أشعار خالد الفيصل

[5alfaisal]

لمّوا عصاكم

لـمّوا عصاكم سدد الله خطاكم

كثروا اعداكم يوم ربي عطاكم

امن وسلامه ودين ودنيا وهيبه

وكل يدور -لو هو يكذب- رضاكم

اثبتوا ان الدين علم وحضاره

وجهادكم تشييد مجد دعاكم

وحققتوا الي غيركم ماتهقووه

[5alfaisal]

زلّت الايّام واحلامي بعيده

والغريب يعذّبه طول الثّواني

أنتي والأيام في وجهي عنيده

والليالي ساريه والعمر فانِ

[5alfaisal]

طــيفــه عــبــر

ماارسل مع الطيف عذره

هو خاطره من لوعتي مابعد طاب

يــوم وشــهــر

عزّاه،والعمر مره

والنّاس واجد لكن الولف غلّاب

[5alfaisal]

حبّه بروحي وفي نفسي وفي دمي

هو بدر ليلي وهو في شمسي ظلالي

انا احمد الله غدا سيد العرب قسمي

من يوم شفته وانا طير السعد فالي

[5alfaisal]

ليتها ياليتها ما ودعتنا ليت ذاك الليل ماراح وسرينا

يوم همّلنا الليالي همّلتنا كيف تعطينا وحنا ما عطينا

الليالي عن هوانا ما نهتنا البلا حنا على البعد انتهينا

[5alfaisal]

دنياي ماتصلح بلا شمس دنياك والليل يوحش لو تغير هلالك

ماينقطع ظما الهوى إلا على ماك ولا يهوّن حرّه إلا ظلالك

ولا تشوف العين زين بلياك ولا يطرب سمعي الا مجالك

ولا انتفض قلبي من الحب لولاك ولولاك مايبدي علي ما بدالك

[5alfaisal]

ياغالي الاثمان غلوك بالحيل

من يوم سمّو بك جميل المحيا

شخص تمنيته على العدل والميل

والحمدلله يوم خلي تهيا

[5alfaisal]

استكثرك وقتي علي وغدا بك    عادة زماني كل ماطاب هوّن

ليت الذي ودّاك يازين جابك    تشوف عقبك كيف الايام سوّن

شرقٍ مشيت وغرب وقتي مشى بك    والقلب مالَه لايمٍ فيك لو وَن

عقب الهَنا بك ذاق لوعة عذابك    تلّونت دنياه و لا تلـوّن

طويتني طيّ الورق في كتابك    حتى معاليق الحشا لك تطوّن

[5alfaisal]

صوت يحورب قامت تلبي صفوف طق الطبل وانسلت تغطرف سيوف

اليوم عرضة نشوة السيف والخيل والعز ومضه في حياة الرجاجيل

[5alfaisal]

أصلي فروضي و أصوم رمضاني و أناغم أيامي و أعايش زماني

و لا لي إلا دين الإسلام غاية و مناي أشوف الدار بأعلى مكاني

قاموا بها جدي و أبوي و عمامي و اليوم دور عيالهم بالتفاني

الحكم هيبة و القيادة شهامة و العدل أساس الملك و الأمن ثاني

و أنتم لهذا يا سلايل كحيلان الله يوفقكم على كل شاني

تاريخكم يبرق على غيم الأيام تمعنوا فيه الخفى و البياني

يقولها اللي له مع الوقت وقفات لأهل العقول اللي تعرف المعاني

[5alfaisal]

أضحك و انا لجروح الأحباب جاحد

أداري المكنون عن كل عين

[5alfaisal]

ما دام قلبي لك شفوقٍ و ميلاف وراك يا خلي قليل المروفة

قلي عسى ما به على الخاطر خلاف عسى حبيبي ما قصر دون شوفة

لا لا تعسر القلب في كل محراف و احذر يجي عقب المودة حسوفة

دوك الدموع بحاجر العين وقاف لا انت ب ماسحها و لا هي ذروفة

علقتها يا معلق القلب باتلاف و لخاطرك راحت حياتي كلوفة

لي قيل حبي لك به جنون و اسراف قلت اه من يملك لقلبه نكوفه

عز الله اني للمخاليق عياف إلا انت يا اللي هيمت بي طيوفه

[5alfaisal]

"اليوم راس السنة وامس اخر العام"

ليت العمر يهدى ابهديك عمري

❤️تستاهل الايام يا زهو الأيام

[5alfaisal]

ماعاد لي بمطارد الصيّد حاجة

إلا غزالٍ صادني قبل أصيده

ريمٍ لبس في عالم الزين تاجة

عزّاه داري عن دياره بعيده

[5alfaisal]

تدلل علينا ياسمي الظبي وش عاد تدلل ولك بأمر الهوى شافعٍ عندي

ولك في خيال الشاعر المهتوي ميعاد 💙ومجلس على غيمة وليلة قمر نجدي

[5alfaisal]

خالد الفيصل: من بادي الوقت هذا طبع الايّام عذبات الايام ما تمدي لياليها

حلو الليالي توارى مثل الاحلامِ مخطور عنّي عجاج الوقت يخفيها

أسري مع الهاجس اللي ما بعد نامِ واصوّر الماضي لنفسي واسلّيها

محمد بن راشد ال مكتوم: من داثر الوقت وهذا طبع الايامي مرّات تصفي ومرّات الكدر فيها

حلو الليالي تعوّض مرّ الايّامي ما يحسب الوقت ويفكر بماضيها

يوم الخلايا تنام وفكرها نامي حرام عيني لذيذ النّوم يغفيها

[5alfaisal]

خالد الفيصل: عنودٍ تتل القلب من سابق المها لها في خفوق الشيخ مربع ومصيافي

رمتها العيون السود من قبل ما رمى وعود خبير الصيد..مصيود .. يا كافي

محمد بن راشد: لمست الجوى في خافي الروح والتوى جحيمٍ يشد بخافي الخافج الخافي

يا تل قلبي تل حرٍ من العلى تنحى وشرد سابق الليول متقافي