noise dept.
taylor price
Sade Olutola
⁂
Discoholic 🪩
pixel skylines
tannertan36
KIROKAZE
$LAYYYTER
hello vonnie
almost home
NASA
Janaina Medeiros
PR's Tumblrdome
Not today Justin
Peter Solarz
art blog(derogatory)
occasionally subtle
Game of Thrones Daily
YOU ARE THE REASON
seen from United States
seen from France
seen from United States
seen from United States
seen from United States
seen from United States
seen from United States
seen from United States
seen from United States
seen from United States
seen from United States
seen from United States
seen from Belgium
seen from United States
seen from United States
seen from United States
seen from United States
seen from Türkiye
seen from United States
seen from Italy
@jackiebanana
Nov 17, 葡萄牙🇵🇹 - 里斯本 Mass Tourism kills Lisbon ?
當一個地方旅遊業發達便會衍生民生的問題，例如噪音🎼，我們在放假可以睡到自然醒但當地人明天可是要返工，歐洲的房子牆壁很薄，在Airbnb 晚上我也不好意思用風筒耶🙄（外國人可是早上才洗澡的。。恕我不能入鄉隨俗😓。。）。
我們在里斯本不是旺季但遊客也不少，旺季時應該滿恐怖吧。
和當地人聊天，他們說除了噪音，最大問題是物價飆升💸，很多餐廳他們已吃不起了，多了外來人，房子越來越貴，如果想移民當地用一百萬歐元在當地買房子便可入藉了。
今天看新聞，香港220尺房子賣千萬😨，4.5萬尺😱。。。。香港既樓起來不是給香港人住的啦。。。呢個世界怎樣了😶。。。
Nov 17, 葡萄牙🇵🇹 - 里斯本 熱羅尼莫斯修道院 Jeronimos Monastery
里斯本有唔少景點，但由於唔想趕景點走馬看花🏃🏻♀️（旅行不是去來趕景點的🙃），所以我們每日只去一點景，今日選了熱羅尼莫斯修道院。
因為不同原因而起了百年的修道院（中間的故仔太長了🙄，打哂出來大家都應該無興趣睇哂，如大家有興趣可以Google 一下🤗）。
這個例為聯合國世界文化遺產之中既修道院真係好靚😄，無論拱形的門或四周既柱都刻上不同風格的圖案和雕刻。
里斯本整個星期天氣都好好，影相每個角度都好靚呀😍！
遇上講廣東話的新人在影結婚相。
Nov 17, 葡萄牙🇵🇹 - 里斯本 葡萄牙原來無葡國鷄
葡萄牙比我最大既驚喜竟然係美食🤤，呢個好似貨倉既Time out Market 雖然係Food Court 但食物既質數可以媲美餐廳，種類又多，價錢合理，選擇困難症呀🤤😁。
最攪笑係，我重一心來葡萄牙試葡國鷄但原來葡國鷄係沿自澳門，當地無架... 😅(情況就好似美國人來到香港，以為係所有中餐廳都一定有係美國中餐廳既招牌菜“左宗棠菜“一樣😂）。
呢個燒鷄，皮煎到剛剛好，好野味👍🏻。
里斯本係海鮮天堂，係道食咗兩日生蠔，開始後悔無食多D😑。
