Discover Top Posts Tagged with #burmaethics

စစ်တပ်ရဲ့ သရုပ်သကန် အမှန်တရားများ…

Tumblr is a place to express yourself, discover yourself, and bond over the stuff you love. It's where your interests connect you with your

စစ်သည်တွေကို လစာ ပေးထားလို့ အထက် အရာရှိက ခိုင်းတိုင်း လုပ်ရမှာက မှန်ပေမယ့် စစ်သည်ကို မှီခိုတဲ့ မိသားစုက တပ်ထဲက အရာရှိတွေက ခိုင်းတာတွေကို လုပ်သင့်လို့လားဗျာ…?

#၂၀၂၄နိုဝင်ဘာ၂၂ #BurmaArmy #BurmaEthics

အိမ်ကိုထင်း နွားကိုဟင်း ဆိုတဲ့စစ်မိန့်နဲ့ စစ်ဆင်ရေးလုပ်ခဲ့သူ

စစ်မှုထမ်းဥပဒေကြောင့် ပျက်စီးသွားတဲ့ အနာဂတ်တွေ၊ ပြိုကွဲသွားတဲ့ မိသားစုတွေ၊ ရုန်းကန်နေရတဲ့ ဘဝတွေ အကြောင်း "စစ်မှုထမ်းဇာတ်လမ်းများ" ရုပ်သံ Podcast ကို အပတ်စဉ် စနေနေ့တိုင်း ထုတ်လွှင့်နေပါပြီ။

ဒီတစ်ပတ်အစီအစဉ် အပိုင်း(၃၃)မှာတော့ စစ်ကိုင်းတိုင်းအတွင်း စစ်ဆင်ရေးတွေမှာ “အိမ်ကို ထင်း၊ နွားကို ဟင်း” ဆိုတဲ့ အမိန့်အတိုင်း စစ်ဆင်ရေးလုပ်ခဲ့တဲ့ စစ်မှုထမ်းတပ်သားတစ်ဦးအကြောင်း ကြားရပါမယ်။

#၂၀၂၅ဧပြီ၁၂ #BurmaArmy #BurmaEthics

ဒေါ်စိန်အေးကျောင်းဆင်းတွေ လူမကယ်တတ်ပါ #politics #minaunghlaing #linhteta...

#၂၀၂၅ဧပြီ၁၁ #BurmaArmy #BurmaEthics #Youtube

“မြန်မာစစ်တပ်က လူသတ်တာပဲလုပ်ချင်တယ်၊ လူကယ်တာ မလုပ်ချင်ဘူး”

#၂၀၂၅ဧပြီ၀၄ #BurmaArmy #BurmaEthics #Youtube

ချမ်းသာချင်လို “ယူနီဖောင်း” လဲခဲ့သူများ

တိုက်စိတ်ခိုက်စိတ်ရှိပြီး တိုက်ရဲခိုက်ရဲတဲ့အချိန်မှာ ကိုယ်ဝတ်ထားတဲ့ (Uniform)ယူနီဖောင်းရဲ့"တန်ဖိုး"ကို နားလည်တယ်၊ အရွယ်လေးရောက်ပြီး အစွယ်လေးပေါက်လာတော့ စားမပါတဲ့ဟင်းလို ပေါ့ပြတ်ပြတ်ဖြစ်လာတယ်၊ နေရာလေးတစ်ခုလောက် ပေးလိုက်တော့မှ အလေးနက်ထားတတ်သွားပြီး ဒီဝတ်ဆုံလေးကမဆိုးဘူး ဝတ်ထားရတာ စိတ်ချမ်းသာစရာ ဖြစ်သွားခဲ့တယ်..

