#daddara

[hxmtest]

Sniðugar leiðir til stafrænna lita

Jón Frímannsson @jonfrijonfri

Oft vantar mann liti. Stundum eru þeir sjálfvaldir, t.d. ef til er hönnunarstaðall. Þeir stýrast líka stundum af hefðum, vana og markhóp, „Í lagi“ takki er t.a.m. sjaldnast rauður á Íslandi. Þær pælingar væru efni í fleiri en eina grein. Núna ætlum við bara að velja okkur liti.

Litavalmyndin í Photoshop

Svona lítur litavalmyndin í Photoshop út. Það er hvorki gefandi né skemmtilegt að nota hana til lengdar. Mér finnst ég að minnsta kosti alltaf velja sömu litina úr henni, þótt það séu trilljón litavalmöguleikar. Það eru til skemmtilegri leiðir til að blanda liti.

Adobe Kuler

Adobe Kuler hefur verið til lengi. Í gamla daga var það flash-tól, en í dag er það bæði til sem iPhone app og viðbót í Photoshop.

Kuler appið í Photoshop og fyrir iOS.

Photoshop viðbótin er fín, það eru óteljandi pallettur þar, það er hægt að leita, skoða þær vinsælust, nýjustu og svo framvegis.

Fjörið er hins vegar í appinu. Það leyfir þér að taka mynd og pikka út úr henni litina. Hversu oft sér maður ekki eitthvað og hugsar „djö"#$.. er þetta flott á litinn!“.  Appið virðist samt á köflum „kæla“ litina svolítið.

Vanalega, þegar ég er kominn með smá safn í appið, sendi ég það úr símanum yfir í Photoshop, eða tek bara screenshot og opna það síðan í Photoshop, og leik mér með litina þar áfram.

Þetta trix hér frá Ericu Schoonmaker er mjög sniðugt til að ná heildarbrag á litina eftir að maður hefur stillt þá saman.

Eyedrop.me

Kuler yfir í Eyedrop.me

Eyedrop.me er annar litablandari fyrir síma. Inn í það má henda bæði myndum og vefslóðum. Það er hægt að senda úr því beint yfir í Photoshop, eða senda sjálfum sér Illustrator swatch eða hex gildin í email.

Ég nota það samt oftast eins og sést í hreyfimyndinni;  tek skjáskot af Kuler appinu þegar ég er kominn með liti sem mér líkar, hendi þeirri mynd inn í Eyedrop og vel svo úr þá tóna sem ég fíla.

Útkomur

Hérna að neðan eru teikningar sem hafa áður birst hér á blogginu, en voru litaðar svona. Það sem ég renndi yfir hér að ofan er svona „stöðluðu ferlarnir“ mínir.  Stundum tek ég ljósmynd og blörra hana og pikka liti þaðan, tek mynd af litapallettu tölvuskjánum og filtera, leik mér með „blending modes“ o.s.fv.  - bara eitthvað annað en að sitja og velja litina beint úr litapallettunni í Photoshop með músinni.

Fyrir utan að vera skemmtilegra vinnuflæði - þá gefur þetta oft óvæntar útkomur; hluti sem maður bjóst ekki við.  Á hverjum tíma á hönnuður eflaust sína uppáhalds liti og þetta hjálpar manni að brjótast út úr þeim hversdagstón. Góða skemmtun!

Texti við mynd

Texti við mynd

[hxmtest]

bla bla bla og bla

[hxmtest]

Flýtileit á mannlegum nótum

Þórarinn Stefánsson @thorarinn

Leit innan vefsvæða veldur notendum oft vonbrigðum með vélrænum og gagnslitlum niðurstöðum. Ný leitarlausn okkar hjá Hugsmiðjunni nýtir hins vegar innsæi og þekkingu vefstjóra til að skila mannlegum og áreiðanlegum svörum.

Á nýja TM vefnum er að finna nýjung sem ekki er áberandi við fyrstu sýn en getur gerbreytt upplifun notenda af því að afla sér upplýsinga – ritstýrð flýtileit.