呢個外表一般既薯蓉其實一點都唔一般，入口軟滑帶甜，好有驚喜🙃。
原來正宗葡撻係鍾意焗到黑蚊蚊😛。
Nov 17, 葡萄牙🇵🇹 - 里斯本 2017 全球最安全國家第三位👍
葡萄牙全球安全度只係係冰島同新西蘭之後，出發前都半信半疑🤔，因為始終係西班牙鄰國，但到步後感覺真係幾安全。
在露天餐廳我們都把背包放在鄰椅（如果係西班牙同法國，餐廳的員工早已勸喻唔好咁做了🙅🏻），晚上我們在舊城區Alfama 的暗街行上行落雖然街燈昏暗但不時都有行人走過所以都ok (係歐洲其他城市就算日光日白我打死都唔行無人行既暗街🙆🏻）。
不過不時有人行過來問我們要不要大麻💁🏽♂️。。我們說'no , thank you🤷🏻♀️' 佢地便會行開唔會纏住你，有次食飯同同檯的意大利女生聊天佢話有人問佢要唔要海洛英🤦🏻♀️。。不過佢地都係做生意，唔會攪事，回絕便會走。
其實一個地方只要唔洗擔心打劫同搶嘢已經算安全但每個國家都有壞人，要留意當地小偷，特別係當地聲名狼藉但最多遊客坐既28號電車🚃，和當地開店的中國女人聊天，係28號電車有一男一女小偷搵食，佢地會用外套蓋著手的動作，不過當地捉到小偷一般都只扣留24小時之後就會放番出來了🤷🏻♀️。
Nov 17, 葡萄牙🇵🇹 - 里斯本
里斯本真係一個好舒服既城市，五顏六色既房子，友善既當地人，物價比歐洲其他城市平重要水準好高！
天空長期夢幻籃，不過因為沿海，太陽下山後超超超凍。。。夏天應該超舒服。
唔知點解當地超多蒼蠅，每日都有幾隻老實不客氣係我面上登陸，一路行笑都唔敢張大個口。。。
#看北風吹起冷冷冷 #蒼蠅蒼蠅你是害人精飛東飛西飛個不停
Nov 17, 葡萄牙🇵🇹 - 里斯本
突然要公幹，將我帶到呢個從未來過既國家 - 葡萄牙🤗。
當地人既英文，比過鄰國西班牙，出奇地好🤔，無論的士司機／餐廳阿叔都會基本英文，根據Uber 司機所講，因為西班牙所有非西班牙語既電影／電視劇都會配上西班牙音，但葡萄牙除了小朋友節目外，所有外國節目都照出英文所以當地人已習慣了聽英文，而且世界各地既遊客來葡萄牙旅行通常只來里斯本所以唔多唔少都識少少。
而且當地人一般都會說西班牙文，因為西班牙文／葡萄牙文／意大利文和法文相似（大概好似廣東語同國語），但西班牙人好多不會說葡萄牙文，Uber 司機話因為西班牙人懶（唔係我講架😅）。
Aug 17, 東京 港女之日常 - Snoopy Museum Tokyo
西方既卡通人物中Snoppy 系列係日本既受歡迎程度一直名列前茅，雖然他們唔係新鮮既人物但出名長情既日本人一直寵愛有加，受歡迎到可以有自家既博物館。
Snoopy 系列最中意就係Woodstock
咁多個人物你又記得幾多個呢？
每個人物都有詳細介紹
行完博物館後又到破產既時候啦
港女Snoppy Pancake ，賣相好卡娃依用來影相一流，味道還可以，
Aug 17, 東京 叮叮電車河 🚋
係東京除咗買同食其實重有好多野做架，今次住係早稻田所以來個“叮叮河“，坐係早稻田為總站既都電荒川線🚋。
一日通行票為400 Yen，單程170 Yen，因為我們去到車站時電車快開而沒有見到票務站（可能我們心急見唔到），所以便跳上車用西瓜Suica卡了。
呢部以昭和初期主題的電車，窗上貼上可愛的貼紙😄，車廂內充滿懷舊的裝飾，特別鍾意椅上懷舊的圖案和用色😍，想起千尋和無面男一齊坐水上電車既情景。
由總站早稻田到三之輪橋總站大約45分鐘，共30個站，中途不少站是連接Subway 的不一定要在總站上車，由於是工作天所以車上全是老人家👵🏻和小朋友👧🏻，所以部份時間都唔好意思坐，不還唔緊要可以企吓欣賞吓沿途風景。
回程時坐上綠色的車廂但只是普通既車廂沒有特別裝飾，原來來的時候坐上的是紅色復古9001型車是特別版耶😀。
如果有時間可以在中途站下車四處行吓，特別是櫻花季節，電車沿線是會經過有櫻花的地方架。
