#dowl19

[owl-96]

24 Dec 2020

صباح الخير ..

نهاية اخر اسبوع في 2020 شبيه ل نهاية اخر اسببوع في 2019 بس بادئ بدري شويه

وبداية يناير 2021 تقريبا هتبقى شبيه لبداية 2020

بس ياتري هتبقى نفس النتيجه؟

انا اتمنى وكلي عشم ويقين في ربنا ان النتيجه هتبقى افضل

مش سهل ان الواحد تتاحله فرصة انه يعيش نفس الأحداث والتفاصيل من جديد ، كأنك بترجع بالزمن لورا بس مع وجود الخبرة

اتمنى زي ما ربنا رزقني الفرصة بدون تفكير منى ، يديم عليا نعمته ويرزقني التوفيق والقوة ويبعد عني الناس الي نفوسها مريضة

" بتمنى لو اي شخص قرأ كلامي ده، ياريت يدعيلي انجح واحقق نتيجة كويسة ، وتبقى بداية اني اقف على رجلي ومحتاجش لحد"

يارب زي ما رزقتني ، ديم عليا نعمتك وتمها على خير ❤️

[owl-96]

٢٠١٩ كانت سنة صعبة من اول يوم فيها

كان كلها صدمات وخوف وانكسارات يمكن احداثها كانت اقل من السنين الى قبلها لكن احداثها القليلة كانت تعادلهم ان مكنتش اكثرهم صعوبة

بس ربنا مبيعملش حاجة وحشه ابدا وقادر يجبر بخاطرنا طول الوقت

ف على قد صعوبتها واحداثها والصدمات الى الواحد خدها فيها من اقرب اقرب الناس ليه لكن ربنا عوضني وجبر بخاطري عشان هو ربنا بس الى عالم بالقلوب

ف هو جبر بخاطري واتخرجت وبتقدير كويس مش وحش

وخلصت من كابوس ربنا وحده الى عالم انا خلصت منه ازاي

وبعديها يحصلي احلى حاجه ممكن تحصل في حياة اى انسان وهي ان ربنا يرزقني بالعمرة يارب تقبل وبزيارة الكعبة والمسجد النبوي عشان ابقى عيشت أجمل ١٠ أيام فى حياتي كلها رغم برده كل التعب والصدمات الى كانت هناك لكن ربنا كان دايما جنبي بيجبر بخاطري ويعوضني عشان ربنا عالم كويس اووى بنيتي وعالم بالي جوه قلبي وان عمرى ما تمنيت شر او حسد لحد

الحمد لله يارب على نعمك التى لا تعد ولا تحصي

الحمد لله الحمد لله الحمد لله الحمد لله الحمد لله

يارب ديم علينا نعمة الرضا بقضائك والسعي عشان نطور نفسنا وديم علينا يارب النية الصافيه واننا عمرنا ما نكره حد ولا نئذيه وديم علينا جمال الروح والقلب

الحمد لله دائما وابدا 💚💙💚💙💚💙💚💙💚💙

[owl-96]

فيه شعور جوايا دلوقتى بس مش عارفه اوصفه بإيجاز

ونفسى أوصفه لناس محددة عشان يعرفه انا بحس بايه لما بكون مضطرة أخرج من البيت

[owl-96]

من سنتين كنت عايزه اتنطط واحضر ورش وكورسات زى اى طالب جامعي طبيعي نفسه يعيش حياته الجامعيه وينجح فيها

وده كان بيتقابل بالرفض

ولما طاقتى خلصت ومبقاش عندى القدرة على الرفض والمقاوحه واستسلمت وسكتت وقولت اتخرج واتهد فى البيت وفقدت الشغف والأمل فى حاجه واتبنى جوايا حاجز كبير مش عارفه اتخطاه

