#shtaza

[kafsho]

Ideja e lirisë, ky iluzion shtazor, e cikloi jetën time në gjithfarë pengesash, ashtu siç i  ciklon të gjitha llojet e jetëve, por tani e përjashtoj jetën time nga një ciklim i tillë dhe supozoj një mori jetësh të shpëtuara, madje të gjitha jetët e jetëve si mundësi reale.

Dr. Mimoza Ahmeti, Të çlirojmë të ardhmen nga e shkuara dhe të shkuarën nga e ardhmja

[kafsho]

[kafsho]

Një dëshmi e dikujt nuk mund të hidhet kaq kollaj në thesin e gjërave të pavlefshme. Dëshmitë apo raportet, edhe kur janë shkruar nga spiunë qeverish e shtetesh, kanë pjesën e vet objektive. Anglezët, fjala vjen, nënvizonin gati njëzëri që shqiptarët ishin wild-looking jo për të kënaqur “padronët” e tyre në Downing Street apo në Foreign Office, por sepse kjo ishte një gjë që ua shihte syri. Po kështu, përshkrimi i Ali Pashë Tepelenës si një shtazë, nuk ka qenë një detyrë diplomatike për Pouqueville-in.

Mustafa Nano, Polemika/ Nano i përgjigjet Egros: Pa dëshmitë e të huajve do të ishim një vrimë e zezë

[kafsho]

“Tek kundërshtuam atë çka shtaza kërkonte në brendinë tonë, lypset të rigjejmë tashmë njeriun kudo ku zbuluam atë çka e dërmonte”, shkruente Andre Malraux. Për fat të keq, unë mendoj përsëri se shtaza ashtë rizgjue tek njeriu i sotëm dhe ngado njeriu veç shtypet nga njeriu. Dhe kështu do të jetë për sa kohë që ajo shtazë e rizgjuar nuk do bje në qetësi, dhe njeriu nuk do të reshtë së shtypuni njeriun.

Kumbona që bie për të gjithë, Sami Repishti 

[kafsho]

[kafsho]

[kafsho]

[kafsho]

Pushimet nga puna dhe ftesat gjyqësore për t’u korruptuar

(G)jykatësi dhe gjithë punonjësit e administratës publike janë të “detyruar” me vendime të Kolegjit të Bashkuar të Gjykatës së Lartë (KBGJL) që të korruptohen. Si ilustrim për këtë po kufizohem në vendimin nr.31 të KBGJL të vitit 2003, për të mos rikthyer në vendin e mëparshëm të punës ata që janë pushuar padrejtësisht nga puna. (...)

E para, vendimi e zhvesh drejtuesin administrativ nga tipari esencial që e dallon njeriun nga shtaza: e zhvesh nga arsyeja dhe përligjja. Drejtuesi i një institucioni publik si punëdhënës mund ta pushojë nga puna vartësin pa asnjë shkak të arsyeshëm dhe efektet (në dëm të taksapaguesve shqiptarë) e këtij vendimi respektohen nga Gjyqësori! 

E dyta, ky përfundim nxirret nga kuptimi i gabuar që KBGJL ka pasur për kontratën: e gjithë ideja dhe koncepti shumë më i gjerë i kontratës është reduktuar në frazën sempliste se kontrata është rezultat i shprehjes së vullnetit të lirë të palëve. (...)

Duke e zhveshur drejtuesin publik nga esenca njerëzore, nga barra e arsyes, e ka reduktuar drejtuesin publik në shtazoren e njeriut. Reduktimi dhe përligjja e reduktimit të drejtuesve publik në shtazë na ka hequr mundësinë e krijimit të shtetit dhe të administratës publike, meqenëse deri sot shtazët nuk kanë mundur të krijojnë shoqëri, shtet, ligje pozitive dhe as administratë publike. Megjithatë, vendimi e bën “normë” juridike se drejtuesi publik nuk ka përgjegjësi të ketë arsye, as përligjje për vendimin që merr ndaj vartësve dhe pasojave që u sjell si njerëz. (...)

Hysamedin Feraj