oozey mess
Today's Document
DEAR READER
h
No title available
occasionally subtle
Jules of Nature
shark vs the universe
i don't do bad sauce passes
wallacepolsom
almost home
YOU ARE THE REASON
todays bird
pixel skylines
Monterey Bay Aquarium
noise dept.
if i look back, i am lost
@theartofmadeline
Sweet Seals For You, Always
2025 on Tumblr: Trends That Defined the Year
seen from Türkiye
seen from United States
seen from United Kingdom
seen from United Kingdom
seen from Switzerland
seen from United States
seen from United Kingdom
seen from United Kingdom
seen from United States
seen from United States
seen from United States
seen from Türkiye
seen from Germany
seen from United States
seen from Australia
seen from United Kingdom
seen from Romania
seen from Germany
seen from Türkiye
seen from United States
@c9diary
不愛輸的孩子
同仔女玩係父母責任，玩遊戲學嘅其中一樣嘢，
就係點面對輸贏。
身為遊戲治療師嘅媽媽話，阿仔同爸爸捉棋、玩紙牌呢啲鬥智對奕遊戲，
一輸就「發脾四」。
但係又發現，如果同自己玩，阿仔輸都唔會咁大反應。
問返爸爸，原來佢同個仔玩遊戲嗰陣，完全冇讓賽……
偏偏，男仔喺3－7歲時正經歷「戀母情結」，會對爸爸作出挑戰。
咁但係爸爸智力體力都一定勝過兒子，
如果爸爸真係認真玩，阿仔根本冇得贏，
就會加深佢嘅負面情緒。
所以媽媽同佢玩，係會讓賽。因為遊戲嘅過程，比勝負更加重要。
呢個道理，父母都要明白。
亦都證明，做阿媽嘅……其實係湊緊兩個細路！！
（謎之音︰再次證明爸爸湊仔能力有待改善……）
原POST
史匹堡畢業演講 叫青年相信直覺
畢業季節，外國唔少名人都會獲邀參加大學畢業禮，
上台講兩句。
之前FB 教主Mark Zuckerberg嘅致詞廣為瘋傳，
今日我地聽吓另一個有腦之人史提芬史匹堡嘅金石良言。
呢位大導對住呢班畢業生講，年青時佢都唔知自己係咩人，
因為人生頭25年都係聽人地講嘢，
老師、家長甚至老闆都係話俾你知個世界係點。
你接收好多，但未必全部認同。
有時，你內在有把聲音反對，但係為咗順從，你唔出聲。
史匹堡話呢把內在聲音好微弱，但係當佢專注去搵，就發現到自己嘅直覺。
「理智」(consciousness)同「直覺」（intuition)嘅分別係︰
前者大大聲話你知「你要做啲乜」，而後者就係輕輕提你「你可以做啲乜」。
史匹堡最後提在座學生，相信你嘅直覺，
