[shu-rooq]

*I want to be a heart*

[shu-rooq]

النفسية زيرو والسبب غير معلوم .. غير معلوم بجد وحقيقي

[shu-rooq]

- حلمت امبارح بدكتور رفعت وعندي رغبة ملحة أشارك الحلم مع حد يعرفه.

- تلات ضمات وسكون

- يا رب لك الحمد كما ينبغي لجلال وجهك وعظيم سلطانك

- أنا بدور في تفاصيل صغيرة جايز الاقي فيها حاجة كبيرة نقصاني

- اللهم اجعلني مقيم الصلاة ومن ذريتي ربنا وتقبل دعائي

- ويلكم بيبي جوجو تو أور فايفوريت بلايس

[shu-rooq]

Today is one of the days that I need extra alot of things.

[shu-rooq]

يوم كابس على مراوح نفسيتي من كتر ما أنا مضغوطة فيه. المضحك في الموضوع إني طول اليوم بقول لنفسي مفيش داعي تضغطي نفسك كدة كدة مفيش حاجة موترانا، خليكي هادية واتبسطي ولحد دلوقتي مش عارفة اتخلص من شدة اعصابي.

[shu-rooq]

Is This Love - Bob Marley

A remix of the original recording session.

[shu-rooq]

مشوار للقاهرة القديمة ووسط البلد اعاد لي عمر من الحنين ورقق قلبي. شربت قهوة في عابدين وتبضعت منتجاتي المفضلة من الدرب الأحمر (مخلل من عند القبوة وطحينة وحلاوة طحينية من مصنع الحلاوة واسياخ وشبكة لزوم شوي العيد). واتمشيت في السيدة والحلمية وباب الخلق وفطرت فطار جميل. وتفقدت ذكرياتي واطمنت عليها، ووريت جميلة الخطاوي اللي خطيتها وشاهدة عليا وعلى رحلتي، مش كل الخطاوي بس كل مرة هوريها حاجة واحكيلها حكاية. كان بودي احبس بعصير قصب بس اكتشفت ده متأخر واحنا على الطريق.

صباح سبت جميل حنيّن ويديم علينا الود والمحبة والدفا ورضا الحال يا رب.

[shu-rooq]

شربت قصب ❤️

[shu-rooq]

مشوار للقاهرة القديمة ووسط البلد اعاد لي عمر من الحنين ورقق قلبي. شربت قهوة في عابدين وتبضعت منتجاتي المفضلة من الدرب الأحمر (مخلل من عند القبوة وطحينة وحلاوة طحينية من مصنع الحلاوة واسياخ وشبكة لزوم شوي العيد). واتمشيت في السيدة والحلمية وباب الخلق وفطرت فطار جميل. وتفقدت ذكرياتي واطمنت عليها، ووريت جميلة الخطاوي اللي خطيتها وشاهدة عليا وعلى رحلتي، مش كل الخطاوي بس كل مرة هوريها حاجة واحكيلها حكاية. كان بودي احبس بعصير قصب بس اكتشفت ده متأخر واحنا على الطريق.

صباح سبت جميل حنيّن ويديم علينا الود والمحبة والدفا ورضا الحال يا رب.

[shu-rooq]

تقييم الناس على الطريق ليا ولسواقتي ١ ونص من ١٠، وانا تقييمي لنفسي ٤ من ١٠ مثلا. ببقى عايزة انزل اقولهم كلهم أنا مش وحشة قوي كدة يعني زي ما انتوا فاكرين، أنا وحشة اه بس مش وحشة قوي. نراعي بعض شوية، نراعي بعض ونستحمل بعض.

[shu-rooq]

انتي تطلقئتي ؟

أعوذ بالله من الشيطان الرجيم، ربنا يكفينا الشر. ليه بتقول كدة؟

[shu-rooq]

" اثبت لي إنك صحيح حبيبي "

سيد مكاوي - لا يا حبيبي بلاش معاندة / مقطع

[shu-rooq]

النهاردة فتحت تراك اسمه ساعة ونص أغاني شيرين عبد الوهاب. كنت حاسة شيرين اقرب حد ليا النهاردة. كانت محتوياني أنا واشجاني وهشاشتي النفسية.

[shu-rooq]

دي الدنيا أجمل وانت ماليها، يدوم حِسك واعيش العمر على حِسك ❤️

[shu-rooq]

صباح الخير. أنا في المود بتاع إني بتلكك عشان اتبسط بأي حاجة. يعني مثلا أنا مبسوطة قوي إن بكرة الخميس. مع إن النهاردة يوم عادي فيه كل ضغوطات الحياة زي ما هي مفيش فرق، بس ثانك جاد بكرة الخميس وهيبقى ويك إند. ف اتعشم تحصل حاجات حلوة كتير عشان أنا عملت اللي عليا ومستعدة لاستقبالها اهو.

[shu-rooq]

قاعدة دموعي في عنيا وحابساها تنزل عشان مفيش مجال للحزن دلوقتي.

[shu-rooq]

تعبانة قوي والله. عضم دماغي مصدع وجسمي مدروخ 🫩

[shu-rooq]

اوكيه، ابريل بدأ، ولكنه مش شبه ابريل اللي اعرفه. عندي رغبة اعمل زي ما متعودة واخليه شهر احتفالات وانبساط بس مش لاحقة. حتى مش لاحقة ذهنيا احتفي بيه.

محتاجة علاقات اجتماعية جديدة في حياتي. بس محتاجاها علاقات سلسة وسهلة ومش محتاجة مجهود عشان معنديش مجهود اعمله. مش قادرة اتكلم ومش قادرة اتواصل واشتغل على علاقة، بس محتاجة جدا علاقة حتى لو واحدة جديدة في حياتي. أنا فقدت كل علاقاتي، وحتى فقدت السياقات اللي ممكن اشوف فيها ناس، ناس عادية في الشارع. حاسة إني بقالي حبة معزولة.