Randa

[randa-alaa]

[randa-alaa]

مش قادرة افتكر دي فكرة مين انا ولا نورا ولا ماما .. بس واحنا صغيرين كنا بنلبس العرايس كدة ونطلعهم يحجوا :'D #creativity :v #childhood

[randa-alaa]

Because god knows exactly what you need .. right here and right now .. he will send it to you in the way you understand .. just open your eyes, and your heart. Thank you god for sending me this movie every time I need it .. #eatpraylove #juliaroberts And i think um gonna try this .. #Iam_In_Silence

[randa-alaa]

في يوم #makerfaire وبعد التعب من التصوير قلت مش عايزة امسك كاميرا لمدة شهر .. جيس وات .. Two days later كنت مع ICEMust# في scientific visit وبصورها ليهم :'D يعيش الباشون ☆ #photography #camera #nikon #passion #osteek #makerfairecairo2016

[randa-alaa]

اشيك تمرين ف الدفعة #كلية_الآثار #قسم_ترميم #جامعة_القاهرة

[randa-alaa]

The dark side of mar3y .. #darkness #cats #blackandwhite #lonliness

[randa-alaa]

I remember being there with you .. alone but together .. as always #the500dayschallenge #76 #time #light #darkness

[randa-alaa]

You don't listen .. neither do I .. #the500dayschallenge #75 #cats #lonely #window #sad #depressed #old #byme #blackandwhite

[randa-alaa]

But .. But its killing .. being unable to express myself of even put words together .. how hard is it to understand or communicate .. how stupid things get and how boring life becomes .. how lonely and desperate i am .. it hurts .. #the500dayschallenge #74 #lonely #desperate #clouds #byme #nature #trees #depressed

[randa-alaa]

View this post on Instagram

#random

[randa-alaa]

#الحلقة_الرابعة قبل ما احكي عن مهازل ابتدائي لازم اواكب الحدث واتكلم عن السنة الجديدة اللي بتمثلي شئ سئ بصراحة حيث انها عيد ميلادي وساعتها بافتكر اني كبرت سنة وبرضو محققتش حاجة ولسة مكاني .. وكمان اني المفروض ابقى عاقلة ومسئولة وخلافه من الاشياء اللي مش مقتنعة بيها.. والسبب التاني اني خلاص هاتخرج من الجامعة وهانطلق ف الحياة بطولي .. والسبب اللي يهم الناس اكتر ما بيهمني وهو ها هتفرحينا امتى بقى .. والسؤال اللي بيتردد ف دماغي كل مرة انتوا سايبين كل اللي وراكم ومستنيني انا عشان افرح ! ما علينا المهم ان في سنة جديدة وهي فرصة افتراضية عشان نعيد حسابتنا ونحط خطة ولو خيالية لل365 يوم اللي جايين ونفكر نفسنا قد ايه ضيعنا وقت قبل كدة ومش عايزين نغلط نفس الغلطة رغي رغي اللي اكتشفته ان مش لازم تستنى " اول السنة / اول الشهر / اول الاسبوع " عشان تلتزم بحاجة انت عاملها لنفسك او هدف معين .. عادي ابدأ من نص الشهر حاسب نفسك كل يوم وحط خطة لكل اسبوع خلي دايما معاك ورق وقلم او نوتس الموبايل وسجل افكارك .. تعرف منين .. ممكن تكون الفكرة دي هي اللي هتغير حياتك .. اخرج برة الكومفرت زون وجرب تنفذها غامر وضحي واغلط واتعلم هتغلط غلطات وحشة وهتقعد تعيط ويتريقوا عليك بس انت ممكن تثبتلهم وتثبت لنفسك انك كنت صح لما تحاول تاني لحد ما تنجح ولو اكتشفت انك فعلا غلط عادي جرب حاجة تانية .. بحب قوي كلمة " انت مش شجرة " احلامك وانت صغير لسة ممكن تحققها .. الفكرة بس حاول تخليها خاضعة للظروف اللي حواليك .. بمعنى ادق " قيفها " على ظروفك زي ما الناس بتقيف بنطلوناتها لولادها كدة بس مش معنى كدة انك متحلمش على كبير .. انت بس بتحلم بشكل اوقع .. اقعد مع نفسك كل يوم وشوف غيرت ايه واقعد كل 3 شهور وحاسب نفسك الفترة اللي فاتت وحط اهداف للفترة الجديدة حسب تغير ظروفك لو عشت مع التيار هتلاقي نفسك ميت .. اخرج برة القوقعة وبرة الروتين الضيق اتجنن وخليك طموح وجرب كل جديد #الجزء_الاول #كتاب_حياتي_ياعين #الى_المستقبل #dreams #new_year #hello20 #my20th #راندوديات #مغامرات_راندودية

[randa-alaa]

#sky #now #photography #byme #blue #red #sun #colorful #giza #egypt #everydayegypt

[randa-alaa]