車上除了司機還有一位車長先生👴🏻，車長見我們在拍照送我們一張可愛的貼紙。
總站三之輪橋係一個好寧靜既社區，有個步行街不過部份店沒有開門。
Aug 17, 東京 - 早稻田
東京遇上巴塞隆拿
今次係東京既Airbnb 係早稻田，環境好清幽，房子好清潔，冷氣重好強架！
原來住早稻田都好多驚喜，例如係 bnb 樓下這棟古怪既建築物，驟眼好似巴塞Guell 既 Casa Mila。
這棟建築物名為Waseda EI Dorado 建於1983年但不是博物館，地下有間晝廊／髮型屋，樓上是民居，五彩繽紛既窗和不同風格既階磚坐落係早稻田民居顯得份外搶眼，係地下行入去牆兩邊同地下都有好多古怪既裝飾。
Aug 17, 東京 - 千葉夏祭
好彩臨時臨急係千葉市中心搵到間平地點又好既酒店，重因禍得福遇上酒店樓下既千葉夏祭，難得體驗一下日本傳統既嘉年華。
嘉年華兩旁由千葉既不同組織表演傳統舞，每組無論十幾人或幾人都非常合拍，重第一次見到成日係電視見到當地人一齊抬神社既重頭戲。
嘉年華兩旁和千葉中央公園重有好多日本街頭美食，原來只係睇一陣最後又睇又食成三個鐘後先肯走，大家如果去日本可以搵吓有無類似既嘉年華，好值得體驗下呀！
Aug 17, 東京 - 西千葉 Airbnb 大頭蝦既教訓
呢幾年去旅行住Airbnb 無廿間都有十間，一直都好滿意😉，之前有朋友話佢係日本住過一間太污糟要轉酒店，當時我重覺得好奇怪🤔質疑唔會掛但今次真係上得山多終遇虎。
話說因為Summer Sonic 係幕張，可能因為音樂節所以附近既酒店比平時貴而且我地大部份時間係音樂節所以慳慳地係西千葉租間airbnb 房，訂既時候睇過好多前住客評語好好就Book 咗。
我地因為搵路轉車遲咗好多到，其實房東都好好等我們Check in 先出去食飯。
我們的房在二樓，房間比想像細，一張雙人床鋪後僅僅夠開行李，後來先知原來間屋有三間房都係出租，資料內有些相係另外兩間房來🙄。。。而且二樓只有一個門，另一間房要先開我們的門方可以入另一間房😕，其實訂了不久後便見到有前租房提過，不過我覺得算啦又唔係成日留係房。
間房好焗，我們想開冷氣問房東冷氣在那開，房東說：我們沒有冷氣訂房資料也沒有寫有冷氣的但有風扇。太失策啦😱😱我只係注意有無毛巾風筒，冷氣咁基本其他國家可能真係無（我剛剛6月係倫敦都無但英國夏天都係20度），但而家成30幾度仲夏點算呀，最後我們決定去音樂節玩咗先番來再算。
回來時已是凌晨4點幾，玩到成身污糟邋遢緊係要沖涼，但發現搵唔到毛巾😰。。。咁夜又唔好意思叫醒房東只好用自己件衫抹干😥。。。訂房時相片個浴缸張相好似好正但去到時係蓋住，沖涼房天花板有些霉，地板有污漬。。廁所有微微尿味。。好奇怪有客人入住不是要清潔一下嗎😞。。成件事都唔係好專業。
瞓咗一夜因為太熱頂唔順，一起身第一件事就訂酒店急急腳走🏃🏻♀️，由於太頹，都唔記得幫間房影相。
其實以上問題我都可接受但無冷氣真係唔掂😰。。。都怪自己大頭蝦啦😅！
Aug 17, 東京 - 千葉 - Summer Sonic Music Festival No Music No life 🎼，精力耐力大挑戰💪🏻。
有人話香港人如果唔去日本會抑鬱，相信大家都會認同，8年前因為去呢個日本其中一個大型既音樂節第一次來到日本之後便欲罷不能，去完又去，去完又去，去完再去😂。
東京每年有兩大音樂節，Summer Sonic 和 Fuji Rock ，由於Summer Sonic 係千葉市區比較方便所以今次都係選擇Summer Sonic。
音樂會有8個台，包括戶外場 ： Marine Stage ／Beach Stage / Garden Stage / Island Stage 和室內 ：Mountain Stage / Sonic Stage / Rainbow Stage / Speace Odd Stage，戶外和室內場相距幾遠，步行約15-20分鐘，行來行去都咪話唔“甘”🏃🏻♀️。
