Untitled

[spookygardenbeard-blog]

‏‎#الخرشوف من الحاجات اللي الأولاد مش بيحبوها وساعات الكبار كمان 🙄 الخرشوف مليان حديد 💪 وبيتعمل بطرق كتير.. سلطة او صوص او باللحمة تعالو نشوف وصفة "الخرشوف باللحمة المفرومة" بالصلصة بطريقة خفيفة وسريعة. الطريقة دي بتغير طعم الخرشوف شوية لأن بيكون فيه لحمة وصلصة طماطم زي بقية الخضار. هانحتاج: كيلو خرشوف متنضف.. نص كيلو لحمة مفرومة.. 2بصلة كبيرة.. ملح وفلفل.. لمون.. جنزبيل.. بابريكا.. كيلو طماطم مبشورة.. معلقتين صلصة.. فص توم كبير.. بقدونس.. كزبرة خضرا.. رشة بودرة وبصل.. (وممكن ريحان او نعناع) وفيه ناس بتحط صنوبر مع اللحمة. اول حاجة نشوح البصل المفروم في معلقتين زيت لحد مايصفر وبعدين نحط معها اللحمة المفرومة تتعصج مع الملح والفلفل والجنزبيل وجوزة الطيب.. ونسيبها على نار هادية لحد ماتستوي. نسلق الخرشوف نص سلقه وبعدها نصفيه ونعصر عليه لمون عشان نحافظ على لونه فاتح. نحشي الخرشوف باللحمة المفرومة ونرصّه في الصينية مدهونة زيت او زبدة.. ونعمل صوص الطماطم.. نشوح فص توم مبشور في معلقة زيت وعليه الطماطم المبشورة ونسيبها تغلي وتتسبك وبعدين نحط الصلصة ونحطهم عالنار هادية معاهم رشة ملح وفلفل وبابريكا وبودرة توم وبصل لحد ماتتقل شوية وبعد مانقفل النار نحط البقدونس والكزبرة الخضرا.. وبعدين نصب الصوص نغطي بيه الخرشوف المحشي وندخلها فرن متوسط لحد مايحمر. ممكن ناكل الخرشوف مع الرز بالشعيرية وسلطة خضرا وسلطة بتنجان مثلا 🤗 طعم الصلصة بيغطي شوية على طعم الخرشوف.. الأولاد بياكلوه بسهولة مع الرز وبيفتكروه بطاطس تقريبا 🤗 المهم انهم باكلوه ويستفيدو منّه لأنه مليان فيتامينات. قولولنا بتعملو الخرشوف إزاي لو حد عندكم في البيت مش بيحبه؟! مسائكم سعيد 🎀 #وصفات_مي_رؤوف_مضمونة #طلعي_الشيف_اللي_جواكي @tek_tak_kitchen_with_mai_raouf ‎‏ https://www.instagram.com/p/Bquw60MFV-s/?utm_source=ig_tumblr_share&igshid=123r3yaisip7l

[spookygardenbeard-blog]

‏‎سر وجبات مطعم حضر موت (فراخ مشوية + سر الارز الاصفر + سر الطحينة) من تيك تاك - الحلقة 297 ⬇⬇⬇ https://www.youtube.com/watch?v=rLAN4nbcUYo هستنى رأيكم وطلباتكم للحلقات القادمة (شير علشان الكل يستفيد)‎‏

[spookygardenbeard-blog]

‏‎طريقة الدومية او الجزرية بكل تفاصيلها ناجحة 100% من اول مرة (الحلقة 244 مطبخ تيك تاك) ↘↘↘ https://www.youtube.com/watch?v=dkYwJQ0ClBw لمشاهدة جميع حلقات مطبخ تيك تاك اضغطى على الرابط التالى ↘↘↘ https://www.youtube.com/channel/UCDqbPrnQRRQrYvRc8wuj2Jw/videos?disable_polymer=1‎‏

[spookygardenbeard-blog]

‏‎اللديدة بكل اسرارها (حلوى مولد النبى) الحلقة 245 مطبخ تيك تاك ↘️↘️↘️ https://www.youtube.com/watch?v=qvyF9r_xaQs هستنى رايكم وتعليقاتكم 💗 شير علشان الكل يستفيد Share 👍‎‏

[spookygardenbeard-blog]

‏‎#صباح_الخير #مطبخ_تيك_تاك‎‏

[spookygardenbeard-blog]

‏‎طريقة #كرواسون_مورق بدون زبدة نهائى بطريقة جديدة جدا (الحلقة 242 مطبخ تيك تاك) ↘️ https://www.youtube.com/watch?v=NT2l8ys27dM هستنى رأيكم وتعليقاتكم (y) شير علشان الكل يستفيد (y) ‎‏

[spookygardenbeard-blog]

