#weirdandintrovertkid

[weirdandintrovertkid]

nakakapressure po ba? i mean kasi lahat ng nasa course na OT, matatalino and mahirap kasing pumasa :) (Ate pahingi pang tips sa first day, pleasee? ) Thank You! :)

Alam mo anon, nasa iyo na kung paano mo i-handle yung pressure. At take note, hindi lahat ng nasa OT ay matatalino. Sadyang masisipag lang kami mag-aral. Oo, kasama ako dun. HAHAHAHAHAHA. Yung tipong tatlo hanggang apat oras na lang yung tulog at tuloy-tuloy na yung aral mula madaling-araw tapos mag-peprepare ka na lang para pumasok sa school. Yung ganoong sipag sa pag-aaral. Pero sa 3rd year pa naman yun, pag ang mga subjects eh puro major. Ang tingin ko kasi sa iyo eh freshie pa lang. So medyo mag-chill ka muna. HAHAHA. Para naman sa first day, ang tip ko sa iyo eh makisalamuha ka sa mga kaklase mo. Parang ako, iba’t-ibang grupo muna yung sinamahan ko bago ko nakilala talaga yung barkada ko. (Hi Lia, Jo, Jess, Deen at Dan!) Saka yung magiging barkada mo eh sila yung makakasama mo sa hirap ng buhay sa kolehiyo. Hahahaha. So ayun, good luck! :D

[weirdandintrovertkid]

What makes St. Martin de Porres building (Medicine Building) unique?

1. Cadaver and specimens. Tama, madaming kung ano-anong specimen sa building natin. Mapa-fetus man yan, kamay, paa, internal organs sa 1st floor, mga bangkay sa 3rd floor - you name it, lahat meron.

2. Tundra rooms. Kadalasan, ito yung room ng CRS sa first floor. (121, 123, 125, 127) Kaya ko nasabing tundra rooms iyang mga iyan dahil sobrang lamig diyan, swear. Kung minsan eh kulang pa yung isang patong ng jacket. Hahahaha.

3. Non-existent fifth floor. Pag paakyat ka ng 6th floor at galing ka ng 4th floor, mapapansin mo na walang 5th floor. Seryoso, wala talaga. Yung totoo kasi, portal yung 5th floor papunta ng Hogwarts kaya nawawala siya. HAHAHAHA joke lang. From 4th floor, diretso 6th floor ka na. Galing no? Hahahahaha.

4. Elevators. Well, lahat naman ng buildings sa UST eh may elevator. Pero ang unique sa building natin eh hindi ka puwedeng gumamit ng elevator kahit sa 6th floor pa yung klase mo. Puwera na lang kung na-injure ka at hindi kayang gumamit ng hagdan.

5. Medicine Auditorium. Dito ginaganap ang ilan sa mga cool events sa ating unibersidad. Ito kasi yata yung pinakamalaking auditorium sa UST (I'm not sure ah. HAHAHAHA) Take note, sobrang lamig din dito. Masarap matulog. Hahahaha. Saka madalas kaya bumibisita yung taga ibang college sa building natin kasi dito yung destination nila. Kaya nga tuwang-tuwa kami ng mga friends ko kapag may mga taga ibang college na pumupunta sa med audi kasi nakakapag-boy hunting kami. Hahahaha joke lang. Aral muna kayo uy. 

6. Daanan papunta ng hospital. Kapag nasa 6th floor kasi kami, pumupunta kami sa hospital para bumili ng iced coffee or juice doon sa cool na vending machine sa hospital. Perfect sa mga nilalang na inaantok na sa discussion. Kayo na bahalang mag-explore kung saan yun sa ospital. Hahaha. :))

Kulang pa 'to eh. Kayo na lang bahalang mag-explore ng med building. Hahahaha. Dagdagan niyo na lang itong listahan ko kung gusto niyo :)

[weirdandintrovertkid]

hi! please give tips for OT freshies like me. i'm really excited and nervous at the same time haha thank you in advance! :)

Hello there, anon! Here are some of the tips that I can give to you. Yung iba basahin mo na lang dito sa page ko. Hahahahaha.

