#jay sonza

[hoymetro]

Sana siniraan na lang

TAPATAN Ni Jay Sonza Feeback: [email protected] or [email protected] Facebook: www.facebook.com/t2j.sonza __________________

Nais kong linawin na kung totoong may kasalanan (impeachable offense) si Renato C. Corona bilang mahistrado ng Korte Suprema ay isa ako sa kabig na patalsikin siya sa puwesto ora mismo. Ngunit kung wala niyan, dapat lamang na ibasura ang kaso o mga kaso, bayaran siya ng danyos at ikalaboso ang lahat ng may akda ng mga paratang.

Kapag kinasuhan ang isang tao, dapat ay patunayan ang lahat ng habla na ipinupukol mo laban sa kanya. Ganito sa sistema ng hustisya, maging iyan ay sa korte ng batas (Court of Law) o kangaroo court (People’s Court). Sa madaling salita, hindi puwede ang sabi-sabi at gawa-gawang paratang. Kailangan mga totoong patunay.  

Hindi na sana kinailangan pang i-impeach si Chief Justice Renato C. Corona kung ang habol lang nila ay magbitiw sa puwesto o magbikti ito. Hindi na dapat pang gumastos ng pera ng bayan para lustayin lang ng mga nagbibida-bidahan.

Dapat ay siniraan na lang ng siniraan ang mahistrado. Ginawan ng isang damakmak na kuwento, naglabas ng kung ano-anong dokumento peke man o totoo, nagsalita ang kung sino-sinong Herodes.  Tutal ganito rin naman ang kinahinatnan ng lahat ng kanilang ginawa at ginagawa.

Akala siguro ng may akda ng lahat ng ito ay tanga at kalahati ang lahat ng Filipino. Gawin ang paninira ng paulit-ulit hanggang sa ang mismong gumawa nito ay pinaniniwalaan na ang lahat ng paglulubid ng kasinungalingan.

Tingnan nyo – ipinagharap ng walong sakdal, pagkatapos ay iniatras ang lima at kalahati; ang mga paratang ay hindi (impeachable offense) pagpapatalsik ang karampatang parusa; ang mga ebidensiya ay puro kundi man karamihan ay gawa-gawa (peke); ang mga saksi ay halos sabi-sabi lang alam (hearsay) ang alam; ang mga datos ay (bloated) ilang ulit na pinalaki upang magmukhang karumaldumal.

[hoymetro]

TAPATAN: Eat Bulaga: Socially Responsible!

ni Jay Sonza

Ang hindi magawa-gawa ng mga major television network, nagagawa ng mga independent TV producers - makapaghatig ng saya at tuwa habang naglilingkod ng tunay sa manood. Ganito ang TAPE Incorporated at kanilang progamang Eat Bulaga.

Kung dati-rati ay puro pakuwela sina Tito, Vic and Joey at dabarkads, nitong huling dekada ng kanilang pagsasahimpapawid tuwing tanghali ay napaghahalo nila ang entertainment at social responsibility ng sabay at lalo pang nagpapatingkad ng kanilang palatuntunan at higit pa silang napapamahal sa mga manonood.

Tuwing may pagkakataon, hindi ko pinalalampas ang, lalo na sa segment nilang “Juan for all, all for Juan: Bayanihan of the people.” Sa pamamagitan ng programa, nakakaipon sila ng mga PET bottles na ginagawang mga silya para sa mga estudyante, na siya namang ipinagkakaloob sa mga eskuwelahang nangangailangan.

Pati nga estudyante ng UP Diliman ay nakiisa narin sa Eat! Bulaga para isulong naman ang pagtatanim ng mga kahoy. Nakakadiskubre din sila ng mga bagong talent (singer, comedian, performer, actor, etc.). Ang SOS-PAK (palaging alerto kapag may sakuna) at ABB (alalay Bulaga sa Barangay) ay hindi lamang tulong, kundi isang pagbubukas kamalayan. Pati disiplina ay naitatanim nila sa pag-uugali sa pamamgitan ng bayanihan line.

