#10.5.2025

[prosy-days]

May 10, 2025 - Day 325

I did exactly one row on the project I brought with me on our layover flying home.

[puregrief]

ضى القناديل

‏عبد الحليم حافظ · أغنية · 1966

يا شارع الحنين ضيّعنا الهوى، فاتتنا السنين أنا وأنت سوا

للنسمة الغريبة لأيامنا القريبة، حنّينا واشتقنا للخطوة الحبيبة

تحت القناديل نشكي والضيّ العليل يبكي

حكينا حكينا والدمع في عينينا، رايح رايح ولا تسأل علينا

ضيّ القناديل والشارع الطويل فكّرني يا حبيبي بالموعد الجميل

بليالي سهرناها وسهروا القناديل، سهروا يا حبيبي

[puregrief]

صديقي بعتلي أطلع أشوف القمر وشاركني صور له كمان، طلعت أشوفه في محاولة إني أسكّت دماغي وأهدأ وبس أشوفه وأتأمله. ايه اللي حصل؟ فضلت بعيط كتير عشان استوعبت إن ده نفس القمر اللي كنت بصوّره وبشاركه مع سارّة، ونفس القمر اللي كنت بعاكس وبناغش بيه، ونفس القمر اللي "صديقتي" القديمة كانت بردو رابطاني به زي صديقي وبتقولي أشوفه، نفس القمر اللي كنت بغنّيله وأنا مبسوطة يا قمر أنا ويّاك، ونفسه اللي كنت ببحلق فيه وفي جماله قبل ما يدخل غيبوبة بيومين وبعدها يموت، ونفس القمر اللي في نفس السما اللي تحتها الناس بتموت أو بتجوع أو بتتقصف، ولما سمعت صرخة عيال من بعيد تخيّلت الصوت مضاعف ألف مرة وسط ضلمة وصواريخ، وايه؟ ضيّ القمر. نفس القمر. طول السنين دي وبكل أحداث حياتي وبكل الحيوات وبكل الناس اللي بتبص على نفس القمر. كان نفسي أقدر أشوف القمر وأتبسط بجماله وبس. مجرد مشاهدة مجرّدة من أي مشاعر غير استشعار الجمال وتأمله. نفسي مبقاش أنا ولو للحظة.

[puregrief]

بعدك على بالي

‏فيروز · أغنية · 1961

طلّ وسألني إذا نيسان دقّ الباب، خبَّيت وِجِّي وطار البيت فيِّي وغاب.

حبَّيت افتحله، وعالحبّ اشرحله، طلَّيت ما لقيت غير الورد عند الباب...

ولا عرفنا خبر عنَّك يا قمر، ولا حدا لوَّح لنا بإيده.

بتطلّ الليالي، وبتروح الليالي، وبعدك على بالي على بالي.

[puregrief]

منطقي إن مفهومي عن الأمان وإحساسي بيه هشّ ومش مستقر بالشكل ده؛ عشان كل مرة -على قلّتها- حسيت فيها بالأمان أو حتى بالحب كان محاوطه قلق أو قبله وبعده هجر وغدر. كل مرة. مبقدرش أسيب نفسي ولا أأمن تاني لأني ببقى حاسة بالتوابع ومتوقعاها وخايفة طول الوقت. مهما حاولت أتطمن، سواء مع نفسي أو مع غيري، في جسمي أو مع أي حد تاني، مبقدرش.

"يا أفراحي القليلة تطفيكِ ريح الدمع، وإن نوّرتيلي ليلة تدوبي قبل الشمع."