#artexpedition

[weru000]

Svatyňka #ccff00 #000000 #c0c0c0 (bachelor project; embroidered diy tent, object with app, videos) expedition with this piece to Nebovidy/Ostopovice, organised with Zaazrak|Dornych

Photo credit: Monika Rygálová

2021

[muketulon]

Клип "Мыным кельше"

Тани али, дыр, кыӵе ке резиденциын возьмато Богданлэн “Мыным кельше” кырӟанэзлы клип. Нош мон гуртын, ӝутскем температураен но валантэм мылкыдын. Паймисько аслым, мыным потэ сюлэмелы ваньзэ туж матэ карисько шуыса. Тани али но, огшоры клип кадь, нош мон уг шедьтӥськы аслым инты, изьыны уг быгатӥськы. Ваньмыз со арт-экспедиция понна. Кыӵе мон отысь чмошникъёсыз яратӥсько! Али син азям ик пуксе кадь, кызьы Таня Тихонова КрестьяниКоваааа шуэ, Аня Образцова визьмо мыня, нош Надя Наговицына дурацкая шуэ но братанэз кадь ӟыгыртэ… Сыӵе мон шудо, со ужрадэ пыриськи, самой ӟеч адямиосын дас нунал улӥ шуыса.

Нош со клип мон понна огшоры ӧвӧл, малы ке шуоно со клип снимать каремын арт-экспедиция дыръя, эшшо ке мон но вань на отын. Мон со клипе шӧдтэк-шорысь сюри. Камералэсь кышкасько вал ке но, снимачки.

Али ӧй чида но компьютерме выльысь включить карыса снимать кареммес учкыны малпай.

Клипез снимать кутскизы куке ми вал Александровоын. Мон пырисько вал школае нылпиосын мастер-класс ортчытэм берам, азям Влад Степанов сюриз но шуиз али ик берен мед потом сниматься карыны. Ну, малпай, мар ке экспедициялы сӥземын луоз, соин соку ик соглаш кариськи, подводить карыны уг яра шуыса. Пыри гинэ но, Богдан милемыз куиньнамез люказ, Маринаез, Аняез но монэ, дӥсяське, пе, “по свегу”, клипе сниматься карыны. Мар? Кызьы со? Ми нылъёсын серекъяса но дыртыса дӥсям кофтаос, очки понӥм. Султытӥзы стена доры. Мон номыре уг валаськы, Сергеева то дораз кадь. -Кыӵе кырӟанлы клип снимать каро то? - юасько солэсь. -Мыным кельше. -Мар тыныд кельше? Мыным уг кельшы. -“Мыным кельше” кырӟанлы шуисько. -Что зааа? -Кылэмед ӧй вал шу еще?! Вот, мон нырысь уг тодӥськы вал кыӵе кырӟан но со, Богданэз кури лэзьыны, огпол ке но мед кылом шуыса.

"Тусуйтесь!" Влад милемлы сю пол ке но озьы шуиз, дыр. “Мар мыным карыны? Кызьы тусоваться? Эшшо на-а? Кытчы карыны та магнитофонэз?” - мынам вал пичи истерической шок, малы ке шуоно мон быдэсак уг валаськы вал “свег” шуэмзэс, мар пӧяськонэз, МОН ВООБЩЕ УГ ВАЛАСЬКЫ ВАЛ МАР НО МАЛЫ КАРИСЬКО. Ми тыпак султӥськом, серекъяськом чик дугдытэк. Только кинлэн ке кутске пӧрмыны, но Сергеева “Ааааа! Уг луууу!” шуыса берыктӥське, яке Аня дугдэ, яке мынам шарфеным но магнитофонэным мар ке луэ.

Собере сюрес кузя мыныку эктыны но кырӟаны кулэ вал, ваньмыз со валантэм стилен ик. “Мон вообще-то филолог”-шуиз огез.

Богдан для прикола шуиз, что монэ кулэ куасэн снимать карыны, типа мыным кельше толалтэ. Влад поддержал. Ага. Шедьтӥм куас но.