1. Expect the unexpected. Manakot daw ba? Hahahaha. Pero seriously, since nasa college ka na, expect tons of quizzes, homeworks and seatworks. Kung sinusuwerte ka, minsan sabay-sabay pang nagaganap yang mga iyan. Saka most of the professors sa CRS ay nagbibigay ng pre-quiz and post quiz. Hindi na ina-announce yun. Dapat lagi kang handa.

2. Buy books from your upperclassmen. Malaki yung matitipid mo pag bumili ka ng books from the higher batch. Yun nga lang, karamihan sa mga libro eh maraming highlight saka doodle kaya unahan iyan sa pagpili ng libro na binebenta sa inyo. Pero yung mga workbooks (gaya ng ginagamit sa English) ay nabibili sa UST Publishing House (yung nasa tabi ng Beato.) Doon ka na lang bumili. Ah, yung director nga pala ng Publishing House eh si Sir Jack Wigley. (Hi siiiiiir!) Siya yung pinaka-awesome na professor ng literature ng ating pinakamamahal na kolehiyo.

3. Makipagkaibigan. Hindi lang sa mga kaklase mo o sa mga ka-batch mo kundi pati na rin sa mga ate at kuya ninyo sa CRS. Kaunti lang ang populasyon natin kaya dapat magkakakilala tayo diba? Saka malay mo pag tumakbo ka sa SC, manalo ka. :)

4. Pag-aralan mo ‘tong mapa na ito. Wala lang. HAHAHAHAHA. Natuwa lang ako sa nakita kong ito sa twitter. Yung may nakabilog na red, iyan ang tahanan natin. At sa tahanan natin, bawal mag-elevator. Hahaha (except na lang kung injured ka or something) Kaya pumasok ng maaga lalong-lalo na kung sa 6th floor pa ang klase mo.

5. Enjoy. Lagi kong sinasama itong tip na to sa lahat ng post ko about tips for freshies. Pero huwag sobra-sobra sa pag-eenjoy ha? Yung tipong napapabayaan mo na yung pag-aaral mo. Mga saktong enjoy lang dapat. Yung pag-unwind pagkatapos ng shifting exam, yung simpleng malling with friends kapag maluwag ang sched, mga ganun.

Welcome to the Royal and Pontifical University of Santo Tomas, the Catholic University of the Philippines! (Oo, kailangang buo yung title ng UST.)

[weirdandintrovertkid]

Hiiiii! passed the USTET, and OT rin ako! :) tips please lalo na sa enrollment and first day :))))

Unang-una, congratulations! Ihanda mo na ang sarili mo sa sleepless nights (charot, nanakot lang. Hahahaha) Okay, so sa enrollment, una mong gagawin eh pumunta sa seminary gym para kumuha ng reg form at magbayad ng tuition. (Hindi puwede si mommy/daddy/yaya sa loob. Big boy/girl ka na, kaya mo na iyan.) Tapos, pumunta ka sa Main Building (Yung building na may cross) to get your I.D picture taken, p.e uniform and school uniform. Medyo matagal tong process na ito (as in sobrang tagal), so pagkatapos na pagkatapos mo sa seminary gym, punta ka na agad ng Main Building. Pag natapos mo na ang dapat gawin sa Main, punta ka sa Medicine Building (St. Martin de Porres Bldg.) para magpagawa ng nameplate saka mag-order ng lab gown, dissecting kit, etc. Bumalik ka na lang the next day para sa medical exam and drug test. (Hindi mo kayang gawin ng isang araw ang lahat ng prosesong ito, sorry. Pero kung keri mo naman, why not? Pero imposible talaga eh. HAHAHAHA) Para naman sa first day of classes, yung unang araw kasi eh mass lang, so puwedeng hindi ka na pumunta. (Joke, pumunta ka. Magagalit si Lord. LOL.) Yung second day naman, yun yung may klase na talaga. (Seryoso, may mga prof na nagkaklase na agad.) Just make sure na dala mo yung reg form mo, yung resibo ng binayaran mo na tuition, mga index card. 1/8 and 1/4. Saka madaming 1x1 pics. Ayun lang, so kung may tanong ka pa, just ask me again. :) Welcome to University of Santo Tomas. Pontifical and Royal University of the Philippines. (Kailangan buo talaga para cool. HAHAHAHA)

