#af internetinu

[hugsmidjan]

Hraði og heimsóknir

Halla Kolbeinsdóttir @hallakol

Viðbragðstími vefja hefur áhrif á hegðun notenda. Netnotendur eru heldur óþolinmóður hópur og hægt að staðhæfa að seinagangur vefsvæðis eykur líkur á að fólk yfirgefi síðuna.

En, skoðum betur þessa staðhæfingu. Hversu margir notendur fara ef vefsíðan tekur t.d. 2 sekúndur að hlaðast? Hvað með í snjallsímanum? Ætli mynstrið breytist eftir því hverskonar tæki fólk notar? Hvernig hefur hraði vefsíðu áhrif á sölutölur vefverslanna?

Ég rakst á þessa skemmtilegu "infografik" hjá KISSmetrics þar sem þeir setja upp á myndrænan hátt ýmsar tölfræðilegar upplýsingar varðandi síðuhraða og hegðun notenda. Yfirskriftin er "hvernig síðuhraði hefur áhrif á pyngjuna" sem er góður titill því það er akkúrat kjarni málsins. 

Kíktu á hvað KISSmetrics hafa að um málið að segja og líttu svo aftur við á blogginu okkar, næsta færsla frá mér mun fjalla um aðferðir til að bæta viðbragðstíma vefsins þíns.

Ég heiti Halla Kolbeinsdóttir og er viðskiptastjóri hjá Hugsmiðjunni. Þú finnur mig víðsvegar á netinu sem hallakol​

[hugsmidjan]

Klór!

Hugsmiðjan

Sigurjón hjá Funksjón líkir vefjum við sundlaugar.  Margir góðir punktar hjá honum settir fram á skemmtilegan hátt. 

Er vefurinn þinn forarpyttur?

[hugsmidjan]

"Íkon fontar"

Halla Kolbeinsdóttir @hallakol

Vefarar Hugsmiðjunnar hafa verið að nota "íkon fonta" eða "symbol fonts" undanfarið til mikilla úrbóta.

Þeim hefur reynst tæknin mjög þægileg þar sem íkonin eru vektorar og þessvegna skalanleg, en einnig hlaðast vefir sem nota íkon fonta hraðar vegna færri beiðna á vefþjón.

Hálf Íslendingurinn Brian Suda skrifaði á dögunum grein á vefritinu A List Apart um notkun font icons/symbol fonts.

Fín grein sem gagnast getur vefurum, hönnuðum, vefstjórum og öðrum sem koma að gerð vefsíðna.

Lesa á grein.

[hugsmidjan]

Aðgengi á Internetinu

Jóna Dögg Sveinbjörnsdóttir @jonadogg / daggardropi.is

Fyrir stuttu síðan birtist áhugaverð grein á vef Samtaka iðnaðarins um aðgengi á netinu eftir þau Birki Rúnar Gunnarsson og Sigrúnu Þorsteinsdóttur, en bæði eru þaulreynd í aðgengismálum.

Í greininni fara þau yfir mikilvægi þess að vera með aðgengilegan vef, ekki einungis fyrir fatlaða einstaklinga heldur líka fyrir þá notendur sem koma inn á öðrum tækjum en hefðbundnum tölvum.

SVEF veitti í fyrsta skipti verðlaun fyrir aðgengilegasta vefinn nú í febrúar á Íslensku vefverðlaununum, en það var vefur Skattrannsóknarstjóra sem hlaut titilinn. Vefurinn var hannaður, vefaður og settur upp af okkur. En þess má líka geta að vefurinn okkar hugsmidjan.is og vefur Ríkisskattstjóra hlutu báðir tilnefningu í þessum flokki.

Við hjá Hugsmiðjunni fögnum því að loks er aðgengi að fá verðskuldaða athygli, en við höfum í fjölda ára lagt áherslu á að gera okkar veflausnir aðgengilegar.