Малы ке но со адямиос пӧлын мон котьмалы дась но соглаш вал, сыӵе семейной атмосфера кылдӥз милям. Мон ачим возьдаськись, нош соку капчиен со возьдаськонме ворми, раскрепостилась-а мар-а.

Собере клип снимать каронмес ми Иванаво-Самарске вуыса гинэ быгатӥм азьланьтыны. Отын милемлы, пе, кулэ вал тэтчаны кенер вылысь. Ӝытазе кошким гурты кузя, шедьтӥмы кельшымон инты, тубим кенер вылэ. Татын монэн мар ке паймымон луиз. Мон уг быгатӥськы вал сылыны кенерлэн пул вылаз. Мон, кинлэн тренировкаосаз писпуос вискы думем весчи гозы вылтӥ бызьылоно луэ. Нош татын сылэме но уг луы. Со вал пыд висён, азьвыл тренировкаослэн но авариялэн емышсы. Одӥг метрлэсь ӝужытысь балеткиен кирпич пӧлы тэтчаны вал вӧсь. Ӵукнаяз Влад милемлы вераз, выльысь тэтчано луоз шуыса, уго созэ пеймытэн снимать карим. Выльысь но карим, табере люгыт каузен, нош мон одӥг пыд вылам сылӥ ини. Мар но уд кары эшъёсыд понна.

Шур вамен ӝужыт выж вылын эктӥм, отысь ик бус но утчам, мушъёслэсь пегаса бызьылӥм, куролэсь рулонъёс вылын визьтэмъяським, кырӟам… Иваново-Самарскын сыӵе атмосферно вал, чебер инкуазьзы отын.

Чем-Куюкын милемыз ӧз сниматьтэ ни, дыр вуиз мукетъёслы но кизили луыны. Ахахах. Тунсыко вал соос шоры учкыны. Тани Никон водка бутылкаез пиле, Надя Костяез куштэ, Лилия чебер эктэ но кырӟа, Таня рос-прос кирос лэсьтэ, Гриша краскаен кизэ саптаса гожъяське… А, ну, Тронина еще как всегда пиштэ.

Учкисько али тани видеоосыз, ностальгия конечно же. Камера сьӧрын вераськеммы но серекъяммы дото мусо потэ.

Ярам али сниматься кариськем, адӟи асме палэнысен. Табере тодӥсько кыӵе движениос уг тырмо, маиз лишной, кызьы сылоно, верано... Кстати, Мариналэсь "султӧ" шуэмзэ ымдуръёсъя но валаны луэ.

Тӥ учкиды ни со чмошной клипез, нош мон ӧй. Но со МЫНЫМ КЕЛЬШЕ ини.

[muketulon]

Арт-экспедиция. Бер кыл.

Арт-экспедиция кемалась ортчиз ини, нош отчы пириськисьёслэн ужзы трос на. Кулэ ужзылэсь емышъёссэ рос-прос радъяны, вотэсэ поттыны. Мон берпуметӥ нуналаз ик гожтӥ вал арт-экспедициялэн быремез сярысь, нош интернет но дыр ӧвӧлэн ӧй быгаты лэзьыны. Соин гожтӥсько али. 

10 нунал. 5 гурт. 13 адями. Та ваньмыз вал вунонтэм. Нуналъёс туж кысык ортчизы ке но, нырысетӥ гуртэ толэзь талэсь азьвыл вуылӥмы кадь. Котькуд гурт, ёрос аспӧртэмлыко, ӵошатэме но, висъяме но уг луы, котькудӥз паймытӥз, сюлмам кылиз.

Марайко берпуметӥ нуналаз паймыса ветлӥз, статьяезлы юанъёс сётказ. Кулэ-а та проект? Мае мон аслым выльзэ басьтӥ та проектысь?