[weirdandintrovertkid]

Hi ate!! Okay I'm fangirling over you kasi you're also a fangirl pero okay ang swerte mo kasi nag-aaral ka sa UST tas nakikita mo yung Tigers :( Pero ehmeghed yung FF mo, hands down!! Isa po kayo sa favorite writers kooo. More power to you!! God bless :D

OMG. Ngayon ko lang nakita ‘to. Huhuhuhuhu. Sobrang thank youuuu :’)

[weirdandintrovertkid]

UST vs. DLSU

So, first time kong manood ng game live kanina. Grabe, sobrang intense pala talaga kapag napapanood mo mismo ng live yung laro kaysa sa TV. Kahit namaos ako sa kaka-cheer kanina, ayos lang kasi alam ko na nakatulong iyon para lumakas yung loob ng mga manlalaro natin sa UST. Nakakataba din ng puso yung cheer ng DLSU crowd kanina na "Beat Ateneo, UST!" Parang iisipin mo na mag-sister school ang UST at DLSU. Kanina, habang nag-aantay kami sa labas ng Arena, naunang lumabas si Jason Perkins saka si Almond Vosotros saka sila Tata Bautista, Kim Lo at Ed Daquioag pero hindi kami nakapag-papicture. Share ko lang yung mga pictures na nakuha ko habang nag-aantay sa labas ng Arena.

Ang tangkad ni Norbert! Grabe. Around 5'3 or 5'4 yung height ko pero tignan niyo naman. Hahahaha. Ang awkward ng mukha niya dito.

Awkward lang nung railing na nakaharang sa amin ni Aljon. Hahahaha. Wala po akong kinalaman sa pagiging basa ng damit niya. Hahahaha.

Mala-Edward Cullen ang peg ko kanina. Kumikinang. Hahahaha. Pero parang malungkot yung smile ni Kev dito.

This big guy is so nice. Hinihintay niya talagang makapag-papicture sa kanya lahat ng tao bago siya umalis. Muntik na nga siyang maiwan ng bus eh. Hahaha. Kung wala pang coaching staff na lumapit sa kanya, hindi siya titigil sa pag-eentertain sa mga gustong magpapicture sa kanya. Sa dinami-raming beses na nakakasalubong ko siya, sa wakas may picture na rin kami. Yay!

And last but not the least, this.

Kinikilig po ako sa picture naming ito ni Thomas Torres. Yieee. Hindi niya ako fan pero dahil sa chinito eyes niya at dazzling smile, naging instant fan na ang lola niyo. O diba, cool?

Sayang nga lang at hindi ako nakapag-papicture kay Coach Pido, sa Teng brothers at kay AVO. Sayang. Di bale, may next time pa naman eh. :D

[weirdandintrovertkid]

The best kainans/hangout places around UST.

Sa mga freshmen diyan na nauubos na yung allowance dahil sa kakakain sa mga fast food restaurant sa carpark, eto ilang mga lugar na puwede niyong kainan saka mga lugar na puwede kayo mag-hangout para maibsan naman yung stress ninyo. Saka para hindi na rin siksikan sa carpark. HAHAHAHA :)

1. Ilar's

Ito yung pinaka-dabest na tapsilog-an sa UST. Located siya sa may Piy Margal St. sa Lacson. Kaya ko nasabi na the best tapsilogan to eh dahil sa super sulit na tapsilog nila. Sa 48 pesos mo, you have a large serving of tapa, fried egg and two cups of fried rice. Perfect para sa mga taong nagtitipid. Parang endorser lang ako ng Ilar's hahahahaha.

2. Dimsum Treats

Dalawa yung branch nito, isa sa may malapit sa Starbucks sa Dapitan saka isa sa may Asturias St. Sulit din 'to kasi 40 pesos lang, may apat na malalaking siomai ka na with rice. At paalala lang, sobrang anghang ng chili nila, yung tipong naiinitan na pati kalamnan mo. Hahaha. Kaya kung magpapalagay kayo, sabihin niyo konting-konti lang (medyo madami pa rin kasi yung "konti" para sa kanila) or huwag na lang kayo magpalagay. I-rerecommend ko yung quail egg siomai nila na isa sa mga paborito ko.

