#castelloza

[cathyv7]

Trobairitz Sabbatical Living

As always God is speaking LOUDLY to me in clear whispers attempting to convince this stubborn fearful woman-child (me) towards the greatest healing path of a life of passionate and spiritual service.  My steps are directing my journey into a life with passionate purpose to make a difference, leave a legacy, give humanity a piece of me that’s not as easy as passing down my  DNA.

Instead of…

View On WordPress

[oakapples]

Amics, s'ie'us trobes avinen,

Humil e franc e de'bona merce,

Be'us amera, quan era m'en sove

Que'us trob vas mi mal e fellon e tric;

E fauc chanssos per tal qu'ieu fass' auzir

Vostre bon pretz, don ieu non puosc sofrir

Que no'us fassa lauzar a tota gen,

On plus mi faitz mal et adiramen.

.

Jamais no'us tenrai per valen

Ni'us amarai de bon cor e de fe,

Tro que veirai si ja'm valria re,

Si'us mostrava cor fellon ni enic;

Non farai ja, car non vuoill poscatz dir

Qu'ieu anc vas vos agues cor de faillir,

Qu'auriatz pois qualque razonamen,

S'ieu fazia vas vos nuill faillimen.

.

Ieu sai ben qu'a mi estai gen,

Si be'is dizon tuich que mout descove

Que dompna prei a cavallier de se

Ni que'l teigna totz temps tan lonc prezic;

Mas cel qu'o ditz non sap ges ben chausir.

Qu'ieu vuoill proar, enans que'me lais morir,

Qu'el preiar ai un gran revenimen

Quan prec cellui don ai greu pessamen.

.

Assatz es fols qui m'en repren

De vos amar, pois tan gen mi cove,

E cel qu'o ditz no sap cum s'es de me;

Ni no'us vei ges aras si cum vos vic,

Quan me dissetz que non agues cossir,

Que calqu'ora poiri endevenir

Que n'auria enqueras jauzimen:

De sol lo dich n'ai ieu lo cor jauzen.

.

Tot'autr'amor teing a nien,

E sapchatz ben que mais jois no'm soste

Mas lo vostre, que m'alegr'e'm reve,

On mais eu sent d'afan e de destric;

E'm cuig ades alegrar e jauzir

De vos, amics, qu'ieu non puosc convertir

Ni joi non ai, ni socors non aten

Mas sol aitan quan n'aurai en dormen.

.

Oimais non sai que'us mi presen,

Que cercat ai et ab mal et ab be

Vostre dur cor, don lo mieus no'is recre;

E no'us o man, qu'ieu mezeissa'us o dic,

Que morai me, si no'm voletz jauzir

De qualque joi; e si'm laissatz morir,

Faretz peccat, e serai n'en tormen,

E seretz ne blasmatz vilanamen.

.

- Castelloza, early 13th century.