Feb 6, 2021
Helas, Pitié envers moy dort si fort que je ne sçay se je sui mort ou vis. Dangier, Refus, Desdaing sont d’un acort, encontre moy poient grever toutdis. Se je me plain, je n’ay pas trop mespris, quant por fenir m’est rendu cel guerdon, dont mort me voy sanz nulle mesprison.
Et puis qu’ainsi ne truis en riens confort, Joie, Soulas se sont de moy partis et m’ont guerpy, dont j’en rechoy la mort sans que jamais en aie nuls respis. Je ne vif pas, ainsois pene et languis; or n’est nul ben qu’e moy prengne seson, dont mort me voy sanz nulle mesprison.