佢先係真正塑造你自己嘅關鍵。
為人父母，尤其是仔女開始大、有自己想法嘅時候，
點先可以保持「適當距離」，唔好令你嘅經驗，
影響小朋友尋找自我嘅特性？
將心比己啦，自己都唔鍾意俾人灌輸「人生道理」嘅話，
就唔好長氣又「侵」氣喇。
幾時都要記住，唔好成為童年時你所討厭嘅成年人。
https://www.facebook.com/goalcast/videos/1406356279441558/
10歲仔識寫app 蘋果CEO都要見佢！
蘋果早排嘅發布會上，有個人連CEO Tim Cook都要見一見佢。
Yuma就係呢個VIP，佢係一個app developer，來自澳洲，今年10歲。
澳洲當地學童入學後會獲發一部ipad，
其他小朋友可能用佢打機、睇片，Yuma就用嚟研究啲app。
玩吓玩吓，佢開始想寫app，就「挨」爸爸俾部電腦佢用。
然後，Yuma仲自學寫app，8歲嗰年同爸爸合作，
寫出第一個app，係幫人搵餐廳嘅。
呢個時候，佢申請停學2個月，原因係要寫app。
結果之後一年，佢創造咗5隻app出嚟，而家仲開始教大人寫app。
好多家長日谷夜谷，都想仔女贏在起跑線。
假如佢地真係有天份，不過跑道喺你唔熟悉／唔似有「錢」途嘅方面，又或者想擺低學業全力發展，
作為家長，你會點去處理呢啲「甜蜜的負擔」？
原post
九龍塘不等於名校
早排小一入學，有家長千辛萬苦都要搬去九龍塘，
因為呢區多名校喎。
求仁得仁，入到又點？
有家長就踢爆某九龍塘名校嘅學習氣氛，並唔係咁好……
一來，功課多。有份專題研習複雜到唔請槍搵家長做唔得！
二，成績平平嘅同學，老師會奚落佢地，例如叫家長幫學生搵補習，甚至轉校。
仲有，校長支持TSA，會操練，即係功課又多啲。
最後，即使小朋友應付到，呢位家長都決定轉校。
可能好多家長覺得「名校係咁架啦」。
咁就要睇你覺得「做人係咁架啦」有冇問題。
學校，有好多選擇。成長，有好多方法。
係咪只可以用成績換取快樂？呢啲就交俾家長判斷喇。
原post
生一胎真係會蠢三年？！
//成日話「一胎蠢三年」，我信。
但又何止三年，三年又三年就真。
睇完呢份分析就知，
原來生一個小朋友，要承受身體痛楚之外，
更要承受生產後嘅體內變化。
所以話呢，唔好成日話啲阿媽無記性、講極唔明呀、
長氣又唚氣等等。
班阿媽明知一生將要承受永不磨滅嘅痛楚，
都無怨無侮咁帶大家嚟到呢個世界，
何止母親節呀，
大家應該無時無刻都愛錫佢哋多啲！//
原文：【媽媽辛苦了】生一個 蠢三年？
不要讓暑假留白？
//光陰似箭，
噓一聲就到學期嘅尾段，
亦係父母嘅「大敵」－即係暑假即將來臨嘅日子。
媽媽group內班父母們為「如何令暑假過得充實而有意義」呢個議題，
真係絞盡腦汁，
年頭開始已經開始組團試course,
體操班、普通話、籃球班、游水班通通試玩。
好喇，嚟到呢個月就開始嚟料喇，
乜都報一餐先，
務求塞滿小朋友整個暑假，
最終阿媽就達標安樂晒，
阿B就辛苦晒，
暑假仲忙過返學！
呢個post提出有網友分享希望給孩子一個「空白的暑假」，
空白唔等於乜都唔做，
而係讓孩子可以做自己鍾意嘅事，
從而有助激發內心嘅創造力。
辛苦咗咁多月學習，
咪趁暑假同小朋友去放鬆下囉，
咁學海無涯嘅話，
讀萬卷書不如行萬里路，
不如plan下一家大細去邊度旅遊仲好喇！//
原文： 暑假何須太充實 hea過又如何
代「做」時代
//尋日C9仔嘅面書俾一幅填顏色比賽嘅季軍作品洗版，
見過作品嘅朋友們個個都嘖嘖稱奇。
