#6.5.2024

[louisupdates]

Louis Tomlinson retweeted birthday wishes for Cole Palmer [6.5.2024]

[puregrief]

كل ما حد يسألني لو الترومات دي موقّفة حياتي أو لو محتاجة مساعدة/تدخُّل بشكل ما مبعرفش أجاوب عشان ءءءءء، أنا حياتي طول عمرها البيزلاين بتاعها هنا (في الحضيض)

وبعد كل الترومات دي بقى هنا (تحت الحضيض بييجي 1000 كيلو ولا حاجة) بس طول عمرها سيئة. فأنا مش عارفة والله هل حياتي واقفة بسبب إن ده العادي بتاعي + شوية بهارات؟ ولا حياتي واقفة بشكل جديد عشان فيه ترومات طابقة على صدري؟ ولا حياتي مش واقفة أصلًا ما أنا بخرج وبضحك في الصور وبشتغل أهو؟ يعني ايه اللي يخليني أقول "أوه بوي، تصدق أنا فعلًا محتاجة مساعدة دلوقتي"؟ ايه اللاين؟ ايه النور الأحمر وصفارة الانذار؟ تمنّي الموت؟✅ التفكير في الموت وطرقه 24/7؟✅ محاولة الموت؟✅ فأنا بعطل فعلًا ومبعرفش أجاوب، كل اللي عارفاه إني شخص مختلف تمامًا من جوايا عن قبل كده. حدّة كل حاجة اتضربت في ألف، في نفس الوقت اللي قل تعاطفي فيه مع أي حاجة دون الصدمات دي وبقت دماغي بتكنسلها، كل حاجة مدفونة تحت فشخ في نفس الوقت اللي بعيط فيه طول الوقت وبتخبّط عشان مش شايفة، ليتراليًا وميتافوريًا. مفيش بوصلة غير الألم.

لما حد بيسألني مبقدرش أقول كل ده ولا حد هيفهم كل ده، فاللي بيقوله عني حاجات ملحوظة اتغيّرت فيّا أكتر بعد اللي حصل وتتشاف من بره عادي وهي:

1- بطلت أتكلم زي الأول، سواء شات أو موبايل أو في يومي عامةً. سايلنت معظم الوقت وكلامي مُشوَّش ومش مترابط وبنسى بشكل أكبر من الأول، ودي أي حد يعرفها عادي.

2- أكلي قل بطريقة ملحوظة فشخ عن قبل كده، ووزني بينقص بشكل ملحوظ بردو. وده بردو بيتلاحظ أوي مع صحابي أو أهلي عشان حتى لو كنت زمان باكل أكلة واحدة دلوقتي بتعدّي أيام من غير أكل، ولو كلت الأكلة الواحدة باكل كام لقمة وأقوم، وبعد ما باكلها ببقى عايزة أرجّع. ولو في أوضتي بعيط وأنا باكل، لو قدام حد بمنع الدموع بالعافية.

غير الاتنين دول فأنا من بره زي ما أنا عادي ومحدش يقدر يـclick التغيير لو ميعرفنيش من قبل كده، وشكرًا للماسكينج عامةً.

مش عارفة والله ايه اللي يخليني أطلب المساعدة؟ بحاول أعرف فيه ايه أسوأ من هنا؟ هروح لدكتور هيقولي اقعدي مع مشاعرك ولازم تمُرّي بالجريف وذا أونلي واي آوت إز ثرو، طب ما أنا عارفة يا دكتور؟ يمكن تكون البريكينج بوينت هي إني أكون مؤذية لغيري؟ حاساها بعيدة أوي عني وعن شخصيتي طول عمري ومستحيل تحصل، بس يمكن وقتها أقول فعلًا محتاجة مساعدة. لأن أذايا لنفسي مش حاجة جديدة عليا ومش حاجة خارج المألوف بالنسبة لي ولا تستدعي قرع أجراس الخطر، عادي وي آر كول.

بكتب وبعيط وبضحك ويعني لو فيه كاميرات بتصورني أظن المشاهد هيبقى مستغرب فشخ، مستغرب يا رب؟ لأ صح؟ حبيبي يا ربنا. ولا أنا مستغربة. هما بس اللي مستغربين.

[crushedlittlestarx]

[prosy-days]

May 6, 2024 - Day 321

I'm so excited about this project bag!