الجزء التاني ده شكلي وانا بائسة وصاحية بدري ورايحة المدرسة وده شكل المدرسة القديم اه دي البوابة :-D المهم نكمل كان في ميس زهور - كنت بحبها فعلا - وميس رباب وميس امل وكنا ف مرة قاعدين ف الفصل بنتكلم عن النباتات والله عمري ما هانسى ساعتها طبعا بغض النظر عن الفول اللي كنا بنزرعه ف القطن . كان عندنا نباتات بنزرعها قدام البيت وفي البلكونة ، وساعتها كانت الميس بتتكلم عن إننا مينفعش ننام في نفس الاوضة اللي فيها النباتات عشان التنفس وكدة * اه والله كنا بناخد كدة * وإن كمان مينفعاش نحط نفسنا ف نفس حد ولما ننام جنب بعض نحط وشنا عكس الإتجاه * فضلت آخد بالي كل ما انام جنب اختي ولحد دلوقتي بافتكر * وبعدين سألت الميس سؤال تفتكروا ممكن نحط الزرع فين ساعتها انا رفعت إيدي وقلت ع السلم او في البلكونة الميس فرحت قوي وخلت الفصل كله يصقفلي وانا كنت هاطير من الفرحة قصة منسيتهاش .. ومأثرة فيا فعلا .. الدروس المستفادة بقى من #كتاب_حياتي_ياعين ده :-D * الاطفال مش بينسوا حاجة * اهتموا بطفولة ولادكم وعرفوهم إنهم اهم ناس ف الدنيا * اي كلمة تشجيع والله بتفرق والإحساس اللي فرحني ساعتها يمكن هو اللي خلاني ابقى شاطرة بعد كدة واحاول دايما إني احسه تاني *إسمعوا ولادكم شكرا لأهلي على المرحلة الحلوة دي ♡ إبتدائي بقى :-D #الحلقة_التانية #راندوديات #مغامرات_راندودية #childhood #مدرسة_الرضوى #My20th #hello20 #إلى_المستقبل #بؤس :-D

[randa-alaa]

#الحلقة_التانية الجزء الاول مدرسة الرضوى :-D كانت من القليلين ف اكتوبر وهي مبنية ف نفس سنة ميلادي 95 يعني قد بعض وقعدت فيها من تمهيدي لتالتة ثانوي يعني روحتها اكتر ما قعدت ف بيتنا غالبا وبابا وماما كانوا عايزين يودوني حضانة عشان انا قاعدة ف البيت زهقانة لوحدي بقى بعد دوشة المنيل بقيت وحيدة وكان ساعتها في تمهيدي ف المدرسة او ف حضانة الزهور وهما غالبا كانوا مع بعض كلام مالوش لازمة :"D المهم كانت حلوة قوي وفيها سراير ولعب حلوة وعربيات ونقعد نعمل سباق وكدسة والله فاكرة :-D * إهتموا بطفولة ولادكم والله بتفرق * ونيجي بقى لكي جي طبعا عشان الفضول اللي هينتاب البعض :-D الصورة دي ف المربع الاخضر المشهور وكنا ف حفلة طبعا وفرحانين إننا لابسين لبس خارجي غير لبس المدرسة :'D المهم انا الهبلة اللي بتزعق جامد ف النص وقدامي رامي بشنب وآية ونور الهدى - كنت بحبها جدا وإحنا صغيرين جابتلي حلق عليه ميني هدية عيد ميلادي وفعلا نفسي اشوفها تاني - وبنتين مش فاكراهم بصراحة وبعدين عمر طه ومينا - وإحنا صغيرين كنا بنط من مكان مرتفع كدة ورا المسرح ووقع على دقنه وإتعور وبعدها بفترة مصطفى هشام اللي جنبه حصله وبعدين انا لإن طول عمري بالعب وبهزر هزار ولاد xD التعويرة دي كانت مشهورة جدا اللي هي واخدة الدق كلها ومعمولة ببلاستر كنا كلنا عاملين كدة - وبعدين احمدعبدالتواب واسامة واحمد التوأم اللي كنا بنتلخبط بينهم . المهم كان اليوم ف كي جي كله لعب وحفلات والفسحة اللي كانت مصحوبة بأغنية فسحة فسحة عمو خليل الاوزعة وكيس الساندويتشات او انا مامي كانت جايبالي لانش بوكس فرحانة بيا وكدة وبنتها الاولى وبتاع بس بعد فترة نسينا بقى وطلبات كي جي والاكل والمقصات والمراجيح اللي بنروحها طابور وماسكين ف شنط بعض عشان منتوهش في الصحرا الكبيرة اللي كان يطلق عليها حوش المدرسة اللي كله رملة والطلبة اللي اكبر مننا بيجروا فيه وبيشكلوا خطر حقيقي علينا بعد رحلة عبور الحوش بنلعب هناك وكان في مرجيحة مميزة جدا ألا وهي tom اللي كان لونه ازرق وبيضايقني عشان المفروض هو رمادي وكانت كبيرة وبتاخد اتنين بنفق عليها طابور ونمرجح بعض . #إلى_المستقبل #راندوديات #مغامرات_راندودية #Dream #My20th #hello20 #مدرسة_الرضوى