Нырысь мыным та проект туж тунсыко потӥз, нош мон уг тодӥськы вал кызьы со ортчоз, мар ми отын каром, соин туж курдаса улӥ. Нырысетӥ гуртэ вуэм бере ик мон лӧптӥ, мылкыд ӝутскиз, малы ке шуоно мыным кельшиз калыкен ужаны. Кыкетӥ гуртын мон валай проектлэсь кулэлыксэ. Мон валай, со милемлы, арт-экспедициялэн активезлы, гинэ кулэ ӧвӧл, со кулэ гурт калыклы. Ми туж трос выльзэ, умойзэ басьтӥм экспедиция ӵоже, но озьы ик гуртысь калыклы но со туж пайдаё ортчиз. Ми шумпотыса концертъёс возьматъям, куанса учкылӥм мынясь ымныръёс шоры, керпотылӥм таукаронъёссэс кылзыкумы. 

Арт-экспедициялэн командаез. Мон туж шумпотӥсько, со даскуинь адямиос полы сюри шуыса, мон понна со бадӟым шуд. Дас нунал ӵоже ми гогыен бурмемъёс кадь вал ини, туж умой эшъяським, чик даллашытэк улӥм. Ваньмы ми котырласянь пӧртэмесь, ваньмылэн пӧртэм улон шоры учкеммы, арлыдмы но пӧртэм, но милемыз огазея удмурт культурамес гажан но яратон. 

Костя Никитин. Удмурт кун йӧскалык театрысь артист. Пичи Пурга ёросысь Алганча Игра гуртысь. Та адями мыным аслам агае кадь потӥз. Мусо, котьку задор мылкыдын ветлӥсь, серекъятӥсь. Костяен ми али юр-ярын умой эшъяським, сюлмысь вераським. Со мыным самой кулэ кылъёс вераз, кудъёссэ тодам вайыса бӧрдэм ик потэ.

Надя Наговицина. Удмурт кун йӧскалык театрысь артистка. Балезино ёросысь. Та гужеме мон нырысьсэ адӟиськи но тодматски Надяен. Со туж шаплы, аслэсьтыз задор мылкыдзэ мукетъёсызлы но утыр пыӵатэ. Надя сярысь мон умойзэ гинэ быгатӥсько вераны, мон туж мӧзмо ни артистъёсмылэсь.

Таня Тихонова. Социальный педагог. Алнаш ёросысь Сырьезь гуртысь. Командамылэн куараез, со туж чебер кырӟа, эктэ. Таня милемыз но трос кырӟанлы дышетӥз. Таня бордысь шуныт сиос пишто кадь потэ.

Лилия Леонтьева. Логопед. Алнаш ёросысь Варзибаш гуртысь. Лилия Таняен ӵош кырӟа Чипчирган ансамбльын. Туж мусо Лилия. Солэсь ноку уд кылы чурыт кылзэ, яратӥсь но яратоно кадь. 

Богдан Анфиногенов. Историк. Пичи Пургалась (туж яратэ сюкась). Таиз чик но кизили ӧвӧл, туж-туж востэм. Вераськыны но со уг яраты, мур малпаськыса ветлэ. Но куд-ог дыръя шаплы но серекъясь луэ. Так-то со Барсик и со предал Тронину :)

Маша Игонина. Энергетик (яке физик). Алнаш ёросысь Сырьезь гуртысь. Тормозтэк пӧсь нылаш со, аслэсьтыз ужзэ яратэ но ваньмызлы рекламировать карыса ветлэ. Туж кышкатыса монэ возиз. 

Маша Векшина. Журналист. Пичи Пурга ёросысь Пуро гуртысь. Кытын Марайко?

Анюта Образцова. Художник. Дэбесысь. Аня туж чылкыт адями, уг чида урод вераськемез, туж мусо ӵокта пельёссэ мае ке чебертэмзэ кылэ ке. Озьы ке но со милемыз яратӥз, ми но сое туж-туж. Аня вера малпанъёссэ, уг возьдаськы, мылкыдэз ӝутыны быгатэ, оскон пыӵатэ. 

Марина Сергеева. Филолог. Алнаш ёросысь Муважи гуртысь. Таиз блогерша. Куд-ог дыръя со сыӵе уверенная, куд-ог дыръя востэм. Ачиз понна котькинэн жугиськыны дась. Мариналэсь блогзэ лыдӟыса со сярысь мукет впечатление кылдӥз вал. 

