Rant bago ako matulog
So nanganak ako nung January 6. Sinugod ako sa hospital nung 4:30am, 5hrs nag labor. Nung gabi ng January 5 naga-away pa kami nung ex ko - tatay nung baby - kase ina-assume nya na kamag-anak ko yung nag comment sa isang post na panindigan daw yung anak nya. Hindi naman ako nakaramdam ng masyadong stress nung gabi na yun, siguro oras na talaga para manganak ako, pero grabeng coincidence naman no?
12pm January 6 nagusap kami sa chat nung mama ng ex ko. Medyo disappointing lang na sabihan ako na dedmahin ko lang yung pagpo-post ng ex ko ng stories/myday na may kasama syang ibang babae. Tapos naman na kame, sinabi ko naman nung November (ata) na okay lang kung may bago sya, pero yung hindi na nga sya nagsu-sustento then malalaman ko na nagba-bar, nakikipaginuman, at nakikipagladian sya as if wala syang nabuntis na dapat nyang panindigan ng maayos? Big NO. Masakit na nga na 1 month palang since nung naghiwalay kami pinalitan ako agad, ang sakit lang din na yung anak nyang sinabi nyang papanindigan nya, di naman nya pinanindigan.
Sinabihan din ako ng mama nya na tutulong sila ng tahimik lang. Idk anong ibig sabihin nung tutulong sila ng tahimik lang? Na magbibigay daw sya ng kung ano lang yung kaya nya, wag daw mag demand ng kung ano-ano. Ang demand lang naman sa anak nya eh panindigan tong baby eh. Literally bare minimum hinihingi.
Sinabihan din ako na babawi anak nya kapag nakapagtapos at nakapagtrabaho. So ano? Ako at pamilya ko lang kakayod habang yung anak nya nakikipag landian at banjing banjing lang? Inom, landian, school, sarap buhay lang? Nice.
Nakakainis lang din na after nyan, yung ex ko na yung nag chat, inulit lang nya tanong ng mama nya na kung saan daw ako nanganak. Ewan ko anong habol or balak nilang gawin, alam ko din naman based sa katarantaduhan na pinaggagagawa ng ex ko na di naman nya gustong panindigan yung baby eh, so baket sya nagtatanong? Tinanong ko baket nya tinatanong saan ako nanganak, sagot nya tanong daw yun ng nanay nya. Para nadin nyang sinabing tinatanong lang nya kase gustong malaman ng nanay nya. Buti pa nanay nya interisado eh.
Naiinis din ako na sinumbat nya sakin work nya na as if naman ginusto kong mawalan sya ng trabaho? Sinumbat pa yung mga araw na absent sya kase absent ko - sumusumpong kase noon sakit ko sa puso. Need ko lang naman magpahinga eh, literal na matutulog lang ako. Ilang beses kong sinabi na pumasok sya, kaya ko naman mag-isa, pero hindi padin sya pumasok. One time nga late na sya, pinilit nya pa mag half day para umuwi kase absent din ako noon. Grateful naman ako na sinamahan nyako tapos ganon, sinumbat nya. Ilang beses ko din sinabi sa kanya na nanghihinayang ako na di sya na-regular sa work kase magaling sya sa tools, pero paulit-ulit nyang sinusumbat sakin yung trabaho nya na parang pinilit ko syang mawalan ng trabaho.
Nanghihinayang ako sa oras, pasensya, pagiintindi, paga-alaga, at pagmamahal na binigay ko sa kanya. Pakiramdam ko nagsayang ako ng isang buong taon sa kanya. Tipong sana pala di nako bumalik sa kanya. Sana pala nung di kami nagu-usap, hinayaan ko nalang na ganun. Kase ngayon pakiramdam ko dinuga ako eh. Na parang ginamit lang ako. Na ginawa akong pampalipas oras at parausan.
Imagine, sya gusto nya magkaron ng anak. May naisip na syang pangalan, kung ilan gusto nyang anak, kung anong gender. Ako ayaw kong magkaron ng anak since di talaga ako mahilig sa bata tsaka para sakin kase hindi ako mentally, emotionally, at financially ready para sa ganto kalaking responsibilidad. Wala nga akong alagang hayop eh, kase nahihirapan ako. Pero eto ngayon, ako at pamilya ko lang meron ang anak ko. Sya na naranasan lumaki na majority ng buhay nya wala syang tatay, sya na gusto magkaron ng anak, sya yung absent. Buti pa nga step father nya sinusustentuhan sya eh.
At dahil wala akong nakikitang effort galing sa kanya or kahit willingness man lang na magawa obligasyon nya sa anak nya, hindi ko na nilagay pangalan nya sa birth certificate ng anak namin. Hindi sila magbibigay ng "tulong" kaya binigyan ko na kaming lahat ng reason para di magbigay ng sustento at di manghingi ng sustento.
Salamat nalang talaga sa pangloloko, at pagsasayang ng oras ko Nathan.