#c9dairy

[c9diary]

我老公係豬隊友？

(photo credit by ohpama)

//C9仔在家掌管一切家中大細事務。

但日間喺公司勞勞碌碌，

夜間喺家中又要服待大細老闆日常生活兼隨傳隨到。

有時壓力加入遇著女性唔方便個幾日，

真係人都癲。

然後會諗「點解好似得我一個人為頭家撐緊？！」、

「身邊個位永遠都好似跟唔上步伐咁嘅？！」，

跟手負面情緒一湧而上。

其實有時做老婆嘅只係需要老公一啲簡單嘅互動同安慰，

例如一啲明知最後咪又係由我去完成，

但阿老公又會失驚無神舉手要做嘅舉動。

又例如只係一聲「老婆，辛苦晒，嘻嘻」，

就係咁簡單就可以去推動阿老婆繼續前進。　

當然做老婆嘅適當時候亦要放手啲「事務」俾阿老公擔當下，

讓自己緩衝一下。

文中提到給老公的信入面「比起豬隊友， 倒不如做老婆的親蜜戰友~」，

搵一個相愛嘅人已經難，

一齊生活之後再建立一頭家就更加唔容易。

想你／妳老婆／老公成為你／妳嘅豬隊友定親蜜戰友？

你／妳有得揀！//

原文：【給為爹的話】不要成為豬隊友

[c9diary]

(photo credit by nowsnews 新聞)

//又到一年一度，

大人細路都熱烈期待嘅節日－ 聖誕節嘅來臨！

上年阿B仲一舊飯咁跟住我哋四圍去，

唔知「聖誕」為何物。

今年唔同喇，

開始返學，又讀基督教學校，

節日氣氛濃郁，

又聖誕聯歡會，

又聖誕服飾日，

又搞聖誕大食會。

講到大食會呢就即係又要勞動到一班家長們（即係C9仔我），

學校話要準備預3－4人份量小食，

一貫作風hea爆嘅我，

梗係要貫徹始終……買現成食物交差。

殊不知，

又無端端令C9仔墮入另一個家長group熱鬥戰場，

人地又自家烘焙餅乾、

又雕花腸仔、

又雪人棉花糖、

又日式銅鑼燒點晴變聖誕老人。。。。。。

Whatsapp group入面貼相鬥靚鬥有心機。

無乜烹飪天份嘅我發現，

原來「入得廚房，出得廳堂」唔只係嚟氹老公／奶奶，

而用來為自己小朋友喺同學group入面贏到一點點掌聲。

唉！

Merry Christmas to all MaMa…//