3. Steak 101

Sa Dapitan 'to. Yung sa building kung nasaan yung C&E bookshop saka yung BDO. Napakaraming menu dito. Puro mura pa. May combo meals sila dito. Mashed potato + iced tea + java rice and ulam.

4. Farronccino Cafe

Tama ba yung spelling ko? LOL. Anyway, hindi kainan itong Farroncino kundi isang stall na kung saan mabibili mo yung kape na kasingsarap ng kape sa Starbucks. Sa may Concepcion St. yata yun if I'm not mistaken. Sa may street nung KFC. makikita niyo yung stall sa may tapat ng Perpetual, malapit sa moon leaf. Yung mga price ng kape nila dito eh 39 for tall, 49 for grande tapos 59 for venti. Perfect para sa mga gustong manatiling gising habang may nag-didiscuss na boring na prof. Oops.

5. Tea Tea Place

Sa maniwala kayo o sa hindi, ganito talaga ang pangalan ng Tea shop na ito. In fact, pagmamamay-ari ito ng kaklase ko na si Marius Siy. Hi Marius! Super sarap ng milktea nila dito tapos may libre pa pag birthday mo. JOKE. HAHAHAHA. Pag isa sa mga kaklase/ka-batch namin na OT ang may birthday, nililibre ni Marius ng milk tea. Hindi pa nga ako nalilibre kasi suspended yung klase nung birthday ko. HAHAHA. Ma-rerecommend ko yung rock salt with cheese. Super sarap nito. :D

6. D'cream

Dalawa din yung branch nito. Isa sa may Asturias, sa tapat ng Dimsum Treats saka isa sa may malapit sa bilyaran. Nakalimutan ko yung pangalan ng street na yun. Hahaha. Magkaiba yung presyo ng milk tea sa dalawang branch. Mas mahal ng ten pesos yung sa Asturias kasi mas mahal yung renta nila doon. Madalas ako bumili ng milk tea dito kasi super sarap. As in. At isa lang din yung flavor na binibili ko. Yung Golden Sun. Malilimutan mo yung pangalan mo pag natikman mo to. Joke lang. Hahaha. Hindi ako mahilig sa tsaa pero lagi akong nainom ng Golden Sun kasi lasang gatas siya.

7. Coffee Indulgence

Madalas kami tumambay dito nung 1st year pagkatapos ng p.e. namin. 1-3 kasi yung time saka softball pa yung p.e. namin kaya init na init kami. Masarap yung Vanilla Caramel nila. Yun yung lagi naming iniinom na pampalamig.

8. Rockband

Napakaraming branches nito around UST. Ito yung tambayan namin ng mga roommates ko pagkatapos ng finals sa 1st sem at 2nd sem. Perfect na tambayan pagkatapos ng exams pero maliit lang yung cubicle. Pang-limang tao lang. Isa sa vocals, bass at guitar, drums, saka keyboard. Ilang Rockband lang yung may keyboard. Saka huwag rin kayong mag-alala kung marinig ng ibang tao yung "golden voice" mo kasi soundproof naman yung cubicle. Usually punuan to kapag last day ng classes kaya mag-pareserve kayo. Kayo na bahalang mag-explore kung nasaan yung mga Rockband. Hahaha.

Pasensya na kung puro Dapitan at Lacson lang yung mga lugar na nakalista sa taas. Bihira kasi kaming magawi sa P. Noval eh. Try niyo kumain sa Lopez Canteen saka sa Mang Tootz. Try niyo din yung mga fried isaw, kwek-kwek saka piaya sa may Lacson gate.

It's about time na i-unleash niyo yang pagka-Dora the Explorer ninyo. Madami pa kayong mahahanap na mura at masarap na kainan around UST. :D

[weirdandintrovertkid]

Hello UST-CRS freshies!

Dahil gumana na naman ang pagka-ate ko at bored ako (hahahahaha), ask me some questions. Tungkol sa Occupational Therapy, sa mga professors or sa ating pinakamamahal na kolehiyo. :D