Ibang klase sina Tito at Vic Sotto, Joey de Leon, Ruby Rodriguez, Allan K, Jose Manalo, Wally Bayola at iba pang Dabarkads. Hindi nakapagtataka kung bakit imbes na malaos ay lalo pa itong namamayagpag sa patuloy na usad ng panahon. 

Congratulations to Tony Tuviera at Malu Choa-Fagar (executives in-charge of productions) at sa lahat production at technical staff ng programang mahigit ng tatlong dekadang naglilingkod at nagpapasaya sa mga manonood ng telebisyon. 

[hoymetro]

TAPATAN: Submit vs. Disclosure

ni Jay Sonza

Isang linggong singkad ng nababanggit ang salitang SUBMIT at DISCLOSURE. May kinalaman ito sa isyu ng impeachment laban sa punong mahistrado.

Tama ang katotong Ed Lingao ng Philippine Center for Investigative Journalism (PCIJ). Ang daming tangang reporter at anchor ngayon na ipinagkakamali ang submission sa disclosure (Tanong ng mga reporter at anchor: Bakit hindi ayaw po ninyong i-submit ang inyo SALN sa publiko? Sagot naman ng opisyal: ah, mali kayo diyan nakapag-submit na kami!).

Ang isyu ay disclosure o paghahayag. All government employees and officials submit their “state of assets, liabilities and net worth o SALN. Ang problema ang mga opisyal ayaw ihayag sa publiko ang kanilang SALN,

Sabi nga ni Malou Tiquia dapat pangunahan ni Pres. Aquino ang paghahayag ng SALN, alinsunod na rin sa kanyang doktrinang “matuwid na daan. Dapat utusan ni P-NOY ang lahat ng cabinet members na gawin din ito. That way you have taken a high moral ground.

Bilang commander-in-chief, atasan din dapat ng pangulo ang lahat ng mga heneral ng hukbong sandatahan at pambansang pulis na ihayag sa publiko ang kanilang SALN.

Bilang lider ng Liberal Party at coalition, kailangan hingin mo kay Speaker Sonny Belmonte na ihayag ng lahat ng mga kongresista ang kanilang mga SALN, lalong-lalo na ang mga bumubuo ng prosecution panel sa impeachment trial. 

Dapat na rin sigurong gawin ni Senate Pres. Juan Ponce Enrile na himukin ang lahat ng mag senador na i-DISCLOSE o ihayag sa publiko ang kanilang SALN.

Kasi nga naman, papaano kayo makakaganap sa inyong tungkulin sa impeachment trial, kung mismong mga congressman-prosecutor at senator-judges ay itinatagong lihim. 

Mr. President, show your political will in this regard. Your political capital will all the more increase if this is made before January 16. Its not who is on trial, its doing the right thing. Right, Mr. President

[hoymetro]

TAPATAN: Sugal pa rin

ni Jay Sonza

Simula ng maupo si Director General Nicanor Bartolome bilang hepe ng Philippine National Police (PNP), kapansin pansin ang pamamayagpag ng halos lahat ng uri ng sugal sa bansa.

Nairereport ba sa iyo ito nina Kapitan Cruz at Erning Capungcol General Nick?

Sa Lungsod ng Maynila na lang halimbawa, iisipin mong inutil si Director Roberto Rongavilla bilang chief ng Manila’s Finest dahil kabikabila ng sugal na jueteng, sakla, video karera at iba pa. 

Hayag ang balita na itong si alyas Bong o Ver Navarro (kapangalan lang kaya siya ni PO3 Navarro?)  at Emeng Macasaet ang umoorbit o nangungulekta para kay Heneral Bobby.

Sa Lungsod ng Taguig, bukod sa jueteng, mga peryahan naman ang bagong modus ng mga operator ng bawal na sugal. Kung titingnan mo simpleng peryahan lang, pero sa loob nito ginagawa ang mga color games at drop ball na may daya.

Imposible ring hindi alam ito Director Arme delos Santos. Baka naman talagang malaki lang talaga ang parating sa kanya nina Boy Dizon at Allen Manuela? O baka naman pinaiikutan lang si General ng station commander ng Taguig City Police.

