John Michael
Kilala mo lang naman ako pag may kailangan ka.
Kilala mo lang ako pag may nakita kang bagay na gusto mo.
Kilala mo lang ako pag nasa mall tayo.
Kilala mo lang ako pag kailangan mo ng manlilibre sayo.
Kilala mo lang naman ako pag may kailangan ka.
Kilala mo lang ako pag nababagot ka na.
Kilala mo lang ako pag wala kang makatext o makausap.
Kilala mo lang ako pag wala ka ng ibang mayakap.
Kilala mo lang ako pag may kailangan ka.
Kilala mo lang ako pag alam mong makikinabang ka.
Kilala mo lang ako pag alam mong mauuto mo ako, tangina.
Kilala mo lang ako pag wala ng ibang nakakakita.
Oo, kilala mo lang ako pag may kailangan ka.
Kailangan mo lang ako pag di ka na pinapansin ng iba.
Hanap ka ng hanap ng ibang makakasama
Pero putangina ako naaalala mo lang ako pag nangangailangan ka.
Hindi ako freezer na pupuntahan mo pag kailangan mo ng makakain.
Hindi ako wallet na kakalikutin mo pag kakailanganin.
Hindi ako laruan na pagtapos mong lapirut lapirutin
Ay tsaka mo babalikan pag sobrang bagot ka na din.
Alam mo, ayoko lang sabihin to.
Minsan pakiramdam ko ginagamit mo lang ako.
Mahal? Putanginang pagmamahal yan.
Mahal ka ba kung kilala ka lang pag may kailangan?
Kilala mo lang ako pag may kailangan ka.
At ako naman nagpapauto sayo kasi mahal kita.
Dapat pangalan mo John Michael, diba?
NanJOHN lang pag MICHAELangan ka.
Tama na, nakakatawa din pala ako.
Bibirahin kita ng mga salitang ganito.
Pero bandang huli pag ako'y nilapitan mo,
Tatanungin kita, “Anong gusto mo tara bibilhin ko.”