玩個時覺得自已好年輕😄，玩完之後覺得自已好老😅（因為真係係累），不過，下次都會再去架！
場館除了有日式和西式食物外竟然有香港茶餐廳食物，人龍重比日式食物長！好奇下和排隊既日本人聊天，當佢地知道我們係香港來覺得好出奇重問我們有什麼好推介，我們建議蘿白糕和魚旦，味道係點就唔知，不過見到咁多人排隊都好開心。
Aug 17 郵輪之旅 ／海洋航行者號六日
個個都講國語，唔通個個都想講國語咩
係碼頭過關既時候發現四周被內地既旅行團包圍，用 E 道的寥寥可數但另一邊外國人的大排長龍，心裡一下寒意（您懂的），後來目測郵輪上8 成都是內地人。。。
我明，大家文化唔同，不過真係唔係好慣，係自助餐廳繁忙時間，我地一家人係圓枱食飯，突然有位女仕問有無人坐，咁真係無人坐所以比佢一齊坐，只係感覺怪怪的，成家人食飯有個唔識，又見到有人用自己對筷子係自助餐廳夾食物。。。
由於船上主要係國內遊客，餐廳播既係國語歌，晚上係泳池邊播既係國內片，表演節目既主持都係講雙語。
男朋友係泳池番來房話見到有個男人係泳池最當眼既地方換泳褲，其間個男人係著泳褲前有幾分鐘全裸（係呀，褲都唔著）企係道斯斯然同坐係一邊既朋友聊天😱😱😱，好彩，我唔在場。。。
有一晚，泳池邊有跳舞Party，頭幾首英文歌之後開始國語歌，大媽們開始Free Style💃🏻，直至瘋魔國內既“小蘋果” 出現，終於比我見識到傳說中既“廣場舞👯“，何其壯觀😲。
Aug 17 郵輪之旅 ／海洋航行者號六日 沖繩快閃
由於家人有老👴🏻👵🏻有嫩👧🏻👦🏻，由碼頭行去最近既國際通步行要20分鐘（慢慢行唔止），擔心全船人同時間落船好難搵到的士，沖繩無Uber 而且長途的士好貴，所以我們訂了一部44人旅遊大巴🚐舒舒服服來個一日遊。
之前家人打電話到沖繩最大的幾間旅遊巴公司，但全部回覆大巴已被郵輪公司訂了所郵輪公司的Local Tour （其實行程唔錯又唔洗煩），不過家人想帶小朋友去美麗海水族館🐬🐟都係自已包團。
最後係網上搵到呢間“沖繩深度遊”，服務要比個讚👍🏻，我們只要求：碼頭-水族館- AEONMALL OKINAWA RYCOM 晚飯-碼頭，但客服建議水族館後加插萬座毛看日落（因為順路），但我們已去過萬座毛所以都係留多些時間係AEON，另外客服好貼心建議在水族館的路線和提醒海豚秀的時間表。
其實時間好趕，因為碼頭去水族館約兩個鐘，如果想爭取時間係AEON 購物就只有係Food Court 快食，我就選擇係間餐廳慢慢嘆個定食就上番車，回碼頭途中因家中有人會日語所以問司機可否停一停國際通，雖然唔順路但司機都好好送我們去，小朋友和老人家先番船我們去藥店入貨之後係居酒屋嘆吓沖繩啤酒 Orion 🍻先再坐的士番上船。
路線如下：
14：00 碼頭上車 16：20 美麗海水族館 18：30 番上車 20：10 AEONMALL OKINAWA RYCOM 晚飯（或購物） 21：45 番上車 22：45 國際通放下部份人 23：00 碼頭
44人大巴8小時85,000 Yen，擔心時間唔夠我們加多1小時1000 Yen 共 9小時已含稅 ：95,500 Yen。
呢間公司有其他唔同既小／中旅遊巴，其實如果唔係一定要去水族館可以唔去咁遠，只係去AEONMALL OKINAWA RYCOM 一家大細夠玩成日之後去美國村或國際通晚飯都夠。
Aug 17 郵輪之旅 ／海洋航行者號六日 加勒比海盜船🛳
雖然膳食係全包但船公司由一上遊輪便不停推銷自費既餐廳套票，有幾個唔同既Package ，可以係自費既日本／意大利／火鍋／扒房午或晚餐，老實係船整整4日早／午／晚都係個兩間餐廳真係有D 乏味，所以家人買了Package ，我和男友食了一晚火鍋（味道一般每位美金29）和扒房（我和男友共美金40味道不錯），以上是未計稅的。