ဘာပဲလုပ်လုပ် ဘယ်နေရာပဲသွားသွား အခစားဝင်ပေးတဲ့ ငယ်ကျွန်တွေရှိသလို ရွှေလမ်း၊ ငွေလမ်းဖောက်ပေးတဲ့ "စီးပွားရေး"သမားတွေလည်းရှိနေတော့ စစ်တပ်(Uniform)ယူနီဖောင်း ဝတ်ရတဲ့အရသာကို နှစ်သက်လာကြတယ်၊ ဒီတော့ တိုင်းပြည်နှင့်လူမျိုးကို ချစ်တာမချစ်တာကနောက်မှ ကိုယ့်လက်အောက်မှာရှိနေတဲ့ စစ်မှုထမ်းတွေကိုပါ ကိုယ့်"အကျိုးစီးပွား"အတွက် မဟုတ်ရင် ဇာတ်ညောင်းခံပြီး လှည့်မကြည့်နိုင်တော့လောက်အောင် ဖြစ်လာတယ်..

စစ်သားအိုကြီးတွေပြောနေကြ စကားလေးတစ်ချိုကို ကြားဘူးခဲ့တယ် လာတုန်းကတော့ "သေတ္တာ"လေးတစ်လုံးနဲ့ပါ တစ်နေရာကနေ တစ်နေရာကို ပြန်ထွက်သွားမှ ကိုယ်ပိုင်ကားစီးပြီး တပ်ပြင်မှာ"တိုက်ဆောက်"သွားကြတယ်ဆိုတာပါပဲ..

မြန်မာနိုင်ငံအတွက် ကောင်းစားအောင်လို ကိုယ်ကျိုးစွန့်ပြီး ဘာတွေထမ်းဆောင် ပေးသွားကြလဲတော့ မသိဘူး၊ မြန်မာနိုင်ငံကြီးကတော့ တောင်ကတုံး တောပြုန်းပြီး သယံဇာတတွေ ခေါင်းပါးလာတယ် ထင်ထားတာထက်ပိုပြီး "ပူပြင်း"လာတယ်၊ စစ်တပ်ထဲကထွက်တဲ့ စာအုပ်သည်နဲ့ လမ်းဘေးမှာ"ကျူး"တဲတွေ နေရာပြည့်သွားတယ်..

မြန်မာနိုင်ငံအတွက် အသက်ပေးကာကွယ်မယ်ဆိုပြီး အရပ်ဝတ်လဲ စစ်တပ်(Uniform) ယူနီဖောင်းဝတ်ပြီး ကြွေးကြော်ခဲ့သော "စီးပွားရေး"သမားများကြောင့်ပဲ မြန်မာနိုင်ငံက ကမ္ဘာ့မြေပုံပေါ်က ပျောက်ကွယ်သွားတော့မည့်အနေထား၊ စစ်သားလိုခံယူထားပြီး ဒုစရိုက်မျိုးစုံကိုလုပ်ကိုင်ကာ "ဥပဒေ"ကို အိပ်ကပ်ထဲ ကောက်ထည့်ထားမှတော့ စစ်တပ်(Uniform)ယူနီဖောင်းလို သက်မှတ်ပြီး ချုပ်ဝတ်မနေနဲ့ အရပ်ဝတ်လဲပြီးပေါ်တင်သာ စီးပွားရှာသင့်ပါတယ်။

ချမ်းသာချင်လို "ယူနီဖောင်း" လဲခဲ့သူများ တိုက်စိတ်ခိုက်စိတ်ရှိပြီး တိုက်ရဲခိုက်ရဲတဲ့အချိန်မှာ ကိုယ်ဝတ်ထားတဲ့ (Uniform)ယူနီဖောင်းရဲ့"တန်ဖိုး"က

#၂၀၂၅ဖေဖော်ဝါရီ၂၇ #BurmaArmy #BurmaEthics

စစ်သည်အမျိုးသမီး မှီခိုသူ-ရဲမေကို "ပါးရိုက်"ခဲ့တဲ့ အရာရှိ

တချို့သောသူတွေ သိရှိထားတာ အထက်အရာရှိက အောက်ခြေစစ်သည်တွေပဲ ဖိနှိပ်အုပ်ချုပ်နေတယ်၊ တာဝန်တွေ-အမိန့်တွေပေးပြီး လက်ညှိးထိုးစေခိုင်း နေကြတာတယ်ဆိုတာလောက်ပါပဲ။ ကျွန်တော်ကိုယ်တိုင်လည်း မကြုံဘူး/ မတွေ့ဘူးသေးခင်ပါ အများထင်သလိုနေကြသလိုပါပဲ..

