Foreign Object @aforeignobject - Tumblr Blog

niraves

Scene of all time

Gilmore Girls, s06ep13 Friday Night's Alright for Fighting

aforeignobject

best episode written in the show

grace-valentine-writes

Parentification by Grace Valentine

aforeignobject

أحا..

perfectquote

“I think this is what we all want to hear: That we are not alone in hitting the bottom, and that it is possible to come out of that place courageous, beautiful, and strong.”

— Anna White, Mended

chantssecrets

Denise Bourdet, 1930s posing in front of a Jean Cocteau drawing of a sailor. 📸 by Cecil Beaton.

مش عارفة إذا كانت الناس لسه بتبعت لبعض جوابات بالبريد الداخلي، أو حتى الدولي. ومش متأكدة بالأخص إذا كان البريد لسه مشغل الخدمة دي لو محدش بيستخدمها بشكل كافي. لكن فيه حاجة في البوسطة بتوثق للمكان والزمان والحكاية المشاركة أيًا كان حجمها وقيمتها.

صحيح الطوابع دليل دفعنا لخدمة سواء المراسلة أو غيرها، لكن الحقيقة إنها براويز صغيرة بنشوف فيها المدن والتاريخ. بنفتح بعد كده الأظرف أو نقرا الكروت ونشوف إيه الحكاية.

كنت زمان مبسافرش خالص والدنيا حاطة عليا شوية وبحاول أتمسك بالحياة على أساس إن يوما ما أسيطر على ظروفي واقدر اسافر أي حتة. بس لحد ما ده ينفع كنت متلهفة جدا لحكايات المعارف اللي سافروا. هاتيلي يا بنتي رمل وقواقع وزلط من اسكندرية، هاتلي يا سيدي كارت بوسطة فيه صورة لمكان شوفته من روما، هاتلي طماطماية طلياني من فلورنس يا حبيبي. ناس كتير جابتلي كروت من سفرياتها بس قليل اللي كتبلي عليها حكايات.

أنا من المنيل، ولسبب ما مش عارفة إذا كان إنه البيت الأول وبيت العيلة، ولا إن مكانه مميز علشان جزيرة وسط النيل، بكورنيشين (البحر الكبير والبحر الصغير)، ولا إن البيت كان في دور عالي جدا خلاني أفكر في السحاب وأراقبه.. مش عارفة لأنهي سبب بالتحديد، كوني من المنيل حاجة مهمة بالنسبالي. مبحسش إني من باقي القاهرة. باحس بقرب أكتر لأهالي المدن الساحلية.

الصبح فكرت أرجع أحاول أبعت جوابات لأحبابي بالبريد وأشوف حتوصل إمتى، حسيت بس إني عايزة أبعتها من بيتي الأولاني. مع إني باحب بيتنا الجديد بس عايزة أوثق حكايات معينة من البيت ده وأبعتها من الأرض دي. عايزة أرسم كروت بوسطة من الشارع والكورنيش، ومن السما من بلكونة البيت.

بقالي سنين بحاول أتواصل مع جزء فيا دفنته مع أسرار وقتها، نهال البنت اللي في ثانوي اللي اتعرفت على الدنيا والفن بعفوية لوحدها. والسكك اللي جربتها كانت دايما آخرها حيطة سد. ساعات سكك تناديني ويبقى فيها عقبات، كانت ممكن توصل بس الطريق مردوم..

لما شميت نفَسي شوية وإديت نفسي فرصة ألعب من غير خطة ولا أحكام لقيتها جوايا في يوم، قفشتها. كأن يومها اللي كان باين للناس إطار، جواه مستخبي ورا عينيا نهال دي، وهي بتتعرف عالناس وراكبة فلوكة في النيل، مستنية بفارغ الصبر نفورتها تشتغل، بتشم ريحة المياه لحد ما تملاها، بتضحك تحت الكوبري هي وأصحابها وصوتهم يجلجل، وحاسة إنها خفيفة وحرة.