#hunsrik

[varenychenko-moved]

he's so based for that. me too mate i am also allergic to digraphs

[benjosview]

#portugisisch #spanisch #hochdeutsch #hunsrik (hier: Cerro Largo (Río Grande del Sur))

[elismar]

LUKAS KAPITEL 2.1-20 Yeesus Kepoer 1 In tëne tsayte , hot te Khayser Aukust en ortnung kexikt fer ti kanse foleke fom kayser raych. Ti kanse layt muxte sich rejistreere tas en tseelung fom folek kemach keept. 2 Wii tii ëyerxt tseelung kemach këp is, waar Sireenio te kowërnëyer fon Siiria. 3 Tan sin se al sich rejistreere kang, yeete ëne in sayn aychne xtat. 4 Tëswëche is Yoosef fon Nasaree, in Kalilëya, pis ti rechioon fon Yutëya kang, an en xtat woo Pëtleheem keheest hot, woo te kheenich Davi kepoer waar. Yoosef is sich tort rejistreere kang wayl ëyer apxtam fon Davi waar. 5 Hot Mariia, mit weem er hochtsayt pextimt hat, mit kehool, un sii waar en khint am waate. 6 un, is pasëyert tas, soo lang wii se in Pëtleheem waare, ti tsayt khom is fer tas khint uf ti wëlt se khome. 7 Tan, hot Mariia sayn ëyerxt khint uf ti wëlt keprung. Hot tas puupche in lumpe in kewikëlt un hot em in en frës khump keleet, wayl khee lojii waar fer tii uf khee plats. Ti Xeefer un ti ëngle 8 In tee rechioon waare xeefer woo iwer nacht uf em khamp keplip sin, ti xeef am uf pase. 9 Tan is em Hërkot sayne ëngel tsum foerxayn khom, un em Hër sayn kloor licht hot iwich ti xeefer kexaynt. Tii hon fiil pang kriit, 10 awer te ëngel saat: — Praycht khee pang hon! Ich sin too fer aych en kuut naychkheet pringe, un tii sol uersach sin fer en kroos frayt unich em kanse folek! 11 Hayt noch, in te xtat fon Davi, is ayre Rëter kepoer këp — te Mësias, te Hër! 12 Tas is ti pewaysung: tëyer fint en kleen khint in lumpe in kewikëlt, woo in en frës khump layt. 13 Im sëlwiche momënt sin fiil ëngle tsum foerxayn khom, pay tëm ëngel, wii wëns en himlixe militëyer wëyer.Ti waare loop liiter fer Hërkot am singe, am saan: 14 — Kloor fer Hërkot in te kreexte hee fom himel! Un friite uf te ëyert fer ti layt woo Ëyer liipt! 15 Wii ti ëngle tsurik noo em himel kefloo sin, hon ti xeefer ëne tsum anere kesaat: — Mëyer keen noo Pëtleheem fer se wise kriin was tort pasëyert is; mëyer keen kuke was te Hër uns fertseelt hot. 16 Ti sin xnël kang, un hon Mariia un Yoosef pekeechënt, un hon tas puupche im frës khump laye kesiin. 17 Tan hon se fertseelt was ti ëngle kesaat hate iwich tee. 18 Al tii woo aankehëyert hon was ti xeefer kesaat hon, hon sich fiil ferwunërt. 19 Mariia hot tas tings ales in sayn hërts uf kehoop un hot sich oft too triwer iwerleet. 20 Tan, sin ti xeefer tsurik uf te khamp kang, loop kesang fer te Hërkot am singe wëche ales was se kehëyert un kesiin hate. Un ales waar pasëyert wii te ëngel es aus kexproch hat.