Nakakahiya naman ito kapag ka nagkataon. Kasi ito ang bukod tanging siyudad na balwarte ng dalawang senador – Alan Peter Cayetano at Pia Cayetano. Ang mayor dito ay asawa at bayaw pa man din ng nabanggit na mambabatas.

Tsk…tsk…tsk

[hoymetro]

TAPATAN: Bangungot ng 2011

ni Jay Sonza

Matindi ang mga tumamang kalamidad sa ating bansa. Libo-libo katao ang nasawi sa hagupit ng mga bagyong dumaan sa Cagayan Valley at Cordillera Region; sa Surigao at Agusan Provinces sa Caraga Region; Bulacan, Pampanga, Tarlac at Zambales sa Central Luzon; at nitong huli sa Iligan at Cagayan de Oro sa Northern Mindanao at Negros Provinces.

Dinapuan ng matinding karamdaman si Pampanga Rep. Gloria Macapagal-Arroyo. Samut-saring mga kaso ang isinampa laban sa kanya hanggang sa siya ay makulong sa Veterans Memorial Medical Center (VMMC). Damay din si dating Comelec Chairman Benjamin Abalos at iba pa.

Ang matagal ng kaso ng Hacienda Luisita na nagsimula pa noong panahon ni Presidente Ramon Magsaysay at dinaanan nina Pangulong Carlos Garcia, Diosdado Macapagal, Ferdinand Marcos, Corazon Cojuangco-Aquino, Fidel Ramos, Joseph Estrada at GMA ay natuldukan na. Sa wakas mapupunta na ang lupa sa mga tunay na may-ari.

Kaso nga lang, naging mitsa ito na nagpasabog sa pantog at ikinaputok ng butse ni P-NOY. Tuloy ipinag-utos niya sa kanyang mga tutang mambabatas na i-impeach si Supreme Court Chief Justice Renato Corona. Ang siste, sa kakamadali ng mga kanyang alipores, palpak ang Articles of Impeachment kaya umangal ang buong legal community sa pangunguna ng Integrated Bar of the Philippines (IBP).

Samantala, dumami ang bilang ng mga Pilipinong nawalan ng trabaho, may trabaho nga pero hindi sapat ang kinikita, at ang pinakamalala ay dumami ang bilang ng mga gutom sa bansa.

Sa kabilang dako ipinagmalaki ng P-NOY Administration na hindi nila nagastos ang halos 400 Bilyon. May pera pala, bakit hindi ginastos para maibsan sana ang suliranin sa bansa.

[hoymetro]

TAPATAN: Ibang klase ang saya

ni Jay Sonza

 Ang saya-saya sa Pinas dahil mura ang pagkain, iyan ay kung alam mo kung saan ito matatagpuan;  mura ang mga bilihin sa mga tindahan ng ukay-ukay, 168, Divisoria, Baclaran at mga puslit at kontrabando na matatagpuan sa Puregold , SM City-Hypermart-Savemore-Waltermart at Cartimar.

Magaganda ang mga dalampasigan ng Coron, Boracay, Lubang at Baler; at kabundukan ng Apo, Kanlaon at Mayon kapag buwenas ka kukunin ka pa ng Abu Sayaf, MILF o kaya NPA; 

Mahuhusay ang mga ospital ng Lung Center, Kidney Institute, St. Lukes, Medical City, Asian Hospital, Makati Med, at Chinese Gen at sa Pinas hayag pa ang bentahan ng mga human organs.

Ang saya-saya sa Pilipinas dahil kahit bumabaha at libo ang namamatay tuloy pa rin ang mga sosyalan at party dito, party doon; kahit may ceasefire at peace talks tuloy pa rin ang putukan at kidnap for ransom;

Murang mura ang sex o bentahan ng panandaliang aliw; hindi pa hirap ang mga Pedophilia sa paghahanap ng mga makakaulayaw at may bonus pang HIV/AIDS kapag sinuwerte ka.

Talagang mas masaya sa Pinas dahil open sa sugal na legal at illegal sa mga mayayaman at mahihirap. Mamili ka – sabong, jueteng, STL, color games at drop balls na may daya, malalaki at maliliit na casino.

Ang saya-saya sa Pinas dahil madaling magpuslit ng dayuhan, droga, at iba pang smuggled items dahil madaling kaibiganin ang mga opisyal ng PNP, Customs at Immigration.   