ဌာနချုပ်တစ်ခုမှာ ကျွန်တော်"တာဝန်ထမ်းဆောင်"နေရချိန်က-စည်းကမ်းကြီးတယ်လို့ပဲ ပြောမလား..? ဒါမှမဟုတ် လိုတာထပ်ပိုပြီး ရာထူးနဲ့အာဏာကို အသုံးချပြီး ရူးနေတဲ့သူလို့ပဲ ပြောရမလားပေါ့..ထိုလူရဲ့ရာထူးက ဒုတိယဌာနချုပ်မှူးရာထူးနဲ့ တာဝန်ပေးအပ်ခြင်း ခံထားရသူပါ..

ကျွန်တော်တာဝန်ကျခဲ့ရာ ဌာနချုပ်တည်နေရာက "စျေး"နဲ့အလှမ်းဝေးပါတယ်-ဒါကြောင့် စစ်တပ်ထဲမှာရှိကြတဲ့ စစ်သည်/ရဲမေတွေ စျေးဝယ်ချင်တယ်ဆိုရင် တစ်ပါတ်ကို "တစ်ကြိမ်" တနင်္ဂနွေနေ့ရောက်ရင် တပ်ကစစ်ကားနဲ့ စျေးကို လိုက်ပို့ပေးတယ်-ဒုဌာနချုပ်မှူးခေါ် (အာဏာရူး) ချမှတ်ထားတဲ့ စည်းကမ်းတွေထဲမှာ ဌာနချုပ်မှာရှိတဲ့ စစ်သည်များ အရက်"လုံးဝ"မသောက်သုံးရဆိုတဲ့ စည်းကမ်းချက်က အဓိကအခန်းကဏ္ဍမှာ ပါဝင်ပါတယ်-

တာဝန်ချိန်ပဲ-ဖြစ်ဖြစ် တာဝန်ချိန် ပြင်ပဘဲ-ဖြစ်ဖြစ် အရက်သောက်သုံးခွင့် "လုံးဝ"မရှိပါဘူး- စစ်သားဆိုတာမျိုးက မူးယစ်ဆေးဝါးနှင့် လုံးဝကင်းရှင်းပါတယ်ဆိုတဲ့ လူမျိုးက တပ်ထဲမှာ လက်ချိုးရေလို့ရတယ်- ဒီတော့ ချချင်တဲ့အမိန့်ချပြီး ပေးချင်တဲ့အပြစ်ပေးဆိုကာ "ခွက်ပုံး"လေးတွေ တွယ်ကြပါတယ်-တစ်ပါတ်လုံး မသောက်ဖြစ်ရင်တောင်မှ တနင်္ဂနွေတစ်ရက်တော့ စျေးကားနဲ့လိုက်သွားရင်း သောက်ဖြစ်ကြတယ်-

တစ်နေ့..ဌာနချုပ်မှာရှိတဲ့ စစ်သည်/မှီခိုသူရဲမေတွေနဲ့ စျေးသွားဝယ်ပြီးအပြန် "တပ်ဂိတ်" အာဏာရူးတစ်ယောက်-"တပ်ဂိတ်"ပေါက်ကနေစောင့်ပြီး အရက်သောက်ထားတဲ့ စစ်သည်တွေ၊ အရက်ဝယ်လာတဲ့သူတွေကို "ဖမ်းဆီး"စစ် ဆေးပါတော့တယ်- စုစုပေါင်း အယောက်-(၃၀)သုံးဆယ် ဖမ်းမိခဲ့တယ် တစ်အိမ်လိုနေလို့ ကျွန်တော်လဲပါပါတယ်-စစ်သည်အယောက် သုံးဆယ်ကို တစ်နေ့ထဲ ဌာနချုပ်-အချုပ်ခန်းထဲထည့်ပြီး အရေးယူအပြစ်ပေးဖို့ စာထုတ်ခဲ့တယ်-

