#paniquitarlac

[walangmaboto]

Hands off my Child

Ito ang yakap na nagsasabing Hands off my Child.

Hindi issue kung saan nakaharap si Sonya. Maawat niya ang maawat niya. Gumitna na nga ang nanay para kahit sinong matinong tao na may kalaban, maghintay man lang mawala ang nanay sa paligid bago ituloy ang away. Lalake sa lalake ikanga.

Unang binaril ni Jonel Nuezca, isang tauhan ng Philippine National Police ang nanay, si Sonya Gregorio. Binaril sa ulo na nangangahulugan na sanay pumatay sa hindi lumalaban.

Hands off our Children daw sa mga NPA, may hiya pa NPA sa lagay na ito. Sa harap ng mga kapitbahay at kamag anak namaril ang tauhan ng PNP.

[walangmaboto]

Si Jonel Nuezca may kaso, Sino unang nanakot?

Imbes ipangako na ibubulok sa kulungan ang tauhan na nawala sa landas, ano sinabi ng Chief Philippine National Police ukol sa mga video - 'Mahirap na baka mapagbalingan ka'.

Imbes na pagtulungan natin bilang isang sambayanan ang laban sa krimen, imbes ikahiya ang tao niya agad agad, ang Chief PNP nanakot pa sa taong kumukuha ng ebidensiya.

[walangmaboto]

Kasalan na ng PNP pero Pinagpipilitan pa Nila Mukha Nila

Malayo na tayo sa kaso ni Reina Mae Nasino. Hindi aktibista si Sonya at kanyang anak na si Frank Gregorio. Pinatay sila on camera na walang kalaban laban.

Pero bakit puro pulis ang paglibing sa kanila. May dala pang mahahaba.

Hindi ba pwedeng mahiya kayo muna na walang tiwala ang pamilya sa inyo? Huwag niyong sabihing hiningi kayo. Nabaril na nga kamag anak nila aayaw pa sila sa isang grupong may mga dalang mahahaba.