Discover Top Posts Tagged with #alha

Alfonso Suarez

Pomegranate. The Alhambra. Arc I

The highest representative of Nasrid architecture in the world is the city of Granada. Nasrid art refers to the last stage of Hispanic-Muslim art, specifically that which developed during the 13th, 14th and 15th centuries.

Nasrid architecture presents a sober exterior and a highly recharged interior. At this stage, the horseshoe arch was also discontinued in many buildings and greater importance was attached to the banked semicircular arch.

#Pomegranate #alha #allambra #nasrid #Architecture #granada #muslim art

لأنا المستقبلية

•في اهم لحظات حياتك واكثرها ضعفا وحزنا هتكوني لوحدك مش عشان اللي جنبك هيسيبوكي او هيتخلوا عنك بس لان الحمل لما بيتقل بيتقل على الكل وفي اللحظات اللي زي دي اللي هيقدر يقومك تاني فعلا هو انتي انتي وبس.

•احفظي روحك بالقران.

•الصلاه فعلا اكتر حاجه بتسند، مش مجرد كليشيه.

•الحياه مفيهاش حسابات منطقيه فمتحسيبهاش للدرجادي.

•متخليش الاكتئاب والخوف يسيطيروا على حياتك عشان دول سبب الخيبه اللي انت فيها دي.

•اياك تُفتني بشئ لا بشخص ولا بحاجه ولا بفكره، الافتتان هيعميكي عن الصح.

•الدين هو المبدأ الوحيد الثابت كل حاجه قابله للتغير الا هو وزي ما ماما كانت بتقول مقياس الصواب والخطأ الوحيد الثابت هو الدين، فاعرفيه كويس عشان تعرفي نفسك بيه.

•ايا كانت الكليه اللي هتدخليها حبيها واثبتي نفسك في اي حته النجاح مالوش علاقه بمجال معين، وحتى لو كرهتي مجالك فانت هتكرهي نفسك لو بقيتي فاشله اكتر بكتير.

•لما تزعلي ازعلي جامد ومن حقك تعبري عن غضبك عشان لما تيجي تفرحي تفرحي بضمير.

•مش شرط اهلنا يكونوا مثالين ولا حتى بيعملوا اقصى ماعندهم، بس اعرفي ان لو فيكي خير فمنهم وزي مابتحترمي الخير اللي جواكي احترميهم ايا كانوا.

•محدش بيعيش حياتك ولا بيعيط معاكي في اخر كل يوم وحش، طريقك هو طريقك لوحدك فاعملي اللي انتي مؤمنه، اللي “انتي” مؤمنه بيه، عشان متندميش بعدين.

•ماتجريش، الدنيا مش سباق اللي ليكي هيكونلك “مفيش فرص ضايعه، كل اللي فاتك مش بتاعك” سواء كان شخص او شيء او حلم.. كل اللي فاتك مش بتاعك.

•انك متحققيش اللي انت عايزاه برغم انك عملت كل حاجه صح ده معناه انها مش مكتوبالك، وده في حد ذاته مبرر كافي جدا لان زي ماقلنا الحياه مالهاش علاقه بالمنطق، الحياه في الحقيقه بتقتل المنطق كل يوم، عادي.

•محدش بيحب الموت، فاللي سابوكي ماختاروش ده وربنا ارحم بيكي من نفسك وليه حكمته دايما حتى في الموت.

•مهما حياتك قفلت وحسيتي ان مفيهاش حاجه حلوه فانت اللي معميه عن الحلو بالوحش، حياتك هتفضل مليانه بحاجات كتير تستاهل تحمدي ربنا عليها كل ثانيه.

•طول ما محمد وساره موجودين جنبك هتفضلي كويسه، بس لو الحياه قدرت تبعدهم عنك فانا مش هقدر اواسيكي لحد كده روحي ارمي نفسك في النيل هي كده قفلت خلاص.

•قصاد كل شخص مريب هتقابليه في 5 غيرهم هتكسبيهم فالموضوع يستاهل انك تدي للاشخاص مساحه تخليهم يعرفوكي وتعرفيهم، الsocial anxiety دي مش هتنفعك.

•محدش بيموت من التجارب الجديده، ادخلي في الحاجات بكامل روحك وعيشي الحياه بكل مافيها، u only live once والله.

•الكسل لعنه، وانتي اكتر واحده عارفه ده.

•مهما الحياه بعدتك عن صحابك، شهد هتفضل اكتر واحده بتحبك واكتر واحده بتستريحي معاها، حافظي عليها.

•كل حاجه بتعدي _لا حرفيا يعني_ كل حاجه بتعدي مهما كانت كبيره.

•الافلام المستقله ‘المصريه’ وحشه. متدخليهاش تاني هتندمي.

•جو انك تلاقي حد يحبك وتحبيه وتتمشوا في شوارع وسط البلد تسمعوا اغاني عبدالوهاب وادونيس وكل الحاجات الرومانسيه الجميله دي.. فاكس، العلاقات بتتبني على حاجات أهم من اللحظات الحالمة العابرة دي، فركزي.

يارب تكوني في حال احسن من ده لما تيجي تقري الكلام ده قدام..

الأربعاء, ١٦ نوڤمبر ٢٠١٧.

#alha