[randa-alaa]

فكرت إزاي ابدأ بداية مبتذلة زي " من بوم ما اتولدت والدنيا كانت ضلمة وبلا بلا بلا " من غير ما حد يحس بالابتذال بس لقيت إنه شر لابد منه انا اتولدت ف يوم لطيف جدا 1/1/1995 يعني مفيش احسن من كدة :-D وكنت اول فرحة بابا وماما بعد قصة حب فظيعة يشهد عليها العالم كله :-D وكنت اول حفيدة من الناحيتين لولا اروى بس سبقتني من ناحية ماما المهم مكانتش الدنيا سودا خالص .. ف حسب ما افتكر وحسب ما اتحكالي وشوفت ف الفيديوهات * صووا ولادكم يا جماعة طول الوقت وهزروا معاهم وصوروا كل لحظاتهم فيديو فعلا بتفرق * كانت الحياة مشرقة وسعيدة ومحدش اتدلع قدي لحد ما عمر شرف :-D وبرضو فضلت انا آخد الدلع عشان كنت اول بنت - من الاوقات القليلة اللي كانت ليا مزايا لكوني بنت - المهم فضلت فترة ف بيت جدتي لحد ما بابا استلم الشقة اللي جايبها حرفيا بتعبه وعرقه ومحدش ساعده وبحس إنه بيحبها قوي وقيمتها عالية عنده لحد دلوقتي بافتخر بالشقة دي فعلا وفرحانة إني موجودة فيها ونفسي تفضل للابد ودعونا لا ننسى الكتاكيت اللي كنت باجيبها واركبها ورايا ف العجلة وألف بيها ف شقة جدتي طول اليوم لحد دلوقتي ده المكان الوحيد اللي باحس فيها بأمان ومش بخاف اقعد ف الضلمة لوحدي بليل هناك المهم طبعا عماتي وعمي وجدودي غرقوني دلع فعلا فعلا حرفيا لحد دلوقتي كل الاحفاد بيحقدوا عليا :-D كفاية طفولة لحد دلوقتي كبرت وجدة بابا اللي كنت بحبها قوي ماتت .. كانت اوب حد يموت ف حياتي وقالولي إنها مسافرة كانت بتلاعبني طول الوقت وتألف ليا أغاني انا مش فاكرة حاجة بس كانوا بيحكولي كانت بتقولي اغنية فيها يا سمكة وغالبا ده سر اللعنة وسر ذاكرة السمكة اللي عندي لدرجة إني مش فاكرة الاغنية حتى .. ما علينا مرت السنين واتولدت اختي وطلعت عينها وما علينا من تفاصيل الغيرة دي * راعوا غيرة ولادكم من بعضهم * ومرت السنوات ودخلت الحضانة :-D هاكمل ف حلقة جديدة عشان دي فاكرة تفاصيلها بزيادة :-D #إلى_المستقبل #كتاب_حياتي_ياعين #العقد_الجديد #الحلقة_الاولى #مغامرات_راندودية #راندوديات #hello20 #My20th #Dream #childhood

[randa-alaa]

ماعرفش ليه كنت بافكر ف الموضوع ده لكن باقول لنفسي لو فعلا مشيت من البلد دي ولو خلفت بس فعلا ف مكان تاني غالبا هاختار مكان التعليم فيه نضيف والناس ع الاقل ف حالها واحاول انفد بجلدي هناك وعلى ما اعتقد حتى لو الحياة كانت اصعب ليا فهي هتكون اسهل لولادي إن شاء الله لو اتجوزت اصلا يعني المهم كنت بافكر يا ترى لما احكيلهم قصة حياتي هاقنعهم إزاي اننا عملنا المستحيل عشان نكون هنا وهما حياتهم هتكون روتينية خالية من المغامرات اليومية اللي بنعيشها دلوقتي يا هل هيقتنعوا طيب لما آجي احكي قصة حياتي اصلا وانا خلاص يعتبر عندي 20 سنة انجزت إيه برغم إن ال surviving هنا اصلا لحد سن العشرين في حد ذاته إنجاز لكن محتاجة اعرف فعلا ماذا انجزت قلت اجرب احكي حياتي ف حلقات طبعا ده شئ يعتبر مش مهم لحد لكن مهم جدا ليا احاسب بيه نفسي واعرف انا فين منين ويمكن كلامي يفرق مع حد ويبدأ يحاسب نفسه كمان ويحاول يسعى اكتر لحلمه مثلا واهدافه ماعرفش هاحكي وخلاص وهحاول يكون دايما " مرفق " بصورة عشان يفضلوا موجودين يلا نبدأ #hello20 #my20th #dreams #كتاب_حياتي_ياعين #العقد_الجديد #إلى_المستقبل #مغامرات_راندودية #راندوديات

[randa-alaa]

ابني / سعيد تمنياتي بدوام التفوق م.أ أحمد ابنك اتزنق ف الخمسة جنيه يابو سعيد يا خسارة التربية xD