話就話係幼兒組作品，唔好話要同小學組比較喇，
論畫功直情比成人組有過之而無不及，
直接叫「幼兒家長組」可能比較貼切啲。
查實幼兒功課由家長（代）做呢種風氣喺香港啲幼稚園大行其道咗一段時間，
美其名係親子習作，鼓勵家長同小朋友一齊做，
但其實根本就搞著啲父母，
要制作甚麼煮食報告，
仲要圖文並茂喎，
一個3歲嘅小朋友點搞呢？
好喇！簡單啲喇，
「賀年桃花手工制作」，
班家長又慌死自己個小朋友會鬥輸咁，
一手包辦，做完之後仲要po上啲媽媽group到威威，
搞到其他阿媽唔幫拖就枉為人母咁。
原post主角阿老豆驚阿女搞唔掂份閱讀報告，
拍心口自己搞掂晒，仲一句唔該份功課勁到貼埋堂。
真心一問，身為父母真係應該感到驕傲？
原文；爸爸代女兒做的小一功課被貼堂讚賞
唔好搞啲細！要鬥要跑，就由大人嚟搞喇！
//今個星期日就係一年一度嘅母親節，
又係一班孝子孝女表心意嘅日子。
做阿媽嘅心願其實來來去去都係幾味，
片中主角就同大部分香港地嘅父母一樣，
只希望子女享有「真正的快樂」。
一樣看似簡單，
但原來對生活喺香港地嘅小朋友係一個咁「 奢侈」嘅願望。
坊間成日話「贏在起跑線」，
真係想反問下「邊個決定要去跑？」、
「係唔係一定要跟住跑？」、
「唔跑咪唔駛鬥，咁咪唔駛分輸贏囉？」。
其實以上答案就呼之欲出。
不如要鬥要跑，就由班大人去搞喇，
俾啲機會班細嘅慢慢地去欣賞呢個世界吧！
P.S. 願天下母親，母親節快樂！！//
原片： 母親的讀白:我想你真正的快樂
有苦自己知
//C9仔係典型在職媽媽，
仲要係無工人姐姐個隻。
每朝趕頭趕命湊B返學再返工，
放工後再趕頭趕命買餸煮飯湊B做家頭細務，
以上日程每日無限loop,
為頭家每日爭分奪秒同時間競賽。
所以文中被投訴嘅年輕媽媽嘅心情我懂！
阿年輕媽媽重返職場唔代表佢唔洗再做人阿媽，
佢只不過希望準時放工同往日一樣煮餐晚飯俾個仔食，
再者唔OT唔代表唔會努力工作。
仲有，唔好搞到OT咁合理化好唔好?
唉！怪唔得香港會係亞洲地區OT工時最長嘅地方喇。。。。
原文： 【咁都得?】新同事為兒子不肯OT 網絡公審引起罵戰
病入膏肓
//C9仔今朝晨早流流開whatspp，
俾呢條疑幻似真嘅message嚇醒。
媽媽groups入面啲阿媽無一不大叫「恐佈」，
我直情覺得心都寒埋。
無稽嘅教育制度確實令好多家長、同學抖不過氣來，
但面對一啲普通人不能輕易改變之事，
呢位家長唔同個仔企喺同一陣線之餘，
反而仲踩多一腳，
迫阿仔入牆角，
點止抖氣，就連生存嘅空間都無呀。
如果件事係真，
麻煩認識呢位家長嘅親戚朋友，
叫事主立即求醫，希望病入膏肓嘅佢盡快得到治療。
（雙手合十ing）//
媽媽group診療所
//自10月懷胎開始，
C9仔我大大話話join咗無10個都有20個呢啲媽媽groups。
但係發現到一個奇怪現象，
我老公係豬隊友？
(photo credit by ohpama)
//C9仔在家掌管一切家中大細事務。
但日間喺公司勞勞碌碌，
夜間喺家中又要服待大細老闆日常生活兼隨傳隨到。
有時壓力加入遇著女性唔方便個幾日，
真係人都癲。
然後會諗「點解好似得我一個人為頭家撐緊？！」、
「身邊個位永遠都好似跟唔上步伐咁嘅？！」，
跟手負面情緒一湧而上。
其實有時做老婆嘅只係需要老公一啲簡單嘅互動同安慰，
例如一啲明知最後咪又係由我去完成，
但阿老公又會失驚無神舉手要做嘅舉動。
又例如只係一聲「老婆，辛苦晒，嘻嘻」，
就係咁簡單就可以去推動阿老婆繼續前進。
