1. AYOS LANG NA MALUNGKOT.
Pakiramdam mo may mga bagay at pagkakataon kang pinalampas. Nagsisisi ka na sana nagawa mo yun nung pwede pa. Sige, mag-emote ka lang. Malungkot ka. Pero pagkatapos, smile ka na ulit. Mas marami pa ring dahilan para maging masaya ka at yun mas mahalaga.
2. AYOS LANG NA MA MISS MO ANG EX MO (Kung meron ka man) O YUNG TAONG DATI MONG MINAHAL.
Kalimutan ang feelings pero wag 'yung tao (mahirap gawin pero dapat). May ambag sya sa kung ano o sino ka man ngayon. Wag ka nang magalit sa kanya kung sinaktan ka nya or na ghosting ka. Matuto kang magpatawad pero 'wag kang makakalimot. Magpasalamat ka at nakilala mo sya kasi naging matibay ka.
3. AYOS LANG NA MAINGIT SA IBA.
Normal naman maiingit sa iba pero maingit ka in a positive way. Paano yun? Gawin mo silang inspiration or motivation para gawin ang mga bagay na gusto mo.
4. AYOS LANG NA KONTI LANG ANG KAIBIGAN MO.
Habang nagkaka-edad tayo lumiliit ang "circle of friends" natin. Actually, hindi na nga sya makakabuo ng "circle" kasi konti na lang talaga sila. Ayos lang yan. Quality over quantity. We are matured enough. Mas pinipili na natin ang mga taong maiintindihan tayo. Sila ang mga kaibigan sasamahan tayo hindi lang sa tagumpay kundi dadamayan tayo sa ating mga pagkabigo.
5. AYOS LANG NA MAWALAN KA NG GANA SA MGA BAGAY NA DATI AY GUSTONG-GUSTO MONG GAWIN.
Magigising ka na lang isang umaga na di ka na masaya sa ginagawa mo. Wala na si spark, wala na si joy. Ayos lang yan. Subok ka ng iba. 'Wag mong ikahon ang sarili sa mga bagay na nasanay ka. Kailangan mong mga grow sa iba't-ibang aspeto ng buhay. Ikaw ang kapitan ng sarili mong barko.
6. AYOS LANG UMINOM NG KAPE NG ALAS DIYES NG UMAGA.
Ibig kong sabihin, gawin mo ang gusto mong gawin nang hindi iniisip ang sasabihin ng iba. Hangga't wala kang naaapakang tao, valid yan.
Oh sya, uubusin ko na ang iniinom ko ang kape ko at malamig na. 😅
PADAYON!