Minsan talagang nakaka bobo ang pagiging faithful, lalo na kung ito ay nakalaan sa isang tao kasi sobrang mahal mo. Kahit alam mong isa kang tao na alam ang tama at mali, ang nakakabuti o nakakasama para sa sarili , di mo ito nagagamit, bakit? Kasi nga nasa pagkatao mo na if you’re faithful to a certain person, you stick to it. Kahit pa saktan o sinasaktan ka na, kahit pa hindi kana masaya, kahit alam mong selfish na siya at sariling kaligayahan niya na lang ang inaalala niya.
Nakakatawa pa nito, even if niloloko ka na, magpapanggap ka parin na wala siyang ginagawa sayong masama. Magtitiis ka kasi iniisip mo, mas ok ng niloloko ka niya pero sayo pa rin umuuwi, ok lang na hindi na siya masaya sayo, ang importante, kahit masaya man siya sa iba, masaya ka pa rin kahit na papaano nasayo pa rin siya. Kahit na papaano, nararamdaman mo pa rin ang pag-asa na kayo talaga hanggang huli, na kahit papaano mahal ka pa rin niya kahit kaunti, kasi kundi na, di sana pinamukha niya na sayo na may mahal na siyang iba, na dina siya masaya sa piling mo. Kahit na papaano ay tinatago niya pa rin ang panlolokong ginagawa niya kasi ayaw ka rin naman niyang saktan.
Ikaw yung taong kahit na konting pag asa na lang eh panghahawakan mo pa rin. Tawag sayo ng iba martir or di naman kaya masochista, pero ano ka nga ba talaga? Bakit hinahayaan mong maging mang-mang sa mga nangyayari o ginagawa niya basta lang kasama mo siya, ang taong mahal mo, o basta lang na matawag mong sayo pa rin siya. Feeling ko talaga, ganito ako kasi gusto kong patunayan sa mga tao na matatag ako, na kahit isa sa aming dalawa ay lumalaban para sa relasyong ilang taon naming pinundar, na ang totoo ay kame talaga hanggang sa huli, na trials lang ang lahat. Ganito ako kasi alam ko rin naman sa sarili ko na may mga pagkakamali at pagkukulang ako, na di ako perpekto. Kaya may mga dahilan kung bakit siya nagka ganoon at bakit ako sobrang nasasaktan ngayon. Na natatakot talaga akong isipin na di ko na siya makakasama, nasanay na akong anjan siya, naka sentro na sa buong pagkatao ko na walang iba para saming dalawa kundi ang isat-isa.
Ilang taon ding hinarap naming ng sabay ang lahat ng pag subok, ilang taon ding karamay naming ang isa’t –isa kaya ayokong mawala yon. Ilang taong sabay naming pinangarap ang gusto naming buhay hanggang sa aming pagtanda. Sinong magsasabi na madaling bitawan yan? Pag sinabi mong madali nga, niloloko mo pati sarili mo, di madali, sobrang hirap, pero hindi rin naman imposible, magagawa mo naman pag sagad ka na, pero again, sobrang hirap, feeling ko katapusan na ng mundo ko, end na, redundant kasi feeling ko malala pa sa “the end” eh, yun ako eh, walang plan B kasi you’re very sure to yourself na hanggang wakas kayo na, ni minsan di mo ginawan ng plano ang pag tanda ng mag-isa, o pag tanda na iba na ang kapareha, siya lang talaga kasi nga faithful ka.
So walang back up plan, so stick ka na lang sa original plan hanggang matuyo na tear ducts mo, hanggang lamunin na ng insecurities ang buong pagkatao mo, some would say it’s pathetic, again, yan ako eh, magagawa mo dun? Stuck ka na ganun lang? eh papano pag siya na ang umamin, pano pag din na niya kayang itago na may mahal na siyang iba? yun ang dead end para sa pakikipaglaban ko, game over na, kasi para sakin, may napili na siya non, din na siya takot na malaman mo kasi kaya niya nang wala ka na. Itatanong mo, akala ko ba martir ka? Di mag makaawa kang wag ka niyang iwan, ito naman ang sagot ko sayo, martir nga ako, kasi the fact na inamin niya ng may mahal na siyang iba, meaning gusto niya nang sumaya ng lubusan, kasi nahihirapan na siyang kasama ka.
Nanahimik ako ng sinabi niyang may mahal na siyang iba, kasi ayokong may lumabas sa labi ko na kataga na makakapag pabago ng isip niya, na sa bandang huli, pag sisisihan niyang nakinig siya sa akin at tiyak babalikan niya yung taong handa ka niyang sukuan sana. Nakakabobo ang pagiging faithful, kasi iisipin mo pa rin ang feelings niya sa bandang huli, kahit masaktan ka, ok na lang din, faithful ako, hindi ako namimilit ng tao para maging faithful sakin. Gusto kong sumaya siya, kasi yung lang ang kabayaran ng pasakit na naramdaman ko ng sinabi niyang handa na siyang iwan ako.
stormborns
ellievsbear
origamiaround
yousharknotpass
turnnoffyourmind
kianamaiart
blakekathryn