Okkur viðmótsgrúskarana hefur lengi dreymt um að geta boðið upp á ritstýrða leitarvirkni í Eplica. Þegar greiningarvinna fyrir nýja TM vefinn leiddi okkur inn á þær brautir og vefhópur TM reyndist til í tuskið dustuðum við rykið af þeim draumum og létum til skarar skríða. Ekki er öll flýtin eins Nýjungin felst ekki í „flýti-“hluta leitarinnar. Leitarreitir sem birta jafnóðum tillögur að leitarniðurstöðum eru vel þekkt viðmótslausn – sbr. vöruleitina á byko.is. Þar er á bak við tjöldin send fyrirspurn um að fletta upp í vöruheitum í hvert skipti sem sleginn er nýr bókstafur og efstu niðurstöður birtar í fellivalmynd. Svona flýtileit hentar best þegar verið er að leita innan afmarkaðs lista, t.d. vörulista Byko eða símaskrár Já.is. Náskyld útfærsla á flýtileit er að birta ekki beinar niðurstöður heldur tillögur að leitarorðum, samanber leitarviðmótið á Google.com (og innan leitarreitsins hjá Já.is). Í öllum þessum tilvikum er notandinn að eiga samskipti við vél. Vissulega vél sem reynir sitt besta út frá þeim forsendum sem hún hefur – en vél engu að síður. Hér eru samheiti, um samnefni, frá ... Vel þekkt vandamál við leit með vélum eru samheiti (og að einhverju leyti íslenskar beygingar). Það er ekki sjálfgefið að notandinn slái inn sömu orð og leitarvélin þekkir/finnur. Ef þú ert að smíða kofa í garðinum og leitar á byko.is að pakka af tveggja tommu nöglum dugir ekki slá inn „naglar“, þeir heita nefnilega „saumur“ á fagmáli (og þar með í vörukerfinu). Í tilviki TM er spurning hvað notandi sem er að leita að bílatryggingum muni slá inn í leitarvél? Bíll, bifreið, bílatrygging, ökutæki, skyldutrygging eða kaskó? Við getum reynt að hjálpa leitarvélum með því að gæta þess að öll fyrirsjáanleg leitarorð komi fyrir í viðkomandi texta og lýsigagnaskráningu. Hættan er þá að við lendum fljótlega inni í gamla brandaranum: „Leitarvélasérfræðingur gekk inn á bar, krá, veitingastað, öldurhús, ölstofu ...“ Hvað gerir svo leitarvél eftir að við höfum samviskusamlega tengt leitarorðið „bíll“ (í helstu beygingarmyndum) á allar síður sem tengjast ábyrgðar- og kaskótryggingum ökutækja, framrúðutryggingum, bílprófi og barnabílstólum? Hvaða niðurstöðu á þá vélin að birta efst þegar leitað er að „bíll“? Ritstjórinn til bjargar Flýtileitin hjá TM byggir ekki á vélarlógík, heldur mannlegu innsæi og útsjónarsemi vefstjóranna. Hver einasta tillaga sem flýtileitin birtir hefur verið skráð sérstaklega til að skila sem gagnlegustum niðurstöðum. Ef engar tillögur ritstjóra finnast (eða ef engin tillagnanna á við) virkar leitarreiturinn eins og í hefðbundinni leit - notandanum er beint á hefðbundna síðu með leitarniðurstöðum (byggðum á vélarvirkni). Prófaðu til dæmis að slá inn annars vegar „tjón“ í leitarreitinn á forsíðu TM, og hins vegar að fara á leitarniðurstöður fyrir „tjón“.

Möguleikar ritstýrðrar leitar Hin nýja ritstýrða leit í Eplica býður upp á möguleika til að svara öllum áskorunum sem nefndar voru hér fyrir ofan. Fyrir hverja færslu er hægt að slá inn mörg leitarorð/orðmyndir, stutta textalýsingu og vefslóðina sem vísað er á. Að auki er hægt að setja vægi á skráningar, þannig að ef margar niðurstöður koma til greina birtist sú með hæsta vægið efst. Þar sem skráningarnar byggja á vefslóðum er hægt að skrá niðurstöður óháð því hvort um er að ræða grein, vöru eða skjal í skjalasafni. (Leitin gæti meira að segja vísað á niðurstöður á öðrum vef – þótt við mælum ekki endilega með því.) Er ritstýrð leit eitthvað fyrir mig? Ef þú kannast við áskoranirnar sem taldar voru upp hér fyrir ofan – þá er svarið hiklaust já. Sérstaklega ef þú ert að viðhalda umfangsmiklum vef með víðtækri þjónustu og fjölbreyttum hugtökum. Ritstýringu fylgir vinna við skráningu í upphafi auk viðhalds þegar efni vefsins breytist og/eða reynslan leiðir í ljós að skrá þarf fleiri leitarorð. Sú vinna ætti hins vegar að skila sér fljótt í ánægðari notendum og betri vef. Einn stærsti kosturinn við ritstýrða flýtileit er auðvitað að hún birtist framan við hefðbundna vélarleit. Þannig að jafnvel þótt skráningar vanti fyrir ákveðin leitarorð er notandinn aldrei verr staddur en hann var áður. (Svona svipað og kyrrstæður rúllustigi gagnast áfram sem tröppur.) Ef þetta hljómar spennandi og þig langar að betrumbæta leitina á þínum vef með ritstýrðri umhyggju – hafðu endilega samband og leyfðu okkur að bjóða þér í te (eða kaffi). Síminn okkar er enn 5 500 900. =============================================== Í vinnunni er ég kallaður Tóró, en finnst um víðan vef sem @thorarinn eða thorarinncom.

[ask-deidara-chan]

If Hidan or someone else and you had a baby what would you be called? Daddara

Danna….. (ಠ_ಠ ) Not you too, yeah?