h
Alisa U Zemlji Chuda
No title available
Keni
Mike Driver
will byers stan first human second
blake kathryn
Three Goblin Art
dirt enthusiast
hello vonnie
tannertan36
taylor price
@theartofmadeline
Cosimo Galluzzi
Stranger Things
occasionally subtle
Show & Tell
titsay
2025 on Tumblr: Trends That Defined the Year
No title available
seen from United States
seen from Italy
seen from United States
seen from Australia
seen from United States
seen from United States
seen from United States
seen from Australia
seen from United States
seen from United States
seen from United Kingdom
seen from Germany
seen from United States
seen from China
seen from Malaysia
seen from United Kingdom
seen from Singapore
seen from United States
seen from United States
seen from Singapore
@feelingsoi-blog
هل تكفي أن تقول
كيف أنت مشتاق؟؟
حلوة تنقال بس الأشواق ما بتنقاس بالحروف
الأشواق بتنقاس بـ
ركضتك لما تسمع صوته
بالسهر اللي ما إله سبب غير إنك بتفكر
بإنك تفتح محادثته 100 مرة باليوم وتسكّر بدون ما تكتب.
اللي يشتاق بصدق ما بيكتفي بالسؤال
بيقصر المسافة.
بيجي لو مشي، بيحكي لو تعبان، بيعترف لو كبرياؤه ذابحه.
لأنه عرف إن العمر أقصر من العتب
وإن اللي بنحبهم ما بينسألوا ليش بعدت
فلا... ما بتكفي تقولها
قولها واعملها
الكلام بدون خطوة... عتب نايم.
عهود اسليم
انا بس بدي نام بحط سماعات وبسمع اشي عشان انام عادة سيئة يمكن المهم صحيت الساعة سبعة الصبح على صوت مقدم برنامج بالاذاعة على عمان اف ام اظن اسمه الدكتور احمد بيحكي عن السعادة..الصراحة اندمجت معه بس فكرت وحكيت لو بعرف رقمهم بحكي معهم وبحكي انه السعادة بتختلف من عمر لعمر من مرحلة لمرحلة يعني…
السعادة واحنا صغار
لعبة جديدة كيس شيبس كبير حبة شكولاتة وعيدية ورقتها جديد
لو الكهربا قطعت ننبسط عشان القصص والشمع
أكبر همنا متى يخلص الدوام ونروح نلعب
السعادة واحنا مراهقين
رسالة من حدا بنحبه أغنية فاهمين كلماتها لحالنا وطلعة بدون الأهل.
السعادة إنك تثبت إنك "كبير" بس محدش يعاملك كمسؤول
وأكبر انتصار انه اتنام بعد 12 بدون ما حدا يصرخ عليك
السعادة بالعشرينات
أول راتب أول سفر لحالك أول مرة تقول "لا" وتطلع صح
بس بنفس الوقت... السعادة صارت أهدى.
بتفرح لو لحقت باص لو الخصم زبط لو ما صحيت متأخر عالدوام
السعادة بالثلاثينات
نومة كاملة 8 ساعات بدون ما يصحيك حدا.
قهوة رايقة والبيت هادي.
فاتورة مدفوعة، سيارة ما خربت، وقعدة مع صاحب واحد بس فاهمك.
بتصير تحب الهدوء أكثر من الدوشة.
…السعادة بالأربعينات وطالع
صحة ولادك راحة بالك وحدا يسأل عنك بدون مصلحة.
السعادة إن ضهرك ما يوجعك ركبك ما يخونوك وإنك لسه قادر تضحك من قلبك.
بتبطل تركض ورا الدنيا... بتصير بدك الدنيا تهدا وما تركض عليك
الخلاصة
السعادة نفسها بس احنا اللي بنكبر وبنغيّر مقاسها
كل عمر واله لعبة تفرحه... المهم نلاقيها ونرضى فيها
ودمتم بسعادة
عهود اسليم
ليلة العيد هي ليلة غريبة...
فيها شوق للّي غاب، ورضا باللي حضر،
فيها دمعة على طرف العين، وضحكة مخبية وراها.
ليلة العيد ما بتنام.
بتسهر مع ذكرياتك، بتراضيك،
وبتقلّك: "الفرح لسه ممكن، حتى لو تغير شكله".
عيدكم مبارك وقلوبكم عامرة باللي بتحبوه.
عهود اسليم
يا وطن النشامى
اليوم مش مجرد تاريخ على الرزنامة... استقلالنا كرامة بتعيش فينا
في 25 أيار وقف الأردن على رجليه وقال للعالم: "أنا حر".
لا وصاية، لا تبعية، لا صوت يعلو فوق صوت نشمي حامل بندقيته ومحبته لترابه.
من شجرة بلوط في السلط، لبيت شعر في البادية لدخلة في عمان القديمة...
كل حجر بحكي قصة فزعة، وكل جدار مكتوب عليه "الله، الوطن، الملك"
يا أردن دام عزك
وكل عام وإنت بالقلب
عهود اسليم
يا الله
تعلمُ أنّي لا أعلمُ خيري
و تعلمُ أنّي خائف
و تعلمُ أنّي بحاجة إلى زاد كبير من الصّبر
فلا تتركني لنفسي، كي لا أضيّعها.
يارب 🤲
رسالة صباحية
غيّر اتجاهك... غيّر أهدافك
لو الطريق اللي أنت ماشي فيه ما وصلك لشيء غير التعب،
لو الباب اللي واقف عليه سنين ما انفتح، لو الحلم اللي شايله صار حمل ثقيل على قلبك...
ما فيها عيب تغيّر.
العناد أحياناً غباء متخفي باسم "الصبر".