Влад Степанов. Историк. Ижкарысь. Владэз азьлогес тодӥсько ни вал, но котькуд нунал мон со сярысь трос выльзэ тодӥсько. Со сыӵе валась, серекъятӥсь. Мыным со кӧня ке уверенность в себе пыӵатӥз. 

Гриша Григорьев. Программист. Пичи Пурга ёросысь Вуж Монья гуртысь. Туж визьмо но шыпыт пияш. Солы вазиськид ке кыӵе ке юанэн, со одно ик юрттоз. 

Туж бадӟым тау кареме потэ та адямиослы монэ чидамзы, юрттэмзы, серекъятыса улэмзы но яратэмзы понна. Ми вал зэмос команда. Но та команда ӧй луысал, ӧй луысал ке Тронина Оля, кудӥз малпаз та тунсыко проектэз, люказ милемыз, кивалтӥз.Арт-экспедиция бере мон трос тодон-валанъёс басьтӥ. Тау тыныд!

Яратыса но мӧзмыса тӥляд дурацкой спортсменкады. 

[muketulon]

Берпуметӥ уй. Мылкыд.

Арт-экспедиция йылпумъяське Алнаш ёросысь Чем-Куюк гуртын. Та дырозь ми туж жадемын вал ни, шуяса вуим, но озьы ке но шедьтӥм ӟигар выль гуртэн но адямиосын ужаны. Ӝытаз ял карим. Пиос шудо гитараен, ми кырӟаськом ӝожмыт кырӟан. 

Кин ке шуиз:

-Эшъёёс, ӵуказе берпуметӥ нунал ини. Ми ӵош ум ни изе.

Ваньмыз паймем кадь луо, верасько кызьы келяськомы ӵуказе, малы ке шуоно кин ке кыле Алнаше, кин ке Иже кошке.

Костя ӟыгыртӥз монэ: 

-Крестьянинова, попробуй уд бӧрды ӵуказе! Ми собере тонэн ку адӟиськом на? 

Нош мон али ик бӧрдыны дась. Мон валаса ик ӧй вуы ку ортчиз дас нунал. Экспедициялэн пумыз вуиз, азьланяз милемыз уг ни возьма выль ёрос, табере ми бертом ни ас гуртамы. Нош тужгес но секытэз со люкиськон, мон люкисько экспедицие ветлэм командаен, кудзэ мон туж яратӥ. 

[muketulon]

Арт-экспедиция. Улӥ Посьтол. Самой-самой удмуртъёс.

Пукисько автобусын. Кошкиськом Иваново-Самарскысь. Мон лӧптэмын. Ӵушылӥсько син улъёсме. Умой адямиос дорысь кошкем но уг поты.

Ньылетӥ гуртын арт-экспедицияез пумитаз мынам яратоно матысь эше Алина Чернова. Алина рос-прос адями, ваньзэ умой радъяны быгатӥз. Солэн семьяез туж шуныт но яратыса вордӥз милемыз кык нунал ӵоже. Доразы вань сэрегъёсы тӥрлыкъёсмес кельтӥм, дыр, ни. Черновъёс сяна, милемыз куноязы на Коротаевъёс, Эркишевъёс. Ваньзылы соослы туж бадӟым тау пумитамзы но чидамзы понна!

Пургае вуыку астэ зэмзэ но дорад кадь шӧдӥськод. Гуртсы копак Вуж Эгра кадь пуксемын, мусо потӥзы урамъёссы, гурезьёссы, инкуазьзы. Отын мон куке но вал кадь ни потӥз, нырысьсэ вуи ке но.

Талэсь азьвыл ми вал ини куинь гуртын, ваньмыз уйпалан. Мон понна али гинэ уйпал но лымшор ёросъёслэн пӧртэм луэмзы рос-прос адӟиськиз. Уйпалъёс нюлэсазы ышемын, яке ватскемын кадь, соосты кулэ вырӟытъяны, озьы, кызьы вырӟытӥз соосыз арт-экспедиция.

