#ioangwil

[ioangwil]

Dyma dair cerdd dwi wedi ysgrifennu i rai o fy ffrindia yn eithaf diweddar! Tri cymeriad rhaid deud!

Monty

Pryd y deuaist ddiwethaf Sion Dafydd  I rhoi troed ar dir dy wlad? Eistedd yn dy gadair ydwyt Yma'n nhref y Sais a'i brad Tyrd yn nol am adre Sion Dafydd  Ymhell o'r ddinas fawr a'i strach Tyrd yn ol i dref y Porthladd Tyrd yn nol i Gymru fach.

Iw Tom

Pan af am dro i Ben y Cei Gan oglau halltni'r heli Mae curiad yn fy nghalon i Dros ardal a thros Gymru Mae briwsion llechi yn fy ngwaed Ond tra byddai i'n dragywydd Mae mwy na hyn, yn bwysig im Rwy'n fachgen mor a mynydd

Wingnut

Mi grwydrais unwaith am Awstralia draw  Gan adael teulu da a ffrindiau ffôl,  Ac er fod traethau hardda'r byd gerllaw  Mi ddof rhyw ddydd i lethrau Cymru nol;  Cans dim ots ble y byddaf dros y lli  Mae nghalon i ym mhentref bedd y ci.

[ioangwil]

Dyma fidio arall wnes i gyda fy ngwaith i Barc Cenedlaethol Eryri.

Mi wnes i gydweithio ar y priosect yma gyda rhai o blant Ysgol Bro Hedd Wyn, Trawsfynydd.

I mi, mae'r fidio yn ofnadwy o deimladwy o ystyried ystyr geiriau y gerdd gan Hedd Wyn, wrth ei asio a melodi ysgafn 'Arglwydd Dyma Fi'.

Yma cawn ddiniweitrwydd lleisiau'r plant, a fyddai prin flynyddoedd yn ieuengach na'r hogia gafodd eu gyrru i'r rhyfel gan mlynedd yn ôl.

'Ni wnaiff pelltrau eich gyrru yn ango, blant y bryniau glân,

Calon wrth galon sy'n curo eto, er arwahân'.