Mang langyaw usa kita higala!
Mga higala, ikaw ba laagan susama namo? Kini ang saktong oras para ubanan mi nimo sa among pang langyaw sa lugar nga ma kalma imung kaugalingon. Ari nata!
Kung ikaw borido na sa trabaho ug sa imung pag skwela, arion nato ang usa ka lugar sa Gango nga swak pod sa imung jutay nga tigmamiso. Sa motoo mo ug dili kahigala, sa imung singkwenta pisos nga kantidad makalaag kana dinhing dapita. Tudluan tamo asa ang ruta aning laagan nato. Kun ikaw lumad na dinhi sa dakbayan sa Cagayan de Oro sayun ra gayud ni adtua, hali sugdan tana! Pinaka unang ruta, kini ang layo layo nga ruta apan malingaw kamo. Adtu ta diha sa may Mountain Meadows diha sa may Gusa pasaka diha baktason nato na mga higala, apan tood ug taas ang baktason pero malingaw gayud kamo sa inyung makita, busog nag ani inyung mata sa palibot, presko pa nga hangin inyung masimhotan ug naka ehersisyo pamo. Pag abot ninyo diha sa may Indahag, saka lang kamo diha sa unahan ug makita ninyo diha ang karatula nga anaa na kamo sa Barangay Gango ug kini nahimutang sa munisipalidad sa Libona ug probinsya kin isa Bukidnon.
Pag makita na Ninyo ang karatula nga anaa na kamo sa Gango, saka lang kamo diha ug padayun sa inyung jutay nga baktas. Pahinomdom lang higala ha nga ang dalan dihang dapita kai pakurbada raba ug ubay-ubay ang ga agi diha nga mga dagkong sakyanan. Ug kung anaa na kamo sa taas, makita ninyu diha higala ang kalasangan ug kun ilang ginatawag na (Forevermore) kunuhay susama anang hulagway nga anaa sa taas mao kana. Pag abot ninyo diha kapoy gayud kai sa ka taas na baktason apan ug maabot na kamo dihang dapita mawala gayud inyung kakapoy tungod sa inyung makita na kalasangan. Paghuman sa inyung jutay na pahuway pede na kamo mudiritso sa atung destinasyon.
Kilid anang inyung gi tambayan ganina, adunay agianan padong sa suba apan pahinomdom lang higala ha nga grabi ka bakilid tawon ang agianan busa hinay hinay sa pag agi. Ug kun kamo anaa na sa destinasyon makita ninyu ang Kawayanon Falls o ang ilang dagnay nga (Bigaan Falls), ako nangutana ug unsa ba gayud ang ngalan anang subaa apan adunay duha ka bersyon matud sa katigulangan. Ang orihinal nga tawag gayud ana kai Kawayanon kai kuno kana diha sa ubos daghan gayud kawayan dihang dapita, apan nagka dugay na gitawag na kini ug Bigaan kai kuno dihang dapita daghan mga batan.on og manag-uyab nga ga tambay dihang dapita ug diha na imbento ang pangalan na “Bigaan”. Diba kataw’anan sya higala? Pag abot nimo sa ubos, makita nimo nga anaay suba pero dili pa diha atong adtuan ha, baktas lang tag jutay ug sa unahan makita nimo diha ang duha nga suba. Pag abot ninyo diha pede gayud mo maligo higala kai kanang subaa, nay taas nga ligoanan ug nay sa ubos busa naa ra sa inyuha asay mas uyun sa inyo.