والاستمرار في المكان الغلط... هو أكبر خيانة لنفسك.
غيّر اتجاهك.
مش فشل. اسمه نضج.
اسمه إنك فهمت إن الحياة أوسع من شارع واحد، وإن رزقك يمكن مستنيك في طريق ثاني ما فكرت فيه.
غيّر أهدافك.
الأحلام القديمة بتموت عشان تولد أحلام جديدة تناسبك اليوم.
أنت كبرت، ونظرتك تغيرت، وقيمتك عرفتها...
فطبيعي اللي كنت تشوفه "قمة" أمس، يصير "عادي" اليوم.
لا تخاف من البداية الجديدة.
خاف تبقى واقف في نفس المكان... وأنت عارف إنه ما عاد يشبهك.
عهود اسليم
السعادة أنه تُسعد نفسك
ما حدا فاضي يرتب قلبك غيرك.
ما حدارح يحس باللي ناقصك قدك.
تستنى مزاجك يتعدل من كلمة؟ من شخص؟ من ظرف؟...رح ضل طول عمرك في طابور الانتظار.
السعادة قرار مش هدية.
إنك تعمل قهوتك زي ما بتحب، وتسمع الأغنية اللي ترد روحك، وتلبس اللي يخليك تحس إنك أنت.
إنك تقول "لا" للي بيستنزفك، و"أهلا" للي شبهك.
سعادتك مسؤوليتك أنت. وبس
عهود اسليم
بعدستي📸
السعادة أنه تُسعد نفسك
ما حدا فاضي يرتب قلبك غيرك.
ما حدارح يحس باللي ناقصك قدك.
تستنى مزاجك يتعدل من كلمة؟ من شخص؟ من ظرف؟...رح ضل طول عمرك في طابور الانتظار.
السعادة قرار مش هدية.
إنك تعمل قهوتك زي ما بتحب، وتسمع الأغنية اللي ترد روحك، وتلبس اللي يخليك تحس إنك أنت.
إنك تقول "لا" للي بيستنزفك، و"أهلا" للي شبهك.
سعادتك مسؤوليتك أنت. وبس
عهود اسليم
بعدستي📸
' سيستجيَب ،، فهو الذي لا تفوته تنهيدة قلبِ
دائما نشكر الله على عطاياه وعلى كل شيء بحياتنا.
حكمة مسائية
واذا الهموم على الكتوف اتشعبطت
هز الكتاف وقولها يختي انزلي😂
رسالة اليوم…
دعونا لا نؤجل سعادة اليوم إلى الغد فقد لا يأتي الغد فنكون عندها قد خسرنا اللحظة ومن سيشاركنا إياها.. وللأبد!
صباح الخير
عهود اسليم 6/5/2026
(ضربت لنا الحداثة القدرة على الانتظار)
علّمتنا أن كل شيء يجب أن يأتي "الآن".
ضغطة زر تجيب العالم لعندك، و رسالة توصل بلمح البصر، وطلبية توصل قبل ما نشتاق لها.
فقتلت فينا لذة الترقب، ومتعة الشوق، وحكمة الصبر.
صرنا نخاف من الدقائق البطيئة،
ونتوتر من "تمت القراءة" بلا رد،
وننسى أن أجمل الأشياء في الحياة... تحتاج وقتاً لتنضج.
الحب يحتاج انتظار،
والنجاح يحتاج انتظار
والقهوة الطيبة تحتاج نار هادئة
الحداثة أعطتنا السرعة، وأخذت منا الطمأنينة
أعطتنا الوصول، وسلبتنا لذة الطريق
فصرنا نعيش كل شيء... إلا اللحظة
عهود اسليم
مساء الخير
4/5/2026
كان له صوتٌ رنّانٌ جميل، يأخذك بعيداً...
إلى زمن الطرب الأصيل، حيث الصدق يسكن الكلمة، والرُقي يعانق اللحن، والإحساس يستقر في القلب ولا يرحل.
اليوم صمت الكلام، وغاب الصوت الذي لقّننا كيف يكون الحب راقياً، وكيف يصبح الحزن نبيلاً.
اليوم رحل من لامس بصوته ظلّ العندليب عبد الحليم، وظلت مدرسته الفنية منارةً تشهد على زمنٍ جميلٍ لا يُعاد.
وداعاً يا أمير النغم...
أنت حكاية كل عاشق، وأنت “ياريتك معايا”، وأنت “من غير ليه”...
أنت عمرٌ من الطرب لن يطويه الغياب.
وداعًا امير الطرب🤍🖤
عهود اسليم 3/5/2026
امنيات صباحية
"أرجو أن لا تمس رمادية الملل، تلك الأشياء التي أفنيت عمري في تلوينها"
صباح الخير..🌹
مقولة اليوم لأدهم الشرقاوي…
الكثير من للاسف لأنفسنا…
على كل مرة قلنا فيها
مستحيل فلان يعملها.
يكفيك من الدنيا شخص ينتبه لصمتك أكثر من كلامك…
يفهم وجعك من نظرة عينك قبل ما تشكي،
ويقرأ ارتباكك من نبرة سكوتك قبل ما تحكي.
شخص ما يسألك "مالك؟" بس… هو يعرف مالك.
يحس بغيابك وأنت قاعد جنبه، ويطمنك بحضوره قبل كلامه.
شخص يكون أمانك لما الدنيا كلها تصير ضجيج،
وتلاقي في سكوته معاك… وطن
عهود اسليم
تقليل المبالغة يمنحك تركيزاً أعلى ويحمي طاقتك النفسية والجسدية من تعب الانشغال المفرط. .