房的兩支樽裝水唔會Refill 可用房的電熱水壺煲水，樽裝水啤酒汽水自費（啤酒🍻約美金6 一罐，Cocktail 🍸由美金7起，咖啡☕️美金2.75）。
** 但以上所提是未計18%的稅，所有自費都要再加18%稅🙄。
*** 另外，每位每日都要另付美金13.5 服務費包括小朋友😑（收五日，最後那日一早下船不收），雖然負責整理房間那位哥哥好友善👱🏽每天都整理房間餐廳員工都好勤快，但每日每位收費，我們兩人房美金（13.5x2) x5日＝美金135，真係好貴💸。。
Wifi 都要錢，全程美金75 包稅，買兩個戶口美金125，唔可以分享，一個戶口同時間只可以一個人用，我地太多人唔同層唔同房，第一晚“走失哂“。。。只好“焗“買，收得有些慢，不過係海中心，無得要求太多。
賭場百家樂每局要成美金100 😱！鍾意玩番兩手百家樂既阿嫲👵🏻都只係玩咗少少，不過都有老虎機同其他無咁貴既賭枱玩。
小朋友與趣班又要收費，遊戲機中心一般每局美金1.25好快玩完，睇溜冰表演又要收費。。。
真係上咗賊船（純屬個人意見）。。。。
其實如何忍到唔用wifi 唔飲啤酒 4日都係食兩間餐廳，免費既活動同表演都唔少，不過服務費就無得避啦。
Aug 17 郵輪之旅 ／海洋航行者號六日 香港 - 沖繩 - 香港
咁大個女第一次坐郵輪，因為今次係同家人旅行，有老有嫩成28人👨👩👧👦👵🏻👴🏼，為咗可以滿足哂大家既願望，最好就係坐郵輪。
暑假去旅行大家都知一定比人据到一頸血，我訂的二人標準套房連稅後誠惠約HKD 17000 😱，不過只有暑假先齊人都無計啦🤦🏻♀️，最緊要一家人齊齊整整去個旅行。
郵輪是早／午／晚／宵夜由三間免費餐廳全包的： 1. 11樓的帆船自助餐廳雖然選擇多但基本上每日都係一樣既食物，老實食物味道麻麻特別係中菜部份可能因為係老外主理，唔好太大期望填飽個肚就算。 2. 最靚三層既主餐廳食物不錯，甜品好味，每晚會轉餐牌，不過供應時間好有限，遲咗只好去帆船餐廳食啦（早餐9：30完，我呢個夜鬼無機會食🤷🏻♀️）。 3. 宵夜可以去Cafe shop ，有 Pizza🍕 / Cookie ...等（咖啡自費呀）。
雖然好似係全包但船公司緊係唔會放過呢個獨市賺錢既機會，下一篇會同大家分享下點解有上咗賊船感覺。
華麗既主餐廳，有My heart will go on 既感覺
迷你高爾夫球場
溜冰場
適合老人家既暖水按摩池
百老匯歌劇院
甲板衝浪
◆ 去泰國玩別去騎大象（長知識！） goo.gl/Eefyu4 ◆ 盲象Jokia喪17年友 心碎哀鳴站6小時 goo.gl/PWFOj8 ◆ 網友分享至《大象自然公園》的義工之旅 goo.gl/w4egvT ◆ 全球民眾親臨《大象自然公園》後的評價 以及數千張遊客上傳的照片分享 goo.gl/vr6xyr ◆ ...
清邁之旅 July 17 🇹🇭🐘
清邁有好多野玩，Zip Line／激流／踏單車／水上樂園....等，但有一樣真係希望大家唔好幫襯 - 騎大象 ！
大家見到宣傳單張好像好吸引，大象會表演圖畫，又可以騎大象，但其實背後可是有血有淚非常殘忍😭。
為了訓練小象，小象會被迫骨肉分離唔可以同象媽媽一起生活，而且訓練過程小象如果不聽話會被刀刺被打和勾耳朵。
另外, 象的脊椎其實很脆弱，並唔適合背人和背物件。
如果大家想親親大象係清邁都有一些大象保育區，一般都係喂食和大象洗澡，絕對唔會比象表演或騎。
雖然我們人類是萬物之靈，但唔代表我們是動物的主人，如果我們做唔到食素，但請善待動物，起碼，唔好虐待佢地。
以下短片慎入可能會引起不安，但大家有義務要知道，唔好意思🙏🏻今篇一 D 都唔 Fun，For Fun 有好多方法，唔好騎大象呀🐘。