Discover Top Posts Tagged with #mjaft

it fucks you up, trying to be enough for someone who is unworthy of you

#personal #heartbreak #he was never worthy #enough #mjaft

Brukseli denoncon zhdukjen e 50 milion eurove nga dy bashkitë e Edi Ramës!

Pier Mirel, Drejtori i Zyrës për Zgjerimin në Komisionin Europian ka denoncuar dje në Tiranë keqpërdorimin që disa njësi vendore u kanë bërë granteve të tyre miliona eurosh. Ai ka folur për shifrën e 50 milionë eurove investime, të cilat janë sabotuar nga Durrësi apo Korça, bashki që drejtohen nga besnikët e Edi Ramës, që shpallen nëpër media edhe si sponsorë të fushatës së Partisë Socialiste.

Taksapaguesit europianë i kanë dhënë këtë vit 85 milion euro Shqipërisë, por zyrtarët e Komisionit Europian nuk janë të kënaqur për të gjitha projektet që financohen nga fondet IPA. Pakënaqësia e tyre është veçanërisht ndaj bashkive, ndër të cilat përmendin Korçën dhe Durrësin.

“Ka një numër të madh projektesh që nuk po ecin siç duhet, dhe kam ndjesinë që nuk po bëhen përpjekjet e duhura kryesisht nga bashkitë e mëdha. P.sh projektet për impiantet e trajtimit të ujërave. Është e rëndësishme që qytetarët të kenë sistemin më të mirë në bashkitë e tyre. Kemi investuar rreth 50 milion euro në Durrës, Korçë apo vende të ndryshme. Disa projekte nuk kanë ecur sepse ndoshta bashkitë mund të kenë harruar të paguajnë energjinë. Ndërsa shkolla profesionale që kemi ndërtuar nuk ka sistem ngrohjeje”, vuri në dukje Drejtori i Zyrës për Zgjerimin në Komisionin Europian, Pier Mirel.

Ndërsa fokusuar në aktualitetin politik, Drejtori i Zyrës për Zgjerimin në Komisionin Europian theksoi nevojën e konsensusit politik, për miratimin e legjislacionit që do t’i siguronte Shqipërisë statusin e vendit kandidat në BE.

“Partitë politike duhet të jenë në gjendje të tejkalojnë çdo vështirësi që mendojnë se kanë për të miratuar legjislacionin e nevojshëm për të ecur përpara drejt aderimit. Konsensusi për integrimin evropian të përkthehet në legjislacionin e BE, në mënyrë që vendi të ecë përpara”, u shpreh Mirel, lidhur me një çështje të tillë.