#baheya

[asmaa-elsharawy]

18.1.17 | 5:10 pm

محاولة تخيُّل ما سيفكّر/ سيشعر به أصحاب الشخصيات السويّة في تلك المواقف لعلّي أجد استجابة ملائمة، لكن لا حياة هنا.

[ghazoulah]

امي.

اعلان مستشفي بهية,لعلاج سرطان الثدي.. اول مرة احس بجد اني خسرت والدتي, اول مرة اكتشفاني خسرتها بسن صغير اوي, اول مرة اخد بالي من ان في حاجات كتير ناقصة في حياتي, كل كلمة البنت كانت بتقولها كانت بشكل ما جوايا, بحسها بس عمري مقولتها لنفسي و عمري مكنت هقولها لو الاعلان ده مكنش موجود, انا عندي 17 سنة دلوقتي, والدتي اتوفت من. عشر سنين, مفتكرش حاجه من امي غير اني كنت بخاف منها عشان شعرها وقع, كانت دايما تحاول تحضني و تقرب مني بس انا كنت بخاف و ببعد, خطها كان حلو و كانت بتعلمني الكتابة, افتكرها و هي بتجهز عيد ميلادي السادس, افتكر انها كانت عصبية اوي, ده كل الي افتكره لأنها سابتني طول الوقت عند جدتي, لكن افتكر كويس اوي لما قالولي انها ماتت, كان يوم جمعة في يوم من ايام عيد الاضحي, زرتها الخميس و حضنتني جامد, لما وصلني الخبر معيتطش ولا زعلت, مكنتش فاهمة حاجة, يمكن شفت والدي الوحيد الي بيضحك اليوم ده, بعدوني عن البيت عشان العزاء و عشان كان عندي امتحانات, امي لما ماتت اخواتها قرروا يشحتوا و يرموا كل هدومها و حاجاتها حتي فستان فرحها, مفتكرش ان في حاجة اتبقتلي منها غير صورها و شوية مواعين و حلل , اسورتين الي اتبقوا من دهبها و خاتم فضة كانت بتلبسة دايما و الي بقيت انا كمان مخلعوش.. انا معرفتش والدتي غير من كام سنة, انا نسخة منها, في طباعها و هيئتها, في كلامها و تصرفتها, امي كانت قوية بمئة رجل, امي كان عندها امل انها تخف,  او كان عندها يقين انها تخف, امي كانت عارفة انها بتموت و مع ذلك جهزت للعيد الي اتوفت فيه. يؤسفني اني اقول اني معيطش علي امي غير بعد عشر سنين, عيطت لساعات بسبب اعلان  مدة متجيش دقيقتين,  يؤسفني ان اعرف ان ده مش احساسي وحدي, في ناس كتير زي, خسروا والدتهم, خسروا حضنهم و جنتهم.