‏‎غداء اقتصادى سهل سريع بسيط (سريع التحضير) الحلقة 241 مطبخ تيك تاك ↘️ https://www.youtube.com/watch?v=nJWvLQTVtJw هستنى رأيكم وتعليقاتكم 💗 شير علشان الكل يستفيد‎‏ (في ‏‎Egypt‎‏)

[spookygardenbeard-blog]

‏‎كيكة #الشوكولاتة الهشة (كيك غنى بالشوكولاتة الفاخرة) الحلقة 240 مطبخ تيك تاك ↘️ https://www.youtube.com/watch?v=CcBLY9h_IEc هستنى رأيكم وتعليقاتكم (y) شير علشان الكل يستفيد (y) Share‎‏ (في ‏‎Cairo, Egypt‎‏)

[spookygardenbeard-blog]

صباح الخير... من الأكلات اللي طلبتوها للعزومات.. "الخرشوف باللحمة المفرومة" الخرشوف مليان حديد وبيتعمل بطرق كتير.. سلطة او صوص او باللحمة.. تعالو نشوف وصفة "الخرشوف بالصوص الأبيض" بطريقة خفيفة وسريعة. هانحتاج.. كيلو خرشوف متنضف.. نص كيلو لحمة مفرومة.. 2بصلة كبيرة.. ملح وفلفل.. لمون.. جنزبيل.. بابريكا.. جبنة موتزاريلا.. لتر لبن حليب.. 4معالق دقيق.. رشة بودرة توم وبصل.. ريحان او نعناع. اول حاجة نشوح البصل المفروم في معلقتين زيت لحد مايصفر وبعدين نحط معها اللحمة المفرومة تتعصج مع الملح والفلفل والجنزبيل وجوزة الطيب.. ونسيبها على نار هادية لحد ماتستوي. نسلق الخرشوف نص سلقه وبعدها نصفيه ونعصر عليه لمون عشان نحافظ على لونه فاتح.. نحشي الخرشوف باللحمة المفرومة وعليه الجبنة الموزاريلا ونرصّه في الصينية مدهونة زيت او زبدة.. ونعمل الصوص هاندوّب خمس معالق دقيق في لتر لبن حليب ونحطهم عالنار هادية معاهم رشة ملح وفلفل وبودرة توم وبصل ورشة ريحان او نعناع.. اللي تحبوه.. ونقلب لحد مايتقل وبعدين نصب الصوص نغطي بيه الخرشوف المحشي وندخلها فرن متوسط لحد مايحمر. ممكن ناكل الخرشوف مع الرز الأبيض وسلطة الجرجير مع الخس وسلطة بتنجان ومعاهم شوربة طماطم مثلا! كل سنة وانتو طيبين.. ونهاركم سعيد :)

[spookygardenbeard-blog]

بسكويت النشادر بالطريقة الاصلية (بسكوت النشادر) الحلقة 214 👈 مطبخ تيك تاك ↘↘↘ https://www.youtube.com/watch?v=7rqgeJpPoj0 (y) شير علشان الكل يستفيد (y)

[spookygardenbeard-blog]

في رمضان ناس كتير بتحب تعمل ديكورات بسيطة في البيت للعزومات.. شكلها حلو وتعمل جو مفرح. ابسط حاجة اننا نجيب pom pom او كور الصوف الملونة ونعلقها في حبل طويل ونعلقها على الحيطة او على مراية السفرة.. وكمان على باب الشقة. فكرة سهلة وبسيطة..مش كده؟! :)

[spookygardenbeard-blog]

من الحاجات اللي طلبتوها في رمضان.. طريقة الكبيبة. الكبيبة ممكن نعملها صينية او نعملها كور.. في الحاليتن هانحضر نفس المقادير.. هانحتاج.. 4/3 كيلو لحمة مفرومة ناعم.. نصف كيلو برغل مغسول ومنقوع.. بصلة كبيرة.. فصين توم مفروم حسب الرّغبة.. ملح وفلفل.. رشة قرفة.. جنزبيل. مقادير الحشوة العصاج: 2/1 كيلو لحمة مفرومة.. 2بصلة كبيرة مفرومة.. زعتر.. ملح وفلفل.. بهار.. وممكن رشة جوزة الطيب وصنوبر لو عايزين. اول حاجة نعمل العصاج..هانشوح البصل المفروم في معلقة زيت لحد مايصفر وبعدها نحط اللحمة مع البهارات ونقلبها لحد مالونها يتغير ونسيبها تستوي على نار هادية مع التقليب كل شوية. وبعدين نخلط مقادير البرغل مع اللحمة المفرومة ناعم والبهارات لحد ماتبقى عجينة.. نشكلها زي الكورة ونحشيها لحمة العصاج ونقفلها ونسيبها في التلاجة تتماسك شوية وبعدها نحمرها في زيت غزير لحد ماتحمر. او نقسم عجينة خلطة البرغل نصين نحط نص في صينية مدهونة زيت ونفرده وعليه طبقة من حشو اللحمة العصاج وبعيد نغطيها بالنص التاني من عجينة خلطة البرغل ونقطعها بالسكينة اي شكل لتسهيل التقطيع بعد كدة ونرشها زيت زتون وندخلها الفرن لحد ماتستوي. الكبيبة ممكن ناكلها مع سلطة الزبادي وسلطة باب غنوج او سلطة الراهب وسلطة فاصوليا خضرا ورز بالخلطة ومعاهم شوربة بصل مثلاً. انتو بتعملوها صينية ولا كور؟! كل سنة وانتو طيبين.. ومسائكم سعيد :)