It’s more fun in the Philippines! 

[hoymetro]

TAPATAN: Nauuna ang yabang!

ni Jay Sonza

Kapansin-pansin ang mga pangyayari na bumabalot sa impeachment ni Supreme Court Chief Justice Renato Corona. Ito ay makulay, masalimuot, balot ng paghihiganti at pamumulitika, puspos ng batikos ang proseso, ang mga nagsusulong ay mga batang-bata at atat na atat.

Naipasa ito ng House of Representative matapos lamang ang isang 10 minutong power point presentation at pirmahan na tumagal ng halos dalawang oras. Pinirmahan ito ng hindi man lamang nababasa at naiintindihan ng mga mambabatas.

Matapos ang isang araw, isa-isa ng binawi ang kanilang pirma ng mga kinatawan na nauntog sa katotohananang hindi nila alam ang kanilang pinirmahan. Ang mga hindi pumirmang congressman, inalisan ng kanilang chairmanship at membership sa importante Committee. Ang mga may delikadeza naman ay nagsipagbitiw sa pagiging miyembro ng majority.

Ang Articles of Impeachment ay pinuna hindi lamang ng mag legal scholar, kundi mismo ng buong liderato ng Integrated Bar of the Philippines at mga dalubhasa sa Constitutional Law. Katunayan, 5 kaso na ang isinampa sa Korte Suprema upang pawalang bisa ito.

Hindi pa nga nagsisimula ang impeachment trial, nagsabi na ang Palasyo na mayroon na itong balak gawin sakaling hindi ito lumusot sa Senate Tribunal. Pangalawa, ngayon pa lamang ay ipinag-utos na ang paghahanap ng pamalit kay CJ Corona.

Ito naman mga congressman-prosecutor, nauuna na ang yabang at hindi pa man ay sinasabi na nila ang kanilang gagawin. Patunay na hindi nila alam ang kanilang ginagawa. Tuloy ay napagalitan na sila ng mga senator-judges ng Tribunal at may banta pang ipakukulong sila dahil sa kanilang asal bata at pagiging ubod ng yabang.

[hoymetro]

TAPATAN: GMA Illegal Games

ni Jay Sonza

Matanong ko lang kay Atty. Samuel Pagdilao, hepe ng Criminal Investigation and Detection Group (CIDG) ng Philippine National Police (PNP) – hindi po ba maituturing organized crime ang mga bawal na sugal sa bansa? Concern ba ito ng inyong tanggapan?

Heneral Sammy at Koronel Fancisco, papaano nangyari na walang habas ang takbo ng sugal saan mang dako ng bansa? Coordinated ba ang efforts ninyo sa grupo ng Maverick, Intelligience, Napolcom at Games and Amusement Board? Sapat ba ang ulat na ipinararating nina Boyet Kalabaw, James at Boy Pineda, Jerry Salustiano, at Tony Tacorda.

Gaya ng tinuran ko noong nakaraang Lunes, kabi-kabila ngayon ang mga peryahan na front ng mga color games at drop ball na may daya sa Metro Manila at mga kanugnog na bayan, siyudad at probinsiya.

Sa maunlad na Dasmarinas City, Cavite halimbawa, ang peryahan ay nasa bukana mismo ng daan papasok ng City Hall. Ito ay matatagpuan sa kahabaan ng Emilio Aguinaldo, sa may tapat ng Petron gasoline station. 

Ewan ko lang kung nadaanan ito nina Senador Ramon “Bong” Revilla, Governor John Victor Remulla, Rep. Lani Mercado-Bautista, Cong. Jesus Remulla at Pids Barzaga.

O baka naman hindi sinasabi nina Danny de Belen at Rico Posadas na may sugalan sa Cavite kay PNP Southern Tagalog Director Meneses.

Governor Willy Sy-Alvarado ng Bulacan, diyan din sa ating lalawigan, lalo na sa bayan ng Pulilan, ganito rin ang situwasyon. Kahit magtanong ka pa kay Col. Kilates tiyak sasabihin niya ito.

Talagang masagana ang bagong taon.