مهما كانت الصعوبات اللي بتواجهها، مهما كانت التحديات اللي واقفة بوجهك تذكر دائماً قول الله سبحانه وتعالى " لَا يُكَلِّفُ اللَّهُ نَفْسًا إِلَّا وُسْعَهَا" وانه ربنا وضعك في هذا التحدي لأنك قده وقادر تتخطاه ورح تطلع منه بإذن الله وانت متعلم شي جديد ومعك خبرة جديدة لتستفيد منها في المرات القادمة، ربنا ما خلقنا عبث "حاشاه"، كل شي مدروس ومحسوب، كل يوم بتمر فيه مكتوب لك ومُقدر لك، ولكن التحدي الحقيقي يكمن في كيفية مواجهته💪🏻
.
هل رح تقعد تندب حظك؟ هل رح تقعد تعلق مشاكلك على شماعة المجتمع، الأهل، المصاري، الوضع، البلد، الناس .... والا رح توفر وقت الانتقاد وتستغله في وضع حل لمشكلتك، في التعلم من كل شي بتمر فيه، في إنك تيقن انه "لولا وجود الضد لما كان للمعنى معنى" واللي انت فيه الآن بخليك تحس بالنعم اللي ربنا معطيك ياها وما كنت مدركها؟
.
وخذ المسؤولية الكاملة في ردة فعلك باتجاه كل شي بصير بحياتك، واتعلم كيف توقف ع رجليك وانت أقوى بعد كل تحدي بتواجهه👌🏻