Isang linggo lang ang pagitan ng pagsisimula natin sa trabaho. Nauna ako, tapos sumunod ka.
Unang beses pa lang kitang nakita, alam kong magkatulad tayo- hindi straight. Madalas kitang titigan sa opisina. Yung malagkit na titig. Yung titig parang hinuhubaran ka.
Nagpunta akong Singapore at Malaysia. Higit sampong araw tayong hindi nagkita.
Nagsimula akong magtrabaho ulit. Nandyan ka na naman. Hanggang isang araw, nakita kong may kasama kang iba. Tama ako sa naisip ko, boyfriend mo nga yung kasama mo. Hindi naman ako sobrang naapektuhan. Hindi pa naman sobrang lalim nung pagtingin ko sayo.
Hindi ko alam kung bakit pero may isang dahilan kung bakit gusto kitang tingnan. Siguro ang misteryoso ng dating mo sakin. Siguro marami pa akong gustong malaman sayo. Siguro may iba akong nararamdaman sayo. Siguro ang komportable ng pakiramdam ko kapag nakikita kita. Pero hindi ko talaga alam yung totoong dahilan.
Mula titigan, nagkaron tayo ng pagkakataong makapag-usap. Sa chat lang noong una. Hanggang niyaya kitang lumabas kasama ko. At pumayag ka.
Nagtagpo tayo isang gabi. Nag-usap. Naglakad papuntang library. Sa gilid ng library ay nagkwentuhan.
Ang sarap mong kausap. Ang dami mong nasasabi sakin. Ang sarap pakinggan ng mga kwento mo. Nagawa mong magbahagi sakin ng tungkol sa iyong buhay. Doon ay kahit papaano ay may mga nalaman ako tungkol sayo.
Hanggang sa lumapit ako sa yo. Noong una, gusto ko lang ipakita yung mga larawang kuha kosa Singapore at Malasyia. Hanggat hindi ko na natiis. Hinawakan ko na ang kamay mo. Maliit, malambot, at malamig ang kamay mo. Niyakap kita nang mahigpit. Hinalikan. Sa leeg. Sa pisngi. Sa labi.
Hindi ka gumanti ng halik. Pero ayos lang sakin. Ang tanga kasi alam kong may boyfriend ka. Pero hindi ko alam kung bakit ginawa ko yun sayo.
Umuwi tayo sa bahay. Doon ay nagpatuloy ang kwentuhan. Magkasama na tayo sa isang kwarto. Madilim. Malamig. Tunong lang ng electric fan ang naririnig natin.
Habang nakahiga, heto na naman. Hindi ko na naman mapigilan ang sarili ko na yakapin at halikan ka. Hanggang sa nakatulog na tayo. Umaga na ng nagising tayo.
Nagkasundo tayo na yun na yung huli. Na hindi na ulit natin uulitin yon. Ayos lang sakin. Nauunawaan ko naman. Hindi naman ako nag-expect sayo. Bakit? Kasi alam kong nakatali ka sa iba. Siguro talagang hinayaan ko lang yung sarili ko na maparamdam sayo na gusto talaga kita.
Araw-araw tayong magkakaron ng pagkakataong makita ang isa’t-isa. Alam kong magiging maayos tayong kaibigan. Oo. Kaibigan. Ngayon, hanggang kaibigan lang talaga muna.
James, wag kang mag-alala, ayos na ako don. Mas makabubuti yun para satin. Masaya ako’t kahit isang gabi, nagawa kong makilala ka. At naparealize mo sakin, na ayos na ako. Na kaya ko na ulit magmahal.
dailybridgerton
blakekathryn
germansingergirl
tangentwithtanner
gummygunk
origamiaround