當然做老婆嘅適當時候亦要放手啲「事務」俾阿老公擔當下，
讓自己緩衝一下。
文中提到給老公的信入面「比起豬隊友， 倒不如做老婆的親蜜戰友~」，
搵一個相愛嘅人已經難，
一齊生活之後再建立一頭家就更加唔容易。
想你／妳老婆／老公成為你／妳嘅豬隊友定親蜜戰友？
你／妳有得揀！//
原文：【給為爹的話】不要成為豬隊友
別活在別人的期望下
//由細到大，
阿媽灌輸做人原則係有一定嘅公式，例如
「食多啲野 ＝身體健康」
「細個努力讀書 ＝ 大個成功人士」、
「英文叻 ＝ 進一步邁向國際」、
「讀理科 ＝專業人士 （醫生）」。
久而久之，
明明飽到想嘔但都繼續食，唔係阿媽話唔食會無力架；
明明唔係讀書材料，美術天份高，但死讀爛讀，阿媽話搞藝術實揸兜；
明明啲日文嘞嘞聲，阿媽話英文叻先係王道；
明明文科底，隔硬讀理科去討好阿媽。
最後成世人只係活喺其他人即係阿媽嘅期望下。。。
片中主角曾經喺德國教學，
深刻感受到德國人嘅教育理念，
而重點之一是「給小孩自由，他們反而更自律」。
人一生出來本來就不一樣，
不要付諸自己太多期望而限制咗小朋友嘅發展，
美好人生係應該自己爭取返嚟架。。。。。//
原文：【家長反思】德國幼稚園生比香港中學生更自由？
金錢買唔到嘅幸福！
(photo credit by 港．故）
//成日聽到養一個小朋友要需要4百萬。
搞到未生嘅就俾呢個唔知幾多個零嘅天文數字嚇怕。
家下嘅香港地，4百萬就連一個新盤一房單位都買唔起，
要買樓定去生仔？
片中主角一位八十後媽媽越級挑戰，
生咗5位小朋友，無請工人姐姐，
每日一打五去照顧五位小朋友起居飲食，
任勞任怨，
雖然訪問期間小朋友偶有難搞之時，
呢位媽媽仍然全程笑咪咪
EQ高之餘，
C9仔仲feel到佢滲出無限幸福暖意。
四百萬又好二千萬又好，
呢種幸福感真係幾多錢都買唔到。
奉勸各位，
唔好因為一啲無謂嘅框框而阻礙追求幸福呀！//
原文： 【小孩滿屋🍼－五個小孩逼滿屋-足本版】
放手吧，家長 !
//相比好多地方，
香港嘅小朋友好幸福，
有書讀，
有飯食，
反正就衣食無憂。
日常生活事無大小，
上至父母，
下到爺爺嫲嫲公公婆婆，
又或者工人姐姐安排得妥妥當當。
一批又一批嘅「港童」就由此模式中「生產」出來，
搞到佢哋獨立自理能力低、
依賴性強、
唔能夠單獨解決任何難題，
成為溫室中嘅小花。
圖中係新加坡某小學門口告示「如為學生送回任何遺漏物品，家長請回吧，讓學生自行解決問題……」，
所謂「從錯誤中學習、從失敗中成長」，
從而令學生建立應有嘅責任感。
想小朋友成為獨一無二 的「港童」嗎？
一切就掌握喺家長們嘅手中。。。//
原圖：【香港學嘢】
坐月忌洗頭？
//最近C9仔有好友弄璋之喜，
一入屋阿朋友煞有介事叫我坐開啲，
費事聞到佢啲頭油味喎。
阿朋友個奶奶跟足坐月傳統，
嚴禁阿朋友洗頭，
佢仲話就算係沖涼都係佢向阿奶奶力爭先有得沖咋。
勿忘初心
//經歷懷胎10月，
由發現懷孕時嘅開心、慢慢感覺到胎動時嘅好奇心、
每次去做產檢時又驚又喜又擔心，
到生產後只希望BB每日生活得健健康康開開心心。
呢條片，係讀出一封由新加坡某位校長所寫嘅信，
提醒父母，面對仔女考試時要明白「這只是一場考試，生命中還有更多更重要的事情等著他去做」，
唔好因為一場考試嘅得與失，就白白剝奪小朋友嘅夢想同才能。
時刻提醒自己當年阿B呱呱落地時，
最深切嘅一個願望係咩？
父母們請勿。忘。初。心！//
原本：一封校長寫給全世界家長的信！嚴苛的家長看完了都哭了…