[spookygardenbeard-blog]

زى متعودنا بقدم ليكم احلي الطرق والوصفات ;) الطريقة الاصلية ✔ للكبيبة ↘️ https://www.youtube.com/watch?v=rYHxyue-cfY الطريقة الاصلية ✔ للقطايف وعجينة القطايف ↘️ https://www.youtube.com/watch?v=nA-qGdsikh8&t=2s

[spookygardenbeard-blog]

لازم كل أسبوع نحاول نفضّي رفوف ودرج اللاجة ونتاكد من صلاحية الأكل. بذات الحاجات اللي عمرها قصير او تاريخ الصلاحية قليل زي الزبادي او الفاكهة. عشان كده كل اسبوع لازم نحط الزبادي او الفاكهة في وش الرف او الدرج عشان ناكلها او نستعملها الأول. ودي فكرة سهلة ممكن نعملها في رف التلاجة.. نجيب علبة بلاستيك نحطها عالرف وفيها الحاجات زي الزبادي اللي اشتريناها من اربع أيام والفاكهة اللي لازم ناكلها طازة.. عشان الأولاد لما يحبو ياكلو snack يبقو عارفين هو ده مكان الحاجة اللي ياكلوها بدل ما يدورو في كل رفوف التلاجة او يكسرو حاجة مثلا! فكرة حلوة.. مش كده؟ :)

[spookygardenbeard-blog]

تعالو نتسلي ونحاول نحل فزورة النهاردة. "ايه هو الشيئ اللي ممكن يشيل اكتر من 1000 طن.. لكن مايقدرش يشيل مسمار؟!" سهلة ولّا صعبة؟! عرفتوها ولّا لسّه؟! :)

[spookygardenbeard-blog]

صباح الخير... وطبعا زي كل رمضان لازم تطلبو طريقة "المكرونة بالباشميل" ناس كتير بتحبها باللحمة المفرومة. لكن تعالو نجربها النهاردة بالفراخ اخف كتير خصوصا ان الدنيا حر ومحتاجين اكل خفيف!.. هانعملها بطريقة خفيفة بدون دهون كتير..الطريقة أهيه بخطوات سريعة وسهلة جداً!.. اول حاجة نسلق الفراخ.. وراك مخلية او شيش عشان تبقى طرية وتستوي بسرعة. نغسل الفراخ بالملح والخل واللمون. نشوحها بسرعة في معلقة زيت ومعاها بصلة كبيرة وملح وفلفل ورشة قرفة وبابريكا وبودرة توم وبصل ومستكة وممكن رشة جوزة الطيب ونسيبها تستوي عالنار لحد ماتستوي خالص.او ممكن تسلقوها بالطريقة اللي تحبوها. بعدين نسلق نص كيلو مكرونة اي نوع تحبوه.. ممكن نستعمل penne او سباجتي.. الأولاد بيحبو السباجتي. نسلقها تقريباً نص سلقه. ونعمل الباشميل.. بطريقة سهلة وسريعة.. هانحط اربع كبايات لبن حليب وندوب فيهم خمس معالق دقيق وملح وفلفل ورشة بودرة بصل ورشة بودرة توم.. ونقلب عالنار لحد مايتقل ويبقى باشميل. (ممكن نعمل الباشميل بكبايتين حليب مع كبايتين شوربة سلق الفراخ) ودلوقت نفرد معلقة باشميل في قالب الفرن او الصينية ونحط المكرونة متقلّبه مع الفراخ وممكن عليها جبنة موزاريلا مبشورة ونقلبهم ونحط عليهم الباشميل وعالوش رشة جبنة تاني وبقسماط عشان الوش يحمر. ندخلها الفرن لمدة نص ساعة او لحد ماتحمر. وناكلها معاها سلطة خضرا وسلطة فاصوليا خضرا وسلطة بنجر او سيزر سالاد.. ومعاهم شوربة خضار مبشور مثلاّ. بتحبوها باللحمة ولّا الفراخ أكتر؟! كل سنة وانتو طيبين.. ونهاركم سعيد :)

[spookygardenbeard-blog]

تعالو نتسلّي بفزورة النهاردة.. امبارح كانت سهلة.. النهاردة بأه صعبة. "إيه هو الشيء اللي لما نغليه يجمد" صعبة مش كده؟.. عرفتوها ولّا لسّه؟! :)