Iyan ang madalas na sinasabi ng maraming Pilipino, lalo na kapag mayroong magagandang pangyayari na may kaugnayan sa Perlas ng Silanganan katulad ng pagtatagumpay ni Manny Pacquiao sa loob ng boxing ring, o pagpaparangal kay Pia Wurtzbach bilang Miss Universe 2015, at iba pa. Bukod dito, ang mga Pilipino ay kinikilala sa kani-kanilang mga talento at kakayahan sa iba’t-ibang larangan. Marunong ang karamihan hindi lamang sa wikang Filipino, kung hindi sa wikang Ingles din. Huwag din kalilimutan ang mga OFW’s na nawawalay mula sa kanilang mga pamilya para lamang magkaroon ng magandang hanapbuhay, at mag-ambag ng kontribusyong pang-ekonomiya sa bansa. Masasabi ring mapagmalasakit at matatag ang mga Pilipino dahil sa panahon ng pagsubok at mga kalamidad, ang mga mamamayan ay nakanigti’t tumatawa, at patuloy na ipinamamalas ang bayanihan sa sari-saring paraan.
Sa kabila ng mga ito, ang Pilipinas— kagaya ng ibang mga bansa— ay may mga suliraning kinakaharap sa araw-araw. Maging isyu man ito ukol sa Jeepney Modernization Program, pagkukulang ng mga bagon sa MRT, Extrajudicial Killings, korupsyon, paglabag sa karapatang pantao, at iba pa. Madalas ay mas tinatangkilik din ng mga Pilipino ang produkto at kultura ng iba kaysa sa sarili.
Masasabi niyo pa rin ba nang buong puso na kayo’y isang proud Filipino?
Ang pagiging mamamayan ay may kalakip na mga tungkulin na kailangan gampanan. Ang pagmamalaki sa pagkakaroon ng dugong Pilipino ay higit pa sa pagmamahal sa Adobo o Sinigang, pagdiwang sa mga tagumpay at parangal ng mga kilalang personalidad, at iba pa. Ito ay pagkakaroon ng malay sa mga isyu na mayroon ang bansa, at pagkilos laban sa mga tiwaling gawain. Hindi man mayaman at perpekto ang bansa, mayroon pa ring mga mabubuting aspekto na dapat mapagtanto ng bawat isa.
kianamaiart
tangentwithtanner
andulkaphoto
izzy806
dailybridgerton