Пургае вуыса, мон малпай вал татын калыкез секытгес луоз паймытыны шуыса. Нош туннэ концертын мон Кабачигуртын кадь зол чабись киосты но ӝуась синъёсты адӟи, сюлмысь таукарон кылъёс кылӥ. Вераны ке нылпиос сярысь, соос татын зэмзэ но мылзы потыса ужазы, адӟиськиз, соослы мынам мастер-классэ кельшиз шуыса. Уго куиськон станокме но огзэ асьсэлы куризы, мастер-классэ вуымтэ эшъёссэс куиськыны дышетозы шуыса.

Шутэтскон дырмы милям ӧжыт ке но, ми оло мар но ужаны вуиськом: футбол шудӥм, вуэ пырим но клип снимать карим. Клип. Мон уг тодӥськы кыӵе со пӧрмоз. Ми понна со серем луоз, нош тросэз уз валалэ, дыр. Шӧдтэк-шорысь валтӥсь шудӥсьёс полы сюри. Мон туж возьдаськись адями, соин камера азьын асме возён туж секыт мыным сётӥськиз, со кыӵе ке вормон кадь луиз. Строго не судите, я?

[muketulon]

Ӧз ворекъя

"Говорите по-русски!" Озьы пумитазы милемыз Кекоран школаын. Паймим но шып кариським. Экскурсияез но ӟуч кылын ортчытӥзы, но тунсыко вал. Мылкыд ик кӧня ке ӝутскиз. Нош пруд доры вуэммы бере выльысь пуксиз. Эшшо ми отын валам, тӧромытэк номыр ум быгатӥське шуыса. Оло мар кадь вал со Ворекъян. Кинлы, малы… Открытизэ кык кылын нуыны выризы. Мынам йыры солы кӧня ке дась вылымтэ, сураськиз ваньмыз, номыре ӧй вала. Вуи Кекоран прудэ, адӟиськи тодмоосын, эктӥ, экспедициысь командаеным шутэтски. Одӥг горд пияш вожме поттӥз на, умой лыдӟиськыны дышетсконо солы. Уг чидаськы куке фамилияме шонертэм верало. Туж бадӟым тау Лилялы но Васялы, озьы ик Васялэн семьяезлы, монэ доразы пыртэмзы понна, сюдэмзы понна. Мон туж шумпотӥ, урамын ӧй изьы шуыса.

[muketulon]

Арт-экспедиция. Кабачигурт.

Мон малпай вал вань гуртъёс огкадесь луозы шуыса. Янгышай, возьыт. Кабачигуртын мон ужай но мукет сямен. Нырысь блогъя мастер-класс Сергееваен ортчытӥ, собере бускель гуртэ фольклор бычаны ветлӥ. Со сыӵе ваньмыз тунсыко вылэм! Мыным кельшиз калыкен вераськыны, вераны мар со Монами, Мадмуазель Удмурт но мукет. Та темаосы ми выжим блог бордысен, юанъёсъя валай, лыктэмъёслы со тунсыко шуыса. Мукет дунне сярысь верамы кадь потӥз Тапалась гуртъёсын мукет обрядъёссы но, кырӟанъёссы но. Мынам усьтӥськизы синъёсы, мон валай, гуртысьтым пӧртэм гуръёсыз но йылолъёсыз гожъяно шуыса. синъёс усьтӥськизы

Кабачигурт туж шуныт милемыз пумитаз. Гурт калыксылы ми бадӟым куноос кадь вал. Огшоры адямиос вуылӥзы кудымульы, крыжовник вайыса. Концерт берыку милемлы сылыса чабизы. Кык нунал куспын гурт калыклы дышиськод, умой эшъяськиськод.

[muketulon]

Арт-экспедиция. Александрово.

Артэкспедицие ӧтемзы бере мон чик малпаськытэк отчы пыриськыны соглаш луи. Малы ке шуоно мыным ужрадлэн программаез туж тунсыко потӥз. Мыным кельше шаермылэн пӧртэм сэрегъёсаз вуылыны, учкыны, кызьы отын уло, кыӵе инкузез, калыкез… Азьвыл мынам ёросъёслэсь тол туссэс гинэ луонлыке вал адӟыны, нош туэ гужем Арт-экспедициен валче ми уйпалысен лымшорозь удмурт гуртъёсы быгатом вуылыны. Ужмес ми Кез ёросысь Александрово черкогурт бордысен кутским.