"အာဏာရူး"လုပ်လိုက်တဲ့ အကြောင်းတွေကိုဌာနချုပ်မှူး သိရှိသွားပြီး၊ ဌာနချုပ်တစ်ခုမှာ တစ်နေ့ထဲအမှုဖြစ်တဲ့ စစ်သည်အယောက် သုံးဆယ်ကို ဘယ်လိုအရေးယူပြီး အထက်ကိုတင်မလဲလို့ "အာဏာရူး"ကိုမေးလိုက်တော့မှ ကျွန်တော်တို့အားလုံး ပြန်လွတ်သွားပါတယ်-ဒီကိစ္စကိုမကျေနပ်တဲ့ ဒုဌာနချုပ်မှုး-အာဏာရူးက "ညနေ" ရုံးဆင်းချိန်ရောက်တာနဲ့ တပ်ကိုကားနဲ့လိုက်ပါတ်ကြည့်တယ်-အဲ့လိုအချိန်မှာ အရက်သောက်ပြီး လမ်းလျှောက်နေတဲ့ စစ်သည်တွေ့ပြီ ဆိုရင်တော့.. သူ့ကားပေါ်ခေါ်သွားပြီး အချုပ်ထဲထည့် အပြစ်ပေးတယ်-အားမရရင်တော့ စစ်သည်"လစာ"ထဲကပါ ပိုက်ဆံဖြတ်ပါတယ်..လုပ်အာပေးခိုင်းချက်ကတော့ "ပထမ"ရလောက်တယ်လို့ ပြောလို့ရတယ်-စစ်သည်တွေကိုပဲ ခိုင်းတာလားဆိုတော့ မဟုတ်ပါဘူး -ရဲမေတွေကိုပါ သူခိုင်းတဲ့အလုပ်မပြီးရင် မိုးချုပ်တဲ့အထိ ခိုင်းပြီး ပြီးအောင်လုပ်ခိုင်းတတ်သူပါ-

စစ်သည်၊ ရဲမေတွေနဲ့ပတ်သက်ပြီး သက်သာချောင်ချိရေးဆိုတဲ့ အရာတွေကို ကြိုးစားပြီးထောက်ပံ့ပေးထားတာ မရှိသလောက်-ရရှိနေတဲ့အခွင့်အရေး နှင့် လွတ်လပ်ခွင့်တစ်ချို့ကိုပါ ပိတ်ပင်တားမြစ်ထားသူပါ၊ ဥပမာ-စစ်သည်တွေအရက်မသောက်ရဘူး-အရက်မသောက်ခိုင်းတဲ့အတွက် တပ်မတော်က "တရားဝင်"ထုတ်ပေးထားတဲ့ စစ်သည်တွေရရှိတဲ့အရက်တွေကို ဖာလိုက်ရောင်းစားပစ်တယ်-အခုလိုရောင်းပြီးတော့ ရရှိလာတဲ့ငွေကြေးတွေနဲ့ စစ်သည်တွေရဲ့အိမ်ကို "ကြက်ဉ"တစ်လုံး ဝေငှပေးသလားဆိုတော့ မပေးပါဘူး- ဌာနချုပ်မှူး ထောက်ပံ့ခိုင်းတဲ့ "ကြက်ဉ"တောင်မှ ၁၀-လုံးဖြစ်လိုက်၊ ၈-လုံး ဖြစ်သွားလိုက်နဲ့ပါ..နောက်တစ်ချက်က-ဦးပိုင်အမြတ်ငွေ- "ဦးပိုင်အမြတ်ငွေ"ထုတ်ပေးပြီဆိုရင် အရာရှိ/စစ်သည်မှန်သမျှ အပြည့်မရဘူး-အမြတ်ငွေတစ်ဝက်ပဲပေးပြီး ကျန်တစ်ဝက်ကို ပြန်ထည့်ခိုင်းခဲ့တဲ့လူစားမျိုးပါပဲ-

