Jan 4
سارّة واحشاني أوي... في كل خطوة بخطّيها وفي كل فكرة بتيجي على بالي وفي كل فرح وكل جرح وكل حدث العالم بيرميه علينا بتبقى على بالي. على بالي وواحشاني وهي أم وصديقة وأخت وسياسية وناشطة ومولعة بالفن والمزيكا والأكل والحب، والحياة. على بالي في كل حاجة يا حبيبتي ومش قادرة أتعامل مع خسارتك ولا أبلع العالم من غيرك. خسارة كبيرة أوي أوي والله مظنش أي حد يقدر يستوعبها. متخيلاكِ معايا وماسكة إيدي وبنضحك سوا وبنحكي كل اللي حصل وبيحصل، ياريتك حاسة بيا وسامعاني. خسارتك يا سارّة، ضيعانك يا عمري.