Ваньмыз та гурт сярысь тодо вал, отын Ваня Белослудцев но Ксюша Ворончихина вордӥськемын шуыса. Нош мон тодӥсько на отын туж умой куасэн бызьылонъя тренер вань шуыса, солэн дышетскисьёсыз али Удмуртилэн сборнояз кутэмын (мон акыльто ни ваньзэс куас сярысь вераськонэн но гожъяськонэн, чидалэ).

Александрово черкогурт шуыса лыдъяське, нош черксы отын ӧвӧл ни. Библиотекаын ужасьсы, ӟуч кылын ке но, туж тунсыко мадиз милемы Александрово кылдэм сярысь. Гуртсы копак нюлэс пушкын, ӝужыт кызъёс урамазы но будо. Коркаоссы вырйылын сыло, Маринаен но Богданэн гурт кузя калгыкумы пыдъёс жадизы гурезьёсы тубаса-васькаса. Эшшо ваньмыз соослэн кенерен котыртэмын, картошка бакчаоссы но. Ми малпам, соос кыр инкуазьлы матын уло бере, озьы нюлэскысь пӧйшуръёслэсь ватӥськыны тыршо, дыр. Собере веразы, рысьёс оти зэмзэ но ветло шуыса.

Белослудцева Светлана Валерьевна туж мыло-кыдо дасяськем артэкспедициялы, нырысетӥ нуналаз мастер-классъёсы Кезысь калыкез но ваизы. Мон доры куроен ужаны туж усто но тыршись нылкышноос вуизы, мыным кельшиз соосын ужан но вераськын. Куролэсь лэсьтэм арбериоссэс соос доразы нуизы, соин адӟытонын ужъёссэс возьматыны ӧм быгатэ. Кыкетӥ мастер-классам маке туж азьтэм нылпиос вуизы, монэн эшъяськизы, ӟыгыръяса ик келяськизы собере, нош куиськемзы ӧз поты, али мукет ини пиналъёс, соосты секыт маин ке заинтересовать карыны. Озьы ке но ми кык час куспын одиг пичи ковер куим, соизлы но шумпотӥ. Кыкетӥ нуналаз милям кылиз вал шутэтскон дырмы, нош ми асьмелы уж шедьтӥм. Влад но Богдан милемыз клипе снимать каризы. Со вал туж тунсыко, серем, аспӧртэмлыко. Мыным кельшиз лэся. Эшъёсы паймозы, дыр, адӟизы ке монэ. В общем, милям ваньмыз “по свэгу” вал.  

Александровоын ми гинэ мастер-классъёс ӧм возьматъялэ, милемыз но гуртысь усточиос дышетӥзы. Клубен кивалтӥсьсы гынсапег лэсьтыны дышетӥз, толалтэ пыдды кынмиз ке, вазиське. Туж визьмо Александр Иванович Иванов валэктӥз милемлы кызьы пуэн ужаны, ми сусыпулэсь ибырвесь асьмелы лэсьтыны быгатӥм. Мыным отысь калыкен но вераськыны туж кельшиз, шлаплыесь соос. Концертэ калык тачак люкаськиз, Надялэн но Костялэн мастер-классаз пӧрмытэм номеръёсыз кӧтсэс кутыса серекъзы ни. Эшшо соослэн вань асьсэ кизилизы - Толик, яке Кузя-Мувыр Бой. Шундыкаре мынэ, пе, учком ни кызьы отын ужалоз. Ми калыклы ярам кадь, малпасько милям ӝуась синъёсмы соослы но паласькизы. 

Нош тужгес юн мыным кельше арт-экспедицие люкам команда. Ми кык нунал гинэ ӵош ужаськом ке но, соос мыным семья кадь пото. Соос ваньзы сыӵе мусоесь. Особенно тӧромы :)