IPADAYON PA O SAKTO NA | By Heidi R. Yañez
Pito ka letra pero mahadlok ko iingon sa imoha
Usa ka pulong na gusto nakong ipangutana sa imong atubangan
Usa ka pulong na akong gikahadlokan.
Kay sa pagtubag unya nimo, mobalik ang pagbati sa akong dughan.
Nakahinumdum pa ba ka sa imong mga linya sa akoa? Mangatulog na ta, goodmorning, mata na, kaon na, pag amping ha.
Kani... Kani nga mga linya ang nagpaasa sa akoa.
Ang imong mga linya na abi nakog para akoa ra.
Nakahibalo ba ka na sa 22 katuig nako aning kalibutana, akong nahibal-an na adunay duha ka klase sa tawo. Una ang paasa, ikaduha ang hilig muasa.
Sorry ha ako ang ikaduha. Ang hilig muasa. Ug swerte ka kay ikaw ang una - ang paasa.
Imoha pa bang nahinumduman ang imong gipangsulti sa akoa?
Nga ganahan ka kauban ko.
Pero char char ra diay to.
Nakahinumdum pa ba ka sa atong mga late night talks na maabtan pata'g ala una sa kadlawon?
Nga halos i-send nimo tanang klase sa bituon?
Daghan kog pangutana na komplikado pero mas daghan kag tubag na di ka sigurado.
Pero okay ra. Ing ana gyud siguro ang mahigugma.
Mag expect ta sa tawong wala nahigugma sa atoa.
Pero okay ra. Kung siya imong kalipay, didto ka. Kay ako padayon sa pagkalibog kung mupadayon pa o muundang na.
Karon, akong nahibal-an na dili sayop mahigugma. Kabalo ka unsay sayop? Ang tawo na akong gipili higugmaon.
#Paasa #Muasa #SpokenPoetry
s-u-f-j-a-n-s-t-e-v-e-n-s
