بحب السيما

No form of art goes beyond ordinary consciousness as film does, straight to our emotions, deep into the twilight room of the soul

[bahebelcima-blog]

إيه كان رأيك الحقيقي فيا؟ من جوا قلبك هل كنت أنا الراجل اللي كنتي عايزة تبقي معاه؟ ولا أملك كان خاب بس كنتِ أكتر لطفـًا من أنك تبيّنى ده؟

[bahebelcima-blog]

بس بتيجي نقطة في الحياة... لحظة... لما عقلك بيعمَّر أكتر من رغباته... أكتر من هواجسه... لما عاداتك بتعمَّر أكتر من أحلامك... ولما خساراتك... يمكن الموت يكون هبة. مين يعرف.

[bahebelcima-blog]

[bahebelcima-blog]

أبوكي قال إن الفنانين بيستخدموا الأكاذيب عشان يقولوا الحقيقة، أيوا أنا افتكست كدبة، بس لأنك صدقتي فيها فأنتِ لقيتي حاجة حقيقية في نفسك

[bahebelcima-blog]

فلسفة مارلا في الحياة هيّ أنها ممكن تموت في أي لحظة، والمأساة، هيّ بتقول، كانت أنها مابتموتش

[bahebelcima-blog]

لما الخناقة خلصت ماكنش فيه حاجة محلولة، بس ماكنش فيه حاجة فارقة

[bahebelcima-blog]

ساعات بسأل نفسي عن حياتي، أنا عايشة حياة صغيرة، قـيّمة صحيح، بس صغيرة، وساعات بسأل نفسي: هوّ أنا عايشاها عشان حابّاها ولا عشان ماكنتش شجاعة؟ حاجات كتير من اللي بشوفها بتفكرني بحاجة قريتها في كتاب، بس مش المفروض يكون العكس صحيح؟ أنا فعلاً مش عايزة إجابة. أنا بس عايزة أبعت السؤال الكوني ده للفراغ. فتصبح على خير، عزيزي الفراغ.

[bahebelcima-blog]

أنا وأنت عندنا سر. إحنا عارفين مدى سهولة أنك تقتل حد. التابو المقدس ده مالوش وجود برا عقولنا.

[bahebelcima-blog]

حاجات هاعملها قبل ما أموت: 1. أقول لبناتي إنى بحبهم أكتر من مرة 2. ألاقي لدون زوجة جديدة البنات يحبوها 3. أسجّل رسايل عيد ميلاد للبنات لكل سنة لحد ما يبقى عندهم 18 سنة 4. نروح سوا نتفسّح فسحة كبيرة على شط وايل باي 5. أدخن وأشرب زي ما أنا عايزة 6. أقول اللي بفكر فيه 7. أمارس الحب مع رجالة تانيين عشان أشوف ده عامل إزاي 8. أخلي حد يقع في حبي 9. أروح أشوف بابا في السجن 10. أجيب ضوافر صناعية وأعمل حاجة في شعري

[bahebelcima-blog]

[bahebelcima-blog]

بس الوقت اللي هاتقابلي فيه الشخص الصح ليكي، مش هاتحسي أنها تسوية وتنازل، والوحيد اللي هايفضل عشان يحكم عليكي هاتكون البنت اللي عندها 23 سنة اللي لابدة بطموحها في ضهرك

[bahebelcima-blog]

مفيش في الأوضة دي غير قتالين قتلة يا مايكل، فتّح عينيك، هيّ دي الحياة اللي اختارناها، الحياة اللي عيشناها، وفيه حاجة واحدة بس مضمونة: ماحدش منا هايورد على جنة.

[bahebelcima-blog]

الناس بتحمي نفسها عاطفيًا بأنهم بيرتبطوا بسجايرهم بدل ما بيرتبطوا ببعض

[bahebelcima-blog]

- المسيح ماجاش عشان يحررنا من الألم يا جاك. هوّ جه عشان يدينا القوة لأننا نستحمله - يمكن هوّ أراد الألم ده يحل عليا. - هوّ مالوش دعوة بيه، دي كانت حادثة. - لا ماكانتش حادثة. المسيح اختارني لده. - اطلب الرحمة من المسيح يا جاك. - طب لو كانت فعلاً حادثة، ليه لازم أطلب رحمته؟ ساعتها "ستكون رحمتي لمن ينالها، وسيكون تعاطفي لمن يناله.. - ماتتكبّرش أوي كده، دي خطيئة - ..وللمتهيّبون والكافرون والمكروهون والقتلة ومشعلوا الحروب... - اسمع يا جاك - ..والسحرة والوثنيون وكل الكذابون... - المسيح جه هنا عشان ينقذنا مش يلعننا - ..سينالون نصيبهم من البحيرة التي تستعر بالنيران والكبريت" سفر الرؤيا 21:8 - المسيح بيحبك، لكنه يعرف إزاى يعاقب الخطائين المتغطرسين اللي زيك - بقدر ما أحب بقدر ما ألوم وأطهِّر" سفر الرؤيا 91:3 ... المسيح خانّي" - بطّل الخرا ده وإلا هاتخش جهنم حدف - جهنم؟ *يشاور على دماغه* هيّ دي جهنم، هنا بالظبط - أنت بتلعن روحك، اخرس حالاً واطلب المغفرة من المسيح - يغفرلي؟!! أنا عملت كل اللي طلبه مني!! اتغيرت! ادّيته حياتي كلها، وهوّ خانّي، هوّ اللي حط العربية المنيوكة تحت إيدي عشان أنفذ مشيئته وخلاني أقتل الراجل ده والبنات دي، بس إيه ده ما ادّانيش القوة لأني أثبت وأنقذهم - ماتجدّفش يا وسخ، السيد المسيح مالوش دعوة بكل ده - يعلم الله حتي حين تتحرك شعرة واحدة من رأسك" وأنت اللي علمتني ده" - هاندعيلك يا جاك

[bahebelcima-blog]

أنا بس عايز أقولك، إني أنا اللي كنت المفروض آخد بالي من كل حاجة. أنا اللي كنت المفروض أخلي كل حاجة تمام لينا كلنا. بس المسألة فلتت مني ومانفعتش. فمشيت. مشيت وسيبتك. أنتِ عمرك ما عملتي حاجة غلط. أنا اللي اتعودت أنساكي. اتعودت أحاول أعمل نفسي وكأنك مش موجودة. بس مش عارف. أنتِ بنّوتي. أنتِ بنّوتي الصغيرة. ودلوقتي، أنا حتة لحمة عجوزة مكسورة... ولوحدي. وأستاهل أبقى لوحدي خالص. أنا بس مش عايزك تكرهيني.