စနေ-နေ့တိုင်း စစ်သည်/ရဲမေတွေ ဌာနချုပ်လုပ်အားပေး လုပ်ကြရတယ်- အခုလိုလုပ်အာပေးလုပ်ရတဲ့ တစ်နေ့ စစ်သည်မိန်းမ ရဲမေတစ်ယောက်က အလုပ်လုပ်နေရင်း နေပူရှိန်ကြောင့် မျက်နှာပေါ်ကို ချွေးများကြလာပြီး-နှုတ်ခမ်းကိုလည်း လျှာနဲ့ကောက်သပ်လိုက်ပါတယ် ဖြစ်ချင်တော့ တိုက်တိုက်ဆိုင်ဆိုင်-ဒုဌာနချုပ်မှူး-အာဏာရူးက သူကြည့်မိတဲ့အချိန်နဲ့တိုးသွားတော့-၄င်းရဲမေကိုခေါ်ကာ..

နင်က.. ငါ့ကို "ပြောင်ပြ"တာလား..ဆိုပြီး လေသံမာမာနဲ့ မေးတယ်-

ရဲမေ..ဖြစ်သူက နေပူလို့ ရေသောက်ချင်လာပြီး နှုတ်ခမ်းခြောက်လို့ "လျှာ"နဲ့သပ်တာပါလို့ ဖြေလိုက်တယ်..

ရဲမေရဲ့ဖြေကို ..အာဏာရူးက မကြေနပ်ပဲ..

နင်တို့လို အဆင့်နဲ့ ငါ့ကို ဒါမျိုးလုပ်ပြစရာ မလိုဘူး..

ပြန်ပြောစရာ မလိုဘူးဆိုပြီး ဒေါသထွက်တဲ့ လေသံနဲ့ပြောလာတော့..

ရဲမေဖြစ်သူက… "အဘ"

"သမီး"ကို အဲ့လိုအသံနဲ့…ပြောစရာမလိုဘူး

စစ်ထဲဝင်တာ သမီးယောကျ်ား…သမီး မဟုတ်ဘူးဆိုပြီး..

အမှန်တိုင်း ဒဲ့ပြောလိုက်တော့..

ဒုဌာနချုပ်မှူး -အာဏာရူး… ဒေါသမီးတောက်ပြီး

စစ်သည် အမျိုးသမီးကို…"ပါးရိုက်" လိုက်တယ်..

မဟုတ်မခံ စစ်သည်အမျိုးသမီး ဖြစ်နေတော့..

ဌာနချုပ်မှုး…အိမ်ထိသွားပြီး အာဏာရူး ဒုဌာနချုပ်မှူးကိုတိုင်ခဲ့တယ်..

အသုံးမဝင်တဲ့..တိုင်ကြားမှုပါ..

အာဏာရူးက အပြစ်မပေးခံရပဲ ကောင်းတဲ့နေရာကို အပြောင်းခံအဖြစ်နဲ့…ရောက်သွားခဲ့တယ်..

