangkain ng ating mga ninuno

Hibla ng Lahing Filipino: Mga gamit sa paggawa ng tela

Mga sinaunang kasuotang pambabae

Maitum Jars

Ang Baybayin

Sa bahay ng mga Ifugao Si Patricia at Roelyn sa Bangka ng Butuan. Groupie sa bintana na may baybayin. Climate Change.

Ninoy-Cory Monument

Habang naglalakad kami papunta sa Intramuros ay nadaanan namin ang Monumento ni Ninoy at Cory.

Bilang pagkilala sa kabayanihan at pagseserbisyo ng mag-asawang Corazon "Cory" Aquino at Benigno "Ninoy" Aquino III sa Pilipinas at sa mga Filipino ay pinatayuan sila ng monumento na matatagpuan sa Bonifacio Drive,Padre Bugros Ave sa Maynila.

#historicalsite

Manila Cathedral

Ang Manila Cathedral ay ginawa pa noong panahon ng mga kastila at Ang simbahan ng Manila Cathedral na kilala din bilang Manila Metropolitan Cathedral-Basilica (MMCB) ay isa sa mga paboritong pinagdadausan ng kasal dahil sa ganda ng labas at loob ng simbahan. Ang arkitektura ng harap ng simbahan ay Romanesque, isang pamana ng kasaysayan na lubos na umaakit sa mga turista. Ang napakagandang altar ay handog at pagkilala sa Our Lady of the Immaculate Conception, angkop sa sumpaan ng dalawang nagmamahalan. Ang Katedral ay gawa sa arikitekturang Romanesque-Byzantine at may pormang Baroque. Ang patsada ay binubuo ng dalawang palapag na bloke at may tatlong pasukan na may mga ukang arko. Ang mga pintuan ay yari sa tanso na inukit nina Alessandro Monteleone at Francisco Nagni. Nakadikit ang kampanaryo sa kanang panig ng gusali. Itinayo ang Manila cathedral noong 1581, dating gawa sa pawid at kawayan, nasira noon ang katedral sa sunog at sa lindol ilang beses na din napagwa ang katedral at dumaan ang ilang taon sinubuakng patibayin ang katedral para sa pag hahanda sa susunod na panahon pero sa malakas na lindol nasira muli ang simbahan, maraming beses na din inayos ang katedral sa maraming kadahilan pero hindi pa din sumuko ang mga taong nagayos sa katedral ng Maynila. Ang kasalukuyang Katedral ay ginawa noong 1954, sa ilalim ng pamamahala ng Pambansang Alagad ng Sining sa Arkitektura na si Fernando Ocampo. Pinasinayahan ang nasabing katedral noong 8 Disyembre 1958 ng Arsobispo ng Maynila na si Rufino Jiao Santos. Itinaas ang ranggo ng katedral sa minor basilica noong 1981 ni Papa Juan Pablo II.

Para sa karagdagang impormasyon bumisita sa: www.manilacathedral.ph Nung una ay wala talaga sa plano namin ang pumasok sa Katedral ngunit dahil sa nadaanan na namin ito papuntang Fort Santiago ay naisipan na rin naming pumasok at hindi nga kami nagsisi dahil napakaganda at napakabanal ng Katedral. PAANO KAMI NAKARATING DITO? Mula Rizal Park ay nilakad namin ang Padre Burgos Ave. hanggang sa madaanan namin ang Monumento ni Ninoy at Cory at pinagpatuloy ang paglalakad sa kalsada ng Bonifacio Drive hanggang makarating kami sa Manila Catherdral.

#historicalsite

Ang life-sized na istatwa ni Immaculate Conception na gawa sa tanso

The central nave andvaulted ceiling of the cathedral.

Altar

Maliban sa mga magagandang iskultura sa Katedral nakakaagaw din nang pansin ang bintana na gawa sa stained-glass.

“La Pieta”

Ang La Pieta ay isa sa mga pinakasikat gawa Michelangelo Buenarroti, ito sumisimbolo sa pananampalataya at paghihirap nila Virgin Mary at Hesus. Ang La Pieta na makikita sa loob ng Manila Cathedral ay isa lamang sa labing walong replica at nagiisang matatagpuan sa Asya.

Nang pagpasok namin ng Manila Cathedral ang iskulturang ito ang unang umagaw ng aming pansin, dahil sa taglay nitong ganda.Napaka galing nang paggawa nito at nakakamangha talaga. -Patricia

Oras na para lisanin ang Simbahan ngunit umaasa kami na muling makabalik at makapag misa sa Manila Cathedral

Sa paglabas namin ay nakakita kami ng Kalesa. Ang kalesa ay isa sa mga pangunahing transportasyon noong unang panahon at patuloy pa rin itong ginagamit sa loob ng Intramuros na patok sa mga dahuyan ngunit iilan na lamang ang sumasakay dito.

Pinili naming dumaan Manila bay para sa huli naming Historical Visit. Maraming dayuhan ang naroon upang katulad namin ay magnilay-nilay. Sa araw ding iyon ay may mga naghahanda para sa paligsahan ng mga bangka. (medyo pagod na kami.)

#manilabay

Natapos ang Historical Visit namin sa Manila Bay habang pinapanood ang paglubog ng araw. Sa kabuoan ng aming paglalakbay ay masaya kami sa mga bagong kaalaman ng natutunan namin tungkol sa ilang kasaysayan ng Pilipinas at hinding-hindi namin ito makakalimutan.

#historicalsite

Trending Blogs

Recently Viewed Blogs

PHILIPPINE HISTORY & NATIONALISM