دلوقتى وبعد سنتين بيتحايلوا عليا انزل شغل عشان احتك بالناس واكتسب خبرات

وطبعا عشان المكان على مزاجهم وهو ميعتبرش شغل هو حاجه اسمها خدمه عامه وحسبي الله ونعم الوكيل فى الى فكر فيها يعنى

وبيقنعونى بيها

دلوقتى بقى عادى انى انزل من البيت والمفروض احتك بالناس واكتسب خبرات

ومش مقتنعين انهم كانوا مانعنى من اى نشاط فى الجامعه وبيقنعونى ان انا الى اوهمت نفسى بده وان هما عمرهم.ما منعونى من حاجه

حقيقى انا تعبت

تعبت خلاص وقرفت وزهقت ومعنديش طاقه لأى حاجه وجوايا حاجز بيمنعنى عن اى حاجه نفسى اعملها ومش عارفه اهده ولا اتخطاه

زهقت بقى

تعبت تعبت تعبت

[owl-96]

عندى واحدة صحبتى دايما تتهمنى بقساوة القلب والجحود والأنانيه ومرادفاتهم يعنى اه والبرود كمان

لأسباب كتير يطول شرحها

وبسبب صحبتى دى والى زيها برفض اظهر ضعفى الدائم واحتياجى الدائم لناس جنبى يسألوا ويطمنوا عليا

برفض أظهر وحدتى وضعفى ووجعى وانا فى أشد الاحتياج لده زى دلوقتى كده

كان نفسى اروح اقولها انتى بتتهمينى بكذا وكذا بس ده مش صح وبسبب كلامك ده انا بقالى يومين قاعده لوحدى وبعيط وخايفه اروح اطلب من الناس انهم يبقوا جنبى ويطمنوا عليا

بس هى عمرها ما هتفهم ده وهتفهمنى غلط كالعاده

ف على ايه خلينا فى عين الناس أقوياء على الأقل عشان ميستغلوش ضعفنا

[owl-96]

I wish if I have friends that can see my stories and understand what I really feel. I wish if I have not to require interest . I wish if I have someone who could ask me what I really feel . I wish if I have friend could aske me " how are you ?". I wish if I have more frinds like them not only two or three. I wish if I really lonely instead of having friends who get bored about me . And then I say it loudly I am not fine . I need the interest .

[owl-96]

محتاجه دكتور زى بهجت فى حياتى عشان نخلص بقى

[owl-96]

27 oct 2019

انا مش شايفه نفسى وحشه ولا فاشله ولا انى المفروض أتعاقب

انا شايفه نفسى ان كل الى انا فيه ده بسببهم هما وان رغبتى فى الإختفاء والإنعزال وأحيانا الانتحار هى رغبتى فى انى أبعد عنهم أولا وثانيا انى محسش بإنى تقيله على حد ولا عاله على حد ولا بغرم أهلى فلوس كتير فشخ عشان انا باكل كتير فشخ زى ما بيقولوا

انا تقيله لدرجة ان محدش عمره سألنى مالك ولا عامله ايه

ولما بتصادف وتيجى بطريقة مباشره واحب اتوه واقول زهقانه مش أكتر مبيقدموش اى نوع من انواع المساعدة

كل الى بيتقال ان احنا كده عيشتنا كده لا بنحب الخروج ولا الفسح وانتى لازم تبقى زينا

انا كل حلمى فى الحياه انى لو حبيت أخرج أتمشى لوحدى اشم هوا يسمحولى اخرج عادى مش لازم يبقى معايا حد ويبقى فيه سبب قهري عشان يوافقوا

انا تعبانه اوووى والنوبه المره دى عااااااليه اوووى ومبقيتش قادرة احدد كل ده حقيقى ولا بسبب ال PMS

ولا هو كل ده موجود فعلا وانا بحاول اخبيه وال PMS بتبقى هى الصرخة الى بعبر بيها عن نفسى لما جسمى بيبقى خلاص مش قادر يستحمل

ياااااارب افرجها

يااارب انا تعبت ومبقيتش قادرة على أى حاجه