စစ်တပ်ဆိုတာ..ဒါပါပဲ..ရာထူးရှိရင်ရှိ မရှိရင် ငွေကြေးရှိမှ-တပ်နေပျော်ပါမည်။

စစ်သည်အမျိုးသမီး မှီခိုသူ-ရဲမေကို "ပါးရိုက်"ခဲ့တဲ့ အရာရှိ *** တချို့သောသူတွေ သိရှိထားတာ အထက်အရာရှိက အောက်ခြေစစ်သည်တွေပဲ ဖိနှိပ်အုပ်ချုပ်နေတယ

#၂၀၂၅ဇန်နဝါရီ၁၉ #BurmaArmy #BurmaEthics

ရက်ပေါင်းများစွာ စားခဲ့ပြီးကာမှ ခံရတဲ့ အခါမှ အသံ ထွက်လာတာ…။

#၂၀၂၄နိုဝင်ဘာ၂၃ #BurmaArmy #BurmaEthics

လူမဆန်တဲ့ရာဇဝတ်မှုတွေ စစ်တပ် ဘာကြောင့်လုပ်တာလဲ (ရုပ်/သံ)

စစ်ကောင်စီတပ်ရဲ့ တပ်သားတွေဟာ ကျေးရွာတွေကို ဝင်ရောက်စီးနင်းရာမှာ ဖမ်းဆီးမိသူတွေကို လူမဆန်စွာ သတ်ဖြတ်တာ၊ နေအိမ်တွေကိုမီးရှို့ဖျက်ဆီးတာအပြင် အရှင်လတ်လတ် မီးရှို့ သတ်ဖြတ်မှုတွေ ရက်ရက်စက်စက်ကျူးလွန်နေကြတာပါ။

ဥပမာအနေနဲ့ ပြီးခဲ့တဲ့ ၂၀၂၂ ခုနှစ် ဇူလိုင်လက စစ်ကိုင်းတိုင်း၊ ရေဦးမြို့နယ် မုန်တိုင်ပင်ကျေးရွာကို ဝင်ရောက်လာတဲ့ စစ်ကောင်စီတပ်သားတွေဟာ ဖမ်းမိတဲ့ ဒေသခံပြည်သူ ၂၉ ဦးကို လူမဆန်စွာ အပိုင်းပိုင်းခုတ်ထစ် သတ်ဖြတ်ခဲ့ပြီး ရုပ်အလောင်းတွေကို မီးရှို့ခဲ့ကြပါတယ်။

၂၀၂၄ ခုနှစ် ဖေဖော်ဝါရီလထဲမှာလည်း မကွေးတိုင်း၊ ဂန့်ဂေါမြို့နယ်၊ မြောက်ခင်ရန်းကျေးရွာမှာ ဖမ်းဆီးမိတဲ့ PDF ၂ ဦးကို အရှင်လတ်လတ်မီးရှို့သတ်ဖြတ်တဲ့ ဗီဒီယိုဖိုင်လည်း ထွက်ပေါ်ခဲ့ပါတယ်။

ဒါ့အပြင် အခုနှစ် အောက်တိုဘာလ အတွင်းမှာပဲ စစ်ကိုင်းတိုင်း၊ ဘုတလင်မြို့နယ်က စီပါကျေးရွာမှာ စစ်ကောင်စီတပ်ဟာ သက်ကြီးရွယ်အိုနဲ့ကလေးငယ်တွေ အပါအဝင် ပြည်သူ ၆ ဦးကို ခုတ်ထစ်သတ်ဖြတ်ပြီးနောက် အိမ်ဝန်းနံရံတွေမှာ ချိတ်ဆွဲထားခဲ့ကြပါတယ်။

ဒီလို စစ်ရာဇဝတ်မှုတွေ၊ ရက်ရက်စက်စက် လူသတ်မှုတွေ ဘာကြောင့် ကျူးလွန်နိုင်ရသလဲ ဆိုတာကို အကြမ်းမဖက် အာဏာဖီဆန်ရေးလှုပ်ရှားမှု (CDM) မှာ ပါဝင်ခဲ့တဲ့ စစ်ဆရာဝန် ဗိုလ်ကြီး Captain Kid ကို ဧရာဝတီက ဆက်သွယ်မေးမြန်းထားပါတယ်။

#၂၀၂၄နိုဝင်ဘာ၂၁ #BurmaArmy #BurmaEthics