Nashwa Abdelsalam

اللهم ارحم و اغفر للذي علمني الحياة ، وتركني اواجهها بدونه...

[nashwa937]

دايماً أي دعوة كان بابا بيدعيهالي كان ردي يكون "بوجودك يا حبيبي"

كنت مقتنعة ومازلت مقتنعة ان مفيش حاجة هتسعدني مهما كانت من غير ما يكون موجود معايا َمن ابسط الامور لأعظمها..

وبعد فراقه مفيش حاجة بقى لها طعم وكل حاجة بقت ناقصة وأي فرحة هتيجي هتبقى مكسورة...

يارب محتاجة صبر وثبات من عندك انت وحدك العالم باللي حاسة بيه

يارب اربط ع قلبي واكتب لي لقاء بابا حبيبي في الجنة هو ده اللي ممكن يعوضني عن أي غصة في قلبي دلوقت ياارب

[nashwa937]

‏اجمعنا بـ أبي حبيبي يالله على سُررٍ متقابلين، اطفئ جمرة بُعده بلقاءٍ لا فراق بعده، اجعلنا وإياه في قرارٍ مكين لا بُكاء فيه ولا حنين تحت ظلك وعطفك يا رب العالمين...

[sun-flower6]

لا إله إلا الله وحده لا شريك له ، له الملك وله الحمد وهو على كل شيء قدير

[nashwa937]

💔🤲🏻

[nashwa937]

بابا حبيبي دايماً كان مبسّط الدنيا وما بيحبش المشاكل، كان كلامه دايماً "بسيطة".. "مفيش مشكلة".. "ما تشغليش بالك ".. "ما تزهقيش نفسك مش مستاهلة"..

بس بعد وفاته اكتشفت انه كان عنده يقين كبير اوي بالله، كنا بنمر بظروف كتير وحشة واوقات تبقى مشاكل كتير عنده في الشغل بس عمره ما كان بيفقد الأمل كان دايماً كلامه ان ربنا عنده الحل والفرج...

مهما كان مهموم او زهقان عمره ما اعترض ع حاجة بتحصلنا بالعكس باله كان طويل وعنده أمل في ربنا طول الوقت...

كان عنده من الحكمة قدر كبير يخلينا نطمن به وبوجوده وكان دايماً قادر يشد أي حد فينا يقع في حتة انه مفيش أمل ودي نهاية الدنيا...

بابا مكانه وقيمته كبيرة اوي عندي مش لمجرد انه بابا بس لأنه كإنسان جميل وبسيط وهفضل اتعلم من كل موقف عدى عليا معاه وهيفضل كلامه في طريقي وهفضل ماشية ع خطاه لغاية ما اوصل للمكان اللي كان نفسي يشوفني فيه...

ربنا يجعلني امتداد لعملك الصالح ويتقبل مني كل دعوة بدعيهالك يا حبيبي ويجمعني بك في الفردوس الأعلى من الجنة يارب العالمين...

[eabiratsabil-34-deactivated2022]

أبى العزيز ؛ تحية طيبة و بعد ...

أشتقت ل يوم كنت فيه بجانبى ، أتذكرك دائما ، و ستبقى أحاديثك وإبتساماتك و ضحكاتك مُخلدة في ذهنى ، رحمه الله عليك

[nashwa937]

الناس مفكرة ان كل ما بيعدي الوقت بنتعود ع غيابك يا بابا وبننسى وبنتأقلم

بس ده ما بيحصلش والله انا كل يوم وانا بدعيلك ربنا يرحمك بيبقى قلبي موجوع اوي انه خلاص انت مش موجود ودعواتي ليك اتغيرت💔

كل يوم برجع لنقطة الصفر والله اني مش عارفة استوعب غيابك لغاية دلوقت💔

ربنا يصبرنا ع فراقك يا حبيبي ويصبر كل فاقد يارب العالمين

[danileomalik]

‏﴿وَاغْفِرْ لِأَبِي﴾

[serenity-islam]

[ahmed-beedo-deactivated20210831]

ينحصر عُمر المرء في لحظة يشعر فيها أنه آمِن!💜

[nashwa937]

جدتي حبيبتي

ونسنا اللي كان باقي لنا من ريحة بابا 💔

ربنا يرحمك يا حبيبتي ويجعل صبرك ع مرضك وألمك كل الوقت ده وصبرك على فقد بابا حبيبي في ميزان حسناتك يارب العالمين

ربنا يجمعنا بيكم ع خير في الجنة يارب ويجبر قلوبنا من بعدكم ياارب

[nashwa937]

Sometimes it’s you and your coffee against the world 💙

[nashwa937]

دعوتي الدايمة ان ربنا يراضيني ويزرع الرضا جوة قلبي مهما توالت عليا اي احداث.. مش مهم يكون عندي ايه ولا احقق ايه قد ما مهم اني اكون راضية عمر ما حد هيكون راضي ومش هيكون مبسوط.. الخير كله في الرضا فعلاً 🤍

[benolsblog]

لما تحلم بحد بتحبه متوفى بتصحى مش عارف تبكى ولا تبتسم إنك شوفته لانه كان وحشك اوى ولا تركز فى الكلام اللى قالهولك بس الحقيقة انى بفضل مركزة فى تفصيل الوجه عشان افضل فاكرة إنى شوفتها♥️

[leilaaa-a-deactivated20210602]

كانت ليلة من الليالي التي توّد أن يخبرك أحدهم بلطفٍ شديد أنه يُحبك ، يفتقدك ، يراك جميلًا .. فتنتهي بكل ما فيها في لحظتها ويذهب عقلك في نومٍ عميق .

كانت ليلة تتمنى فيها أن ينتبه أحدهم لألمك ، كأن الكون وقف قليلًا لأجلك .. فتُصبح على خير بكل تلك البساطة .

[nashwa937]

١٧/٢/٢٠٢٠

اليوم الأصعب والأكثر مرارة والباقية غصته في صدري إلى اليوم يا أبي..

يوم رحيلك يا حبيبي 💔 مرّت سنة ولا أدري كيف مرّت ومتى مرّت ولن أجد من الكلمات ما يسطّر شعوري بكل لحظة من هذه السنة..

فقدك باقٍ يا حبيب عمري ووحشتك لا تنتهي ووحشة العمر من بعدك ممتدة إلى أن ألتقيك في جنات الخلد يا أبي..

اللهم اجعل قبر أبي حبيبي روضة من رياض الجنة واجعله آمناً سعيداً مطمئناً واجعله ممّن بشّرتهم بجنة النعيم يارب العالمين

[nashwa937]

دايماً أي دعوة كان بابا بيدعيهالي كان ردي يكون "بوجودك يا حبيبي"

كنت مقتنعة ومازلت مقتنعة ان مفيش حاجة هتسعدني مهما كانت من غير ما يكون موجود معايا َمن ابسط الامور لأعظمها..

وبعد فراقه مفيش حاجة بقى لها طعم وكل حاجة بقت ناقصة وأي فرحة هتيجي هتبقى مكسورة...

يارب محتاجة صبر وثبات من عندك انت وحدك العالم باللي حاسة بيه

يارب اربط ع قلبي واكتب لي لقاء بابا حبيبي في الجنة هو ده اللي ممكن يعوضني عن أي غصة في قلبي دلوقت ياارب