seen from Malaysia
seen from United Kingdom
seen from Malaysia
seen from Japan
seen from Russia
seen from France
seen from Austria
seen from Netherlands
seen from Russia
seen from Brazil
seen from Ukraine
seen from United States
seen from China
seen from Poland
seen from Austria
seen from United Kingdom
seen from United States
seen from United States
seen from India
seen from Netherlands
Ito Ako
Sisibol para sa iyo ay magsimula Ulan upang sa tibay ay magawa Tadhana nga ba para sa iyo ay tumama Pasakit na lang ba itong mapapala
Araw at gabi pilit nating ipagtagpo Lungkot at luha paano na maglalaho Pagaspas ng hangin sa dulo ng mundo ay dako Luha sa mukha ay malapit ng tumulo Walang magawa kundi ikaw ay hintayin Kasama ng aking gitara doon sa baybayin Paghihintay sa iyo kailangan pagtibayin O mawawala na lang kasama ng hangin
Lumabas sa Kahon Mo
Nakukuntento ang tao sa mga natatamasa niya sa mga kakayahan na ginagawa niya. Nabubulag tayo sa mga resulta sa pagtitiyaga natin. At hindi na natin nagagawa pang madiskubre kung ano pa ang mga pwede nating magawa. Natural na kasi sa tao na kapag nagawa niya ang isang bagay at may nakuha siyang “reward” mula dito, syempre magstick na siya sa palaging ganon na pangyayari. Hindi na niya napapansin ang ibang abilidad na meron siya at nakukuntento na lamang kung ano ang nakikita niyang kaya niya. Hindi lamang sa apat na sulok ng kahon ang buhay mo. Tandaan mo na pwede kang tumingala at buksan ang takip sa kahon mo. Huwag ka lang makuntento na palagi na lang nasa loob ng lalagyan na yan. Madilim, mainit at pipilitin mo na lang magtiyaga para diyan. Sa ganyan kalagayan mo na lang matatagpuan ang sarili mo. Tumingin ka sa taas, pilitin abutin ang labasan, at sigurado ako, makikita mo ang liwanag na pwede mo palang makamit. Isipin mo lagi na hindi yan ang pwede mong gawin. Marami pa. Alamin mo. Tiyagain mo. Pagisipan mo. Tandaan mo. Ikaw. Mismo. Yang abilidad mo.
Boyfriend101
May gusto lang akong ipayo sa mga lalaki dyan na in relationship ngayon. May napansin lang kasi ako. Kung gagawa kayo ng isang bagay o may desisyon kayong ipapatupad sa relasyon niyo ng partner niyo huwag kayong basta-basta na lang kikilos at gagawa ng hakbang. Isa pa hindi lang dahil may karelasyon ka na eh magaling ka na, bilib ka nasa sarili mo at gwapo ka na. Tandaan mo na nagkaroon ka ng relasyon kasi kaya mo nang humawak ng isang responsibilidad na hindi basta-basta. Ang pagiging part mo ng isang relasyon ay isang hindi birong bagay. Hindi lang yan puro kasiyahan at katuwaan. May point na kailangan mong magsakripisyo sa mahal mo. Gagawa ka ng mga desisyon na hindi mo pa nagagawa nung ikaw pa lang ang nagpapatakbo ng buhay mo. Para lang yang pagbibiyahe na may kasama ka. Dalawa na kayong magbibiyahe sa buhay at importanteng naiisip mo din kung ano ang nakakabuti sa inyong dalawa. Gagawa ka ng isang desisyon pero sana isipin mo hindi lang ang kasalukuyan, dapat isipin mo din kung ano ang mga magiging resulta nito sa hinaharap. Tandaan mo lalaki ka. Magpakalalaki ka sa mga kilos at gagawin mo.
May mga panahon talagang hindi aakma sa mga kagustuhan natin. Minsan kasi mahal niyo na talaga ang isa't isa pero ang pagkakataon at sitwasyon ay hindi pa din umaayon para sa inyong dalawa. Kahit pa sobrang mahal niyo ang isa't isa eh hindi pa din magiging sapat iyon para masabi niyong kayo pa din sa huli. Walang magagawa kundi tanggapin na lang ang masakit na katotohanan na hindi pa din pala kayo sa huli. Magkakaroon kayo ng ibang taong magmamahal para sa inyo pero hindi pa din talaga maiaalis sa inyo na sa kabila ng lahat ng nangyari, may lugar pa din sa puso niyo para sa talagang taong minahal niyo ng sobra.
"Tandaan mo na kahit anong mangyari, hindi man maging tayo sa huli. Sa huling hininga ko ay ikaw pa din ang nilalaman nitong puso ko. Mahal kita at hindi na mababago pa yun."
Ang babae kasi fragile yan sa kahit anong bagay kaya kung magkakaroon ka ng pagkakataon na mahalin ang isang babae at maalagaan siya, alagaan mo siya na may kasamang pagsasakripisyo para sa sarili mo. Hindi ka maggigirlfriend dahil sa sarili mo lang pangangailangan. Maggigirlfriend ka dahil binigyan ka ng pagkakataon para alagaan ang puso ng babaeng minamahal mo. Kaya ayusin mo.
Natural na kasi sa atin ang magpahalaga ng isang tao. Kung minsan nga lang eh hindi natin nagagawa ito ng tama. Napapasobra at napapakulang. Dapat din alam natin kung hanggang saan lang ba ang pagpapahalaga na tama nating gawin. Nakakatawang isipin din kasi na napapahalagahan natin ang damdamin ng ibang tao pero ang sarili nating damdamin eh nakakalimutan natin. Ang kapag nangyayari na ang mga ganong sitwasyon nagkakaloko-loko na ang mga bagay. Nalilito na din tayo saang direksyon ang kapupuntahan ng mga ginagawa natin. Ang dapat nating gawin isipin natin mabuti kung para saan o para kanino ba natin ginagawa ang isang bagay. Kung saan ba pupunta ang pagpapahalaga natin maging para sa iyo pa ito o sa ibang tao. Walang masama sa gagawin mo na ito pero basta alam mo lang kung nakakabuti pa ba ito o nakakasama na sa iyo at sa mga taong nakapaligid sa iyo.
Balang Araw
Balang araw may magsasabi din sa inyo na "Ang ganda mo" kahit na tipong kagigising niyo lang. Magpapakita ng natural na ngiti sa inyo kapag nakikita na kayo. Magbibigay ng yakap sa inyo kapag kailangan ninyo. Hahawakan ang kamay niyo sa oras na natatakot na kayo. Sasaluhan kayo sa pagtawa sa masasayang sandali at pagiyak naman sa oras ng kalungkutan at pagsubok. Balang araw may sasama din sa inyo sa mga trip na gusto niyo kahit pa para sa kanya eh nakakahiyang gawin yun. Balang araw ay darating din siya at ipaparamdam sa inyo na totoo pa din pala ang salitang "PAGMAMAHAL". Balang-araw.
Kung minsan kasi kahit gustuhin natin hindi pa din natin pwedeng gawin. Kasi maraming bagay na dahilan at maraming bagay din ang makakaapekto. Minsan kasi iisipin muna natin yung mga bagay na pwedeng mangyari o maging resulta ng isang gagawin natin at dito pa lang natatakot na tayo. Maaring sa mga sitwasyon na mangyari eh masaktan tayo. Dyan na nagkakaloko-loko ang lahat. Takot tayong masaktan. Masaktan sa mga bagay na gagawin natin. Wala naman masama kung susubukin mo ang isang bagay basta lang pakaisipin mong mabuti kung para sa ikabubuti mo ba ito o sa ikakasama. Sa huli naman ang magbebenefit ng mga ginawa mo eh ang sarili mo lang